¹ Bana ba,me tende beyi manvu ma ya beyi ba ndu pika manvu mebi.Ni mutu ta pika manvu mebi, bebè be ne mutu wi sunga bebè kone tata,Jesus Christ mutu we telè. Wangu eboko manvu mebi me bebè ,ni kaka mebi me bebè betu,ni me ilongo dzesi. ³ Ibuma yayu bebè be yiba wangu ti bebè babata mendondzi. ⁴ Mutu wi tanda ati :Me yiba Nzambi ni nde bata mendondzi me Nzambi adzi ni ndzuma,nde telè. ⁵ Ni mutu wi bata mbadzi yedzi telè adzi ne itondo dze Nzambi yebiyiba ati bedzinedzi. ⁶ Mutu wi tanda ati Nzambi ani nedzi alanda si nda Jesus elanda. ⁷ Bami tondo ba,me nde tende beyi ndodzi ye tsahan, yedzi ni yekala ye beyi beyuka se mebandu,ndondzi ye kala ni ye bebè beyuka mebandu. ⁸ Ni me tende beyi ndondzi ye tsahan,umbu amene Christ adzi se beyi yayu pindzi ya gnongo ni kualala ya kiya. ⁹ Mutu wi tanda ati wangu ani se kualala,we nde tondo moko adzi se pindzi dzi ne tsahan. ¹⁰ Mutu wi tondo moko adzi se tselele,nde tuka namwein. ¹¹ Ni wedzi ne mbele ne moko alanda ni se pindzi.Wangu nde yiba kuele yedzi the, nedzi nde yene peyi se pindzi. ¹² Bana bami,me tende beyi utsina ne manvu me beyi mebi,bapika beyi kolokolo ne kunvu ye Zesus. ¹³ Me tende beyi be tata ne beyi beyiba we mebandu.Me tende beyi mewanzi ne beyi betuka we umbi. Me tende beyi bana bete ne beyi be yiba tata. ¹⁴ Me tende beyi be tata ne beyi be yiba we mebandu.Me tende beyi mewanzi ne beyi bene singa,mbadzi ye Nzambi yene beyi,beyi batuka we umbi. ¹⁵ Beyi nde tondo ilongo, ne medzi we ilongo.With tondo ilongo nde itondo dze tata. ¹⁶ biessi bieni we ilongo uymbile ne mi sunian, uyumbile ne massy no Santa dje libiku nde yinga ni ne ilongo. ¹⁷ ilongo ne manvu medji me tse suta ni we ki pita be Nzambi ki tondo a tse bika umbu ne umbu. ¹⁸ bana bete, yenayi itadji dje mbissa. Nda beyi be youka a ti wi Luna Nzambi akiya, be yiti be nde tondo Nzambi baya se bebe, bebe bayiba a ti itadji dje limbissa. ¹⁹ Bangu ba pula Tina ye bebe, bangu bakedza be bebe, ni be biki dza bebe, Bantu bebiki vuka ne bebe, ye Bangu be pula yayou yelaka ati, ba kaka batu be bebe we ²¹ make tende beyi kaka ati beyi nde yiba manvu me umbu. ne beyi beyiba ati: nde undjuma se manvu me umbu. ²² ndzuma ni nza, mutu we ki Suna ati Zezu kaka Nzambi mutu wayou ni ndabili we ki Suna ne tata ne mwana. ²³ we nde tondo, mwana nde tata,mutu we ki yimba mwana a dji ne tata. ²⁴ me beyi , be Yuka me bandu batayi mangu, yayu me beyi be Yuka me bandu beyi, ti ba bata mangu, beyi be dji se mwana ne tata. ²⁵ gene me ndaka me dji tandiki: ni libikou me umbu ne umbu. ²⁶ me tende beyi utima ne manvu me ki tuka tamingisse beyi. ²⁸ tsahan mwana itondo, singisse gnulu, ndili ye dji ki tse fulene, wa yene soni bussu be dji ye manvu me neni me ki tse ya. ²⁹ ti beyi ba yiba ati wangu a ni tele, we ni mwana we dji.