¹ Bari kuna avunur maka tindi mo yessi mami kayiri opaniri ébisabè. ² Ogula mami abari na duru bisabè bo. Bari na ki m'ébariniri, bari na moni omissi abo akulu akiliri adjandji a ndzui lí Ndziami ³ Marama mi sè, mi monon ovè ma ka pisa assissièlè ka tsu ke wawè bila ma ka tinde kakumu kawè mo yéssi djadja Théophile. ⁴ Mé sara biri oya assissielè ma ka yissira kawè kabari. ⁵ Otinli Herode na ki kani otsa ka ngudu na Judée, éki na odjadji a Ndziami kumu a ndè Zachari, ndè éki tsa okura a Ndjandji a Ndziami ma bia. Okari a ndè kumu éki Elizabeth kuonon Aaron. ⁶ Bo a buèle aki lèlè bila Ndziami bo éki magnima ndjèlédjèlè aguiri bila mami a kumu. ⁷ Bo aki bana kali, marama Elizabeth eki kanguma, ébo a buèlè essibi eki mon tina vussu otiuli yia. ⁸ Tsugu lémon Zacharie éki assa ndjandja lé ndé l'opèpere ovussa Ndziami, éki éya tinli okura ndè makassa, ⁹ Ma lémiri létsumu lemani abo, ma ka suolo opère nassa ndjandja, bo guoli na nunura otsa ndjo Ndziami ma trsura oyobo. ¹⁰ Okura a ndjo Ndziami asso áki ma ka buonon o dji ma tari l'otari adoro m'oyobo. ¹¹ Tuma Ndziami oyi, matèlé maka lumu otiri ka tsura otsutsulu otsa ndjo Ndziami ¹² Omizi tuma, Zacharie oyiani bila ndè omoni buoro. ¹³ Na tuma oduri ndè: 《Zacharie, nina ka monon buoro, na ébuoni éwè ma yura. Okari we Elizabeth akula mwana omon yo balaga é wê pa ndé kumu é Jean. ¹⁴ Ndé oli ndja la kassè ka wè bila étami nkuna maraya ka suèrè ma ka kula ka ndè. ¹⁵ Na yara ka buru yo nini ovussa kumu, ndi ka nua malli ni, bila malli akala ni. Nde aya ka bara odidima sunti otsa muon a gura ndè. ¹⁶ A Israelites kuna ma kalara pila kumu Ndziami. ¹⁷ Ndé aya kayira ovussa Ndziami bila odidima na pari èli, mara ndi a bira otima a tara pila bana bila kabira bari mabi kayira otsimi a bari a lèlè, makassa kumu bari kali amimana ka ya.》 ¹⁸ Zacharie duri na bandji:《Mi ka ya ndè bunu? Na mikakubu okari matina essibi.》 ¹⁹ Ntuma okali ndé di:《 Mibriel, buru kaka lèlè lèlè ovussa Ndziami a tumi, mi ma ka wobo na wé bila ma ka pa wé ndzui livè. ²⁰ Yemiri, wé aka kina, wè aka buna ka wobo ni ngò tsuru l'amami na ma ya marama oka yalara ndzui na lé tsura otinli ayo.》 ²¹ Okura eki adjila Zacharie, bila makima osubu a ndé kaki otsa ndjo Ndziami kèkè. ²² Tinla ndè ka tsuru, ndé eki mi mabuna kawobo bila boni ébo ayuri di ndè mibara luoro otsa ndjo Ndziami ndè eki awobo bila bo va kina. ²³ Tinla ndjandja lé ndé lewa ndé ovurugu ndjo ndè. ²⁴ Amana a tinli akè okara ndé Elizabeth obiri yimi. Ndè putu angodo atani matina, ndi akulu adura ndi kulu: ²⁵ 《Lémonon mami a kumu na mi sa mi; ndé mi kessé mi bila sala é nde missa mami ami nassiri mi okuru ovussa bulogo ami wa.》 ²⁶ Ogodo yo siami a yimi le ndè, miami otsua ntumu ndè Gabriel otsa kagudu kama tsuolo Nazareth, ²⁷ pila okassi omon nakimi ka ya a balaga opala ndé Joseph a kuonon David. Okassi na mi ya a balaga ni kumu ndè Marie ²⁸ Ndé oyi pila ndé é duri:《Abula awè Ndziami massa wè sala, kumu oli bila wè》 ²⁹ Obulu yia ndé yuru éyiani ndè opisi bulu é ndé ka pami yi mara dura ka ma. ³⁰ Tuma duri ndè:《Nina ka monon buoro, Marie wé mi bara sala ovussa Ndziami. ³¹ Monon wè akula mwana a balaga wè apa ndè kumu é Jésus. ³² Ndè aka okuru é ma tsuolo ndé mwana Ndziami akara yulu. Nkumu dziami apa ndè mbara kara ndè David. ³³ Ndè avula olila ndjo Jacob é pugu ndé yé ka ya kowa ni.》 ³⁴ Marie dura na bandji 《Kari bunu yérira mi kini ka balaga ni?》 ³⁵ Bandji kali ndè:《Odidima santi aya lila wè pari ékara yulu ye dubura ma kayini ka ndè. Monon obila mwana wé ka kula a ka tsètsè, maya ka tsudo ndè mwana dziami. ³⁶ Mono kuonon éwè Elizabeth okulu mwana otsa okubu o ndè. Nde oli ogodo a ndè y'ossiami ayimi, ndè buru ka tsuoliri ma kanguma, ³⁷ Kila na Ndziami ka kuonon ognara. ³⁸ Marie di:《Mi odjandji a nkumu mami asso ayira mosubi a ndzui léwè!》 Na ntuma ognari ndé. ³⁹ Otinli yia Marie oyini kuakua otsa puga montu éyila ka kuru kumu ayo Judie ⁴⁰ Nde nunuru otsa ndjo Elizabeth nde obiri ndè ⁴¹ Tinli y'Elizabeth na yalara bulu é Marie mwana ogniri otsa muon odidima sunti oyi tsa ndi . ⁴² Ndè owulu kima odzui le níní:《We mi bara lekumu opaniri akassi asso ovè na leburu na bili otsa muon wé ⁴³ Lo bunu lissa biri mi ka nguru a nkumu ⁴⁴ Na otinli ami ké yuru bulu awè mwana ogniri bila kassè otsa muon ami. ⁴⁵ Kassè ka buru kayaliri, ka mami a kumu éki ka duri ndé na monon mon ⁴⁶ Na Marie oduri:《Owuri ami a yima kumu, ⁴⁷ E odidima ami oli otsa kassè ko Ndziami, na vussurami. ⁴⁸ Na ndé ma kala missi pila mi olouoni a ndè ⁴⁹ Na nga pari massa mami ma nini omi; tsetsè eli kumu a ndè ⁵⁰ Nia na bari ka maya bila ka ma vura ya obari ka ma gnima ndi. ⁵¹ Nde ossi kura ka ndé ka pari kassuru ma ka tsala a nga étimiri é binda ⁵² Nde otsièsi bana ma kani ma bara abo é ndé ossari bari na ki yemiri. ⁵³ Ndè opi a nga djala bila, na nga ossolo ndè ossi bo ka vuru djila ognara. ⁵⁴ Ndè oyi na vussura Israël kumu a ndè mana mossè bo nia. ⁵⁵ 《(Va ndè ka buru a tara sa bè) Abraham bila adala a ndè ma ka obobo.》 ⁵⁶ Mari oki bila Elizabeth a ngodo atari, amana ndé ovuru pila ndè. ⁵⁷ Tinli ya Elizabeth ya ka kula étu nde akulu mwana a balaga. ⁵⁸ Bari na ki opani e ndi bila kuonon a nde ayuru di kumu ma monon i nia ndè; é bo abari kassè ⁵⁹ Otsuru l'opuomon bo ayi na kérè mwana. Bo assiri ka tsuolo 《Zacharie》 okumu é tara ndè ⁶⁰ Na nguru a ndè duru:《Kali, ma tsudo ndè o Jean.》 ⁶¹ Nde oduru bo:《Buru otsa kuonon awè kali na kumu yia kali.》 ⁶² Nde awobo na ma tsuolo mwana. ⁶³ Ndé opisi kassan gumu o tindi mami 《Kumu a ndè Jean.》bari asso akimi. ⁶⁴ otinli yo akulu yia ognua mwana onari ndzui le nde le tsuri. Ndé owobi lípi Ndziami lévè. ⁶⁵ Na bari asso na ki apana bo amoni buoro. Otsa ekuru é pugu Judée awobi o mami ka yiri. ⁶⁶ Bari asso ka yuru aléri otsa étima ébo, bo a duri: 《Mwana yu ayakaka oma?》 Na kuoro ka kumu kaki bila ndé ⁶⁷ Zacharie tara ndé obari odidima sunti ⁶⁸ Ndé obani ma ka wobo: 《Ovè na kumu dziami a Israël kabilaka ma ndé ma ya ka kiè bari a ndè bila ndè massa ka vura ka maya. ⁶⁹ Nde massa pari mon emaya otsa kuonon David odjandjo a ndè. ⁷⁰ Mami a ndè éki na duri m'ognua bari a ndè a tsètsè aluoni a nde ka duri mami kala. ⁷¹ Ka vussura kamon ka tu kakè tsusura sabè otsa djila ma nga funuramuon. ⁷² Ndé omosi m'a ndè na tara assa bè obaliri odiri o ndé o djadja. ⁷³ Odangui é ndè ka labi na tara sabè Abraham ndè aya ka pa bisabè ⁷⁴ Ndé kamana ka tsisè bisabi otsa djila ma bagui, mara yélè buoro otinli na sambla dziami. ⁷⁵ Otsa assissièlè bila opani m'ekessiri é ndè otsa omuon obisabè osso. ⁷⁶ Wè mwana mi ma yaka tsuolo wè o bandji Ndziami buru na dura mami na ma wo yulu na wè ayira ovussa nkumu ma ka selerè éyiri é ndè. ⁷⁷ Ma kapa oyéri ka kovura mi assumu ⁷⁸ Tara bisabè otsa nia ndi. Otsa nia yia ndè aya, va mwi ma ka pa sabè kawalala oyulu. ⁷⁹ Nde apa kawalala na bari kali otsa lepibi, bila nali otsa kayini ka líku mara lara se bisabè ndjila kadussu》 ⁸⁰ Nitula bana, na kuluru é bo bari pari ma odidima. Nde aki otsa kayi bo tiuli a ndé tsuru lé ndè ka bani mara ya ovussa okura Israël.