¹ Yéne ayi itondo dze Nzambi ékabe bébè ya be banga bébè bana bé Nzambi ilongo ndé yiba bébè ke yiba tata. ² Bami tondo ba béba ya ni bana bé Nzambi yé bébè bitsé yikué basa ndé yiba bébètsé dza nda yiba ti ye Krisete tsé ya bébè tse dza nda wangu. ³ Mutu vé né ivukidze nedzi adze ni tselélé nda wangu mené. ⁴ Mutu we saka nu pika manvu mé bi nde kuna bitsila bie Nzambi. ⁵ Béyi béyi bati Krisete éya né nanguesé mébi mè dzi né bébè, nedji méne ndè manvu mé bi. ⁶ Mutu wè dzi ba nedzi ndè vele pika manvu mèbi, ékéyéné wangu ékéyiba wangu. ⁷ Mutu wi pika manvu mé tété a ni télé nda Krisete wangu méne. ⁸ Wi pika manvu mébi mwana djabele ni djabele ébanda pika manvu mébi ni mé bandu. Ayayi ye mwana wè Nzambi ne utsala manvu mé djabele. ⁹ Mwana wé Nzambi ndé pika manvu mé bi né bandzi yé Nzambi yé né mèdzi. Yayu bana bé Nzambi né bé djabele bé yi ba bangu. ¹⁰ Mutu we ndé pika manvu mé télé kaka mwana we nde tondo moko. ¹¹ Yéna misisili mié beyé bé yuba mebandu bébè bé tondo boko kaka nda Kai we buma mwandzi. ¹² Kai ébuma wangu né yi? Nendzi edza né manvu mé bi né wandji ni mé ve. ¹³ Béyi nde kima nda batu bilongo biluma. ¹⁴ Bébè yiba ati bébè ba suta liku nu tsé kuele ye libiku, ne bébè bitondo boko. ¹⁵ We ndé yitondo adzi se liku. Mutu wi dzi ne luni né moko ni umbumi wé batu umbumi we batu nde libiku. ¹⁶ Bébè bé yiba itondo né Krisete we kaba libiku ledzi né bébè uve bébè batondo boko. ¹⁷ Mutu we dzi ne wutanvu nde kaba boko nde tuka tanda ati wangu a dzi né itondo né boko. ¹⁸ A bana bami béyi ndé wowe né undzunvu uvé béyi badze né ikuive. ¹⁹ Bama yayu bé tse ati bébè bedzi se manvu mé umbu ye milima miè bébè miè tsé dze ne ivukidzé ne ndzi. ²⁰ Ti milima mie bébè mia dze ubi Nzambi atakuè milima mié bébè, ²¹ Nzambi ayi ba manvu mési. Bami tondo ba ti milima mié bébè mi dzi ngono bébè bé dzi né ivukidzé né Nzambi. ²² Biési bié bébè bidzuka a kaba né bébè bi bata me ndondzi mé dzi ne bébè bipika manvu mé ve. ²³ Yéne ayi mé ndzi ne kuvu ye Zesu Krisete mwana we Nzambi bébè bé tondo boko nda wangu yi tondo bébè. ²⁴ We bata me ndondzi me Nzambi wangu a dzi né dzi ne Nzambi adzi nedzi, yayu bébè bé yiba ati adzi se bésu ne iduduma yédzi ékaba bébè.