² Monon, nkumu awonro oki na oyira, yoli ndè kimadia ndè kunakuna, eki assara kua ma ndâ. ³ Tini yé nkumu awonro ye rayugui bawombo ma Jesus, ndè tumi ankumu ba kassi ka Juifs kadura Jesus makaya kassalara ndè odjadji ⁴ Bo ato mpila Jesus, bona nde nde kolokolo: «Ove wessalara ndè, ⁵ ndè madia kassi ka bisi ndè mburu otuyi bili a djô a Ndziami makierè. ⁶ Nâ, Jesus yeni bila ba tini etoyi ndè tura na ndjo, nkumu awonro otumi andigui ma ka dura ndè ndi: «Nkumu, bisa ka kolo kalikali mika telè mini wèya ndjo mi ni. ⁷ Ma bua mi bisiya mpila wè okolorô dura dja le mon, nâ odja dja mi kawuma. ⁸ Misè, mburu eli na onkumu, bila owonoro ba badje etuma emi. Mi dugui na omon: "Dje" nâ ndè yeni, na okima "ya" na ndè yi, n'odjadja mi "sabu" na ndè si.» ⁹ Tini é Jesus yé kawugui mbari yia, ndè ki tsa akimi madja le ndè é okaligui mpila dimi le bari le keli luono ndè, ndè ndi: «Mi edura bè, makassi ka Israël mi ki monon mburu bila odimi va bari.» ¹⁰ Tini e bayeni etuma kayi vuruga ndjo bo amoni odja dji miwuma. ¹¹ Atuni akè amana bua, Jesus oyéni tsa kangundu kabatsuolo ma naïn, aluoni a ndè bila dimi le bari ayeri bila ndè ¹² Nde ki yirato pana oguna kakangudu, monon, babira balara lekuakua, ngunra ndè eki muana ndeankulua wua (okazi wua eki okuli), dimi le dimi le bari akunakuna le kangundu leki bila ndè ¹³ Nkumu kamonon ndè, omoni ndè gnia mandè nâ nandè ndi: ''Bisa kali la.'' ¹⁴ Ndè yeni ndè tili kawari kabo kaki bira kabima tsako, baki bira ko assugui, ndè ndi: «Okerè balara mi edura wè temegue.» ¹⁵ Mburu ô kuakua oki menti é yirawonbo é Jesus ompi ndé na nkura ndè ¹⁶ Kanâ, bo assisso amoni obuoro, er yira bapa Ndziami levè ndi: «Tuma onini o Ndziami mi temègue tsa bisabè é Ndziami mi kessè bari a ndè.» ¹⁷ Tsia ema Jesus é yeni tsa eka ngundu e Judèe na tsa kassi kassksso essisso. ¹⁸ Alouani a Jean aduri ndè mami ma assisso ¹⁹ Kanan, Jean a tuolo aluoni a ndè buplè ndè tumi bo kapissa na nkumu: «We mburu waya sï bisi le dila okima?» ²⁰ Bo ato bila Jesus, abalara ba ndi: «Jean Baptiste ma tuma bisi mpila wè makapisa: "Y wè mburu waya si bisi le dila okima?"» ²¹ Ma tina yia, Jesus assaliri bari akunakuna bebi, onani mizi a bari akunakuna beli ki kimono ni ²² Ndé kali na bo ndi: «Amana bè ledjè, bè le duri na Jean abè malemoni sna na maleyugui. Bari beli kikimoni avru moni, ebuka etemigui, angâ ebila awumi, angâ tsukali owuri bâ makua agnusigui, aduri mbari yèvè ba bari bâ owuga ²³ Ovè oka na mburu woli ki nina ka yalara mi ma mami a mi ni.`» ²⁴ Tili evurigui aluoni a Jean Jesus yira awobo ma Jean na dimi le bari: «Bè kama leyeni monon tsa béré ekayi (otunu wagnira ma piebè? ²⁵ Nâ bè kama leyeni monon? Ololorô bari bama lasa anga mavè é ba baka tsa ebiri bevè kakâ tsa andja ma ankumu bessi. ²⁶ Nâ bè ema ledje monon? Tuma Ndziami? Éh, mi edura bè, obuli tuma Ndziami. ²⁷ Monon mburu wama tindè mandè: "Kessè mi etuma ka ovusu owè tuma mi wa selegue wè djila." ²⁸ Mi edura bè, karsa ba kula okazi, si ovuli Jean kali. Ma tini yia ovuli okierè tsa pura Ndziami ovuli ndè onini». ³⁰ Okoloro ankumu andjo Ndziami nankumu ba anguri ba kassi ka Juifs atuni mami a Ndziami ma jean obisi ka pa bo atème. ³¹ Mi eyesère bari a tiniyi va ama? Bo kama awuara? ³² Bo amawuana ekerè bemi manassa etami yira manti, bapisa abura ndi: "Bisi le wuli vuru na bè leki lila ni. ³³ Nâ Jean oyi ndè kidja pimbè ni, ndè ki gnua mali ni bè le duri ni ndè na kaduduma kebi. ³⁴ Muana buru oyi, ndè adja ndè agnua bènì ndè dira bari ba bayara adoro ma lepot na anga assumu ³⁵ okolorô ayayi timi ma bana à ndè assisso. ³⁶ Monono a pharisiens omontu atsudi ndè maradja mpila ndè. Jesus kamana kagnuna dja ndjo pharisien maradja, ³⁷ Okazi nga assumu woka ngungu kia kawura ndi Jesus oli tsa ndjo nkumu ondjo Ndziami nde yi bila owombo otsulu ovè. ³⁸ Mossubu o ndè kaki ngula Jesus mpana gnili ndè, ndè katsuka Jesus gnili m'antia a ndè, er ndè kassinina mon ma fundè, ndè kaporo djo, ndè yiri owombo yila djô. ³⁹ Tinie nkumu ondjo Ndziami otsuoli Jesus ndjo ndè kamonon bua, ndè yira dura ma nde ankulu:《Buru wu kimaraka tuma Ndziami kin ndè miya ndi okazi watila ndè yu nassumu.》 ⁴⁰ Jesus na ndè:《Simon, mi na dja mara dura we.》 Ndè kali:《Nkumu, wobo.》 ⁴¹ Jesus ndi:《Bari buelè ki ama bira adoro na buru omon. Omon ki ma bira ekama buelè, womon ki okama omon ⁴² Bari ba biri adoro, akibuna kavuta ndè mon ni. Ndè boliri bo abuelè. Mossubu yua, tsa bo abuelè wadia ndè kunakuna yunu?》 ⁴³ Simon kali ndè ndi:《Mietimina ni weli ki ma bira ndè odoro makunakuna.》 Jesus na ndè ndi 《Wè mi pama tâta.》 ⁴⁴ Na Jesus okaliri mpila okazi, é oduri na Simon:《Wamonon okazi yu, mi gnuniri tsa ndjo wè, wèki yira mi andza yila gnili émi ni. Okoloro ndè tsuki mi gnili mantsia a ndè et ossiniri djo bila fu ndè. ⁴⁵ wè ki poro mi ni, okoloro kassa gnunura ndè tsa ndjo wè nde maka poro gnili emi. ⁴⁶ Wèki yira otsua mi mari ni, okoloro ndè yiri oyombo yila gnili emi ⁴⁷ Marama mi edura wè, mi miboloro assumu a ndè makunakuna, massubu ndè wokamuosi dia lekunakuna okoloro wobaboloro tsète ndè kadia sè tsèti.》 ⁴⁸ Nâ ndè duri ndi:《Mi miboloro assumu awè.》 ⁴⁹ Baki dja bila ndè yira ba dura bonabo: 《Li balara le leboloro assumu li na?》 ⁵⁰ Okoloro Jesus na okazi nde:《Ondimi owè omi vusura wè, dje tsa kadussu.》