¹ As du-nərag daɤ awen ,nəgmad-du aman ,itawanu-ana akal wen imosan gərwərlan ,esəm-net Malta . ² Ǝssəknan-anaɤ aytedan n akal wen əlluɤ wər nəla tulat .Ǝgan-ana ketnana marhaba ,əssərɤan-ana temsay,fəlas akonaka iffayan,iga deɤ asamed . ³ Iššedaw-du Buləs eɤaf n eškan ,ig-en daɤt təmsay ,təkkas-du daɤ-san tuksay taššolt,tədad əfus-net ,təkarayay daɤ-as . ⁴ As ənayan kəl akal wen taššolt ,təkirayray daɤ əfus ən Buləs ,ad tinəmənnin: «Igmâd aššak as aləs wen əməggi ən man a imos .Irag-du daɤ agaraw ,mišan harwa da ilkâm-as əššəriɤa,wər ira ad iddər.» ⁵ Irsak-in Buləs taššolt ,tərtak daɤ təmsay,wər t-illa a t-igrâwan . ⁶ Ǝqqalan aytedan y ad ihədədəy Buləs ,madeɤ ifətəqqət iba-tu tamazayt ten da ; mišan as ərəwan wər hənnəyan a t-igrâwan ,əqqalan-du daɤ awa ənnan ,ad gannin amaran : «Ǝməli iyyan awa!» ⁷ Edag en əhoznat-tu təwəgas ən Bubləyəs ,aləs wa n əmuzar n akal wen .Izazzabbat-ana daɤ ahan-net,nəgakarad adan nənniftaɤ-as.Ig-ana marhaba əd məgura əknanen əlluɤ . ⁸ As itaggu awen,təzizalallat tanaday abba ən Bubləyəs ,tərtây-as tədist.Os-ay-in Buləs issəwar-tu ifassan-net ,onsay-as Məššina.Izzozay-tu . ⁹ Dəffər awen a du-tasin miranan n akal wen win hadatnen ,ətiwəzuzəyan ¹⁰ Ǝssəknan-anaɤ aytedan n akal wen saɤmar aggen ,as nəggaz šin teklay daɤ əɤlaln aman iyyan .Ǝkfan-anaɤ arat was nəddərar y əšikəl. ¹¹ As nəga karadat təlil daɤ Malta ,nəggaz aɤlal n aman a d-igmâdan aɤrəm n Alaskandrəya,as əwâran əssənəman as itawannu ''win əknewan '' eɤaf-net ,s ənta da akal wen da imosan gərwətlan a daɤ ikkas tagrəst ,nəgla . ¹² As nosa aɤrəm ən Surakusa ,nəga daɤ-as karad adan . ¹³ Nəgmad Surakusa nəgla har nosa aɤrəm ən Regəyon .As əzəl wa dəffər wen ,igar-du adu wa n agala ,nəgla .As əzəl wa hadan nəwad aɤrəm ən Batəyolas . ¹⁴ Den da ad nəssəha fəl arat daɤ nalkiman ən ɣaysa ,əgmayan daɤ-na a ɤur-san nagu əssa adan .Dəffər awen nənnəmad aɤrəm n Ǝrrum. ¹⁵ As danaɤ-əslan mədrayan-nana daɤ əzəgzan win əɤrəm n Ǝrrum ,əssəlkadan-ana-du əs təɤrəmt as itawannu Ta n Karad zəzzəbba .As tan-inay Buləs iga igodan i Məššina ,ikna awenniman-net . ¹⁶ As din-nəggaz aɤrəm n Ǝrrum ,irda əlxəkum i Buləs s ad iɤsər daɤ ahan wər inamaha ar əd soji wa t-ogazan. ¹⁷ Karad adan dəffər awen ,isassaɤra-du Buləs imuzaran ən kəl-Ǝlyəhud win əɤrəm n Ǝrrum. As d-əddewan inn-asan : Imədrayan-in ,nak wər nəɤšed arat walliyan i tamattay-ana wala deɤ əmmizraya alɤadaten šin du-nogaz ɤur marawan-nana ,mišan əttərmasaɤ daɤ Yerusalam ,tawagga daɤ fassan ən kəl-Ǝrrum . ¹⁸ As di-əšraɤan ,əran di-ayyin fəlas wər əgeɤ arat waliyyan a di-issiwaran tamattant. ¹⁹ Mišan ənkaran kəl-Ǝlyəhud ugayan s ad tawayya ,iqqal-i əššil agamay n a di-išrəɤ Qaysara əmənokal wa zəwwəran ,dər iga awen da ya wər əgey ənnəyat n ad aga i tamattay-ənneyat n ad aga i tamattay-nana taɤtəst waliyyat . ²⁰ Adi a fəl kawan-əssəgmaya,a kawan-əssəgmaya ,a kawan-ənəya ,məšiwəla dər-wan .Isassaran win,wwr sər-i tan-d-eway ar as əgeɤ attama-nin daɤ was əqqalan kəl-Israyil.» ²¹ Ǝnnan-as : «Nakkanay za ,wər nəgrəw širawt waliyyat a du-təfâlat akal ən Yahudəyya daɤ talɤa-nak wala deɤ os-âna-du iyyan daɤ mədrayan-nana daɤ əddin ,ag-ana isalan-nak madeɤ annu sər-ək arat . ²² Amaran nəra a danaɤ-əhan salan-net as,taggayt ta n tarrayt n Ǝlməsix ɣaysa ,wər t-illa adag a tal-wər-nəššek.» ²³ Təzzar namaggan dər-əs təmastant əzəl iyyan . As d-iɤlay əzəl wen ,osan-t-idu s igət daɤ ahan wa iha .Iššewal-asan əs gəlleyat daɤ salan ən Taɤmar ta n Məššina wa n aɤora har iga ahad ,isasagr-asan-tat .Isakn-en əs təməwit təsisagrat daɤ Ǝttawret ən Musa d Ǝlkəttaban n Ǝnnəbitan win hadatnen as,awa igannu əs ɣaysa tidət daɤ a imos . ²⁴ Wiyyad əssokasan daɤ-san aratan win inna Buləs aššak ,əzzəgzanan ;win hadatnen ugayans əzəgzan. ²⁵ Təzzar əmməzaɤan gar-essan .As əggazan šin teklay ,inna Buləs : «Tidət da a inna Infas wa zəddigan i marawan-nana daɤ əmi n ənnəbi Isayas ,as inna : ²⁶ '' Aglu ,akku tamattay en ,tannaɤ-as :' Ad tayyawan əsəsəm ,mišan wər ilkəm ad təgra wala, tayyawan asawad ,mišan wər ilkem ad tənay wala''. ²⁷ fəlas tamattay di ,əsəɤər a təga əwəl-net, gərrid as sallinat təməzzugen-net,təqqân šittawen-net ; fəl ad wər tənəy za wala taslu , taqqam da wər təgra s əwəl-net, əngəm tutab ,əzzuzəyaq-qat!''». ²⁸ Dəffər awen ,inn-asan Buləs : «Ǝssənat za as , šimattiwen šin wər nəmos kəl-Ǝlyəhud əntanatay da issok-enat-du Məššina isalan n efsan -net .Ǝntanay a dasan-z-əssəsəmnen.» ²⁹ (As inna Buləs awen ,əfalan-tu kəl-Ǝlyəhud ,əmmizaɤan wəllen gar-essan.) ³⁰ Iga Buləs əššin elan əɤrâdnen daɤ ahan ixfâr ənta iman-net ,itaggu marhaba y aytedan kul win əranen anay-net. ³¹ Itagg-asan isalann ən Taɤmar ta n Məššina ,isasaɤr-en deɤ arat kul iqqalan Ǝməli ɣaysa Ǝlməsix ši wala tasa ,wər t-illa deɤ awedan a das-igdâlann awen .