¹ Yesu abande gube nenze gu mbeke gidibe bumongu beku mutsienge. Ake nange gu bwatu ake tsagene. Bumongu biotsu babe vane vegi dibe. ² Yesu ake benenza mbili mambu ne kugu ake bambilere. Ave abe nenzange ake bambile. ³ Gube mutu ayende gue ne lage tsange tsi putu. ⁴ Tsangu tsi putu tsiku bonduge gu mbeke tsile nioni tsi yulu bekutse dode. ⁵ Tsimosi tsiku bonduge gumbure yi memani tsise dilene mbure yisabe yiboti tsikufu. Mba tsisabe ne mutambe boti. ⁶ Tumbe niangu negu vuduga tsike nienge mba tsisabe ne mianzi. ⁷ Tsine tsibonduge ve tsiendi tsise kubuge tsise bure. ⁸ Tsine tsibonduge gu mutambe boti tsike bende tsike bure megu meru megu mesiamenu tsine kame. ⁹ Tumbe nianuambire mutu wu ne maru ayule. ¹⁰ Yesu ne gube vike, ne be bingitsi bandi veku rumu mutu ake miuvule dibandu dikugu ? ¹¹ ake bagulere bundumbe bu yulu bubulongu bu Nyambi buenu tumbe abese singe fumu niabambili ka mukugu ¹² Mbabe kole gule, bekole labe, bekole kalege diele. mambu mawu mabi mbeme gusulu. ¹³ Ake bambilere yenu nusagulu divindigilu dikugu tsienu gulile kugu tsi tsusu. ¹⁴ Mu varitsi aga lagi musamu Nyambi. ¹⁵ Wabondugi ve mbeke tsile ave musamu wu tsilagilu aba mulu mbeni aguse gusule musamu. ¹⁶ Ve wu mosi walagilu ve mutambe me mani ve bagulilu musamu bamu dile ne mune mugange. ¹⁷ Tumbe wu sane mianzi wugu sindile maguge ne ditsoge avane basile gitu mbare besane moniu yi Nyambi. ¹⁸ Musamu wa bondugi ve mutambe wu tsiendi batu bagulu musamu. ¹⁹ Meguge me bulongu negu diolile nzale ne mugangu doli ne mbili migangu aremoni mavagi gueri musamueni wu sagubure mambe me boti. ²⁰ Musamu wu lage gu mutambe boti re bagulu musamu bamudili waburi milunde mine megu mereru mi megu mesiamenu mine kame. ²¹ Yesu ake bambilere tumbe nuabongi lambi negu yivere ²² gu tsié tavuli. Vo nuayi veri vetsietangi lambi ba yiveri gu yulu mba yikelabise giyalele. ²³ Tumbe adisueme, disa gulunu, di guambilu ve misu me batu botsu. Wotsu ane maru ayule. ²⁴ Yesu ake bambilere nubandekene ne gulu gietsu gi bakuetsigili bembatsi begu kuetsigen nebe gukunde. ²⁵ Begu vege wotsu wunembili awune muepesu begusule nesi muepesu ynandi. ²⁶ Yesu akunde bambilere bulongu bu Nyambi ne mutu ayende gue vare ²⁷ bivaru gu mutambe nesi agagué gielu nesi agamogi ne dibeti ne niangu aga libegeni ne bivaru ne biabendili. ²⁸ Mutambe aga bendisi yandi beni direge bisinge bi mubei bivaru. ²⁹ Putu negu tsiboti vegigumbi gi badokili mungo giambe akuse doke. ³⁰ Ake bambilere ne kugu yigu bonge gibagune gibulongu bu Nyambi ? Kugu yigu nenze batu botsu. ³¹ Bulongu bu yulu buvu né mulunde wuguegi banengire senevé ba muvari mubutambe wuke benda wuke viogile miri miotsu mive mbureni. ³² wuke bure birafi bineni nioni bekutse runge mubu. ³³ Yesu ayambile mu mbili kugu pasi aguambili ne dibundu. ³⁴ Abe vega musamu Nyambi, ne be bingitsi bandi ayambila bureti ase vera kugu ake besungilange divindigilu di diambu dieni. ³⁵ Wisi mosi tsisigeni Yesu ake vage be bingitsi bandi guendianu gu disimu dine ne bwatu negu tsagene gugari bwatu. ³⁶ Yesu ne be bingitsi bandi be kuende gu gari mubu beke sile bumongu. Bu mongu be fuame mumatu mawu beke bebinge. ³⁷ Mune mukunge wuke vuge mambe mekiungene gu bwatu, meke base bwatu Yesu abe gielu gu gari bwatu. ³⁸ Yesu abe gielu gu gari bwatu muru gu yulu gipundeme be bingitsi bandi beke murambuse Fumu wusa dumi dukafu yandi ake rambuge guelu. ³⁹ Yesu akenine mukunge akenine nzube vole mukunge ? vole tsube sigeme. ⁴⁰ Yesu akuambilere agye nune mune wome ? nusane gitu ? ⁴¹ ba bingitsi bandi beku gangu ne mune wome bekuivusenanga awu mutu ne punge ne nzube.