1
yésu a ingene gu ndagu y Nyambi, vana guba membogelotu.
2
Be mu géngisanga gulabe gère a gu mubeluse wisi gu kole . Bekebe dièle di gu mu furgile .
3
Yésu a yambile mwisi membogelotu rambuge sikeme ve gari. Si Yesu a yambile dibundurè :
4
gu diniangue diavegu gu gukintse dibi vo diboti wisi gu kole,gu dobule mutu vo gu musise gufu, ndu dibundu di se yambile ke pa diambu.
5
Yesu be genguisangue ne cabu, ne gu tsore gu kielu mirime miawu mi diole Yesu
akambile membogelotu simbule dikake, membogelotu a simbule, yesu a beluse dikake.
6
Vane ne vane pharisi be ke vuduge be kuende fundu i sa iboti ne hèrodiens i gu boke Yesu.
7
Yésu ne be bingitsi bandi be kuende beli ne tsube Dibundu di batu be rugila gu Galilee ,Judèe ,Jérusalem ne misiengue mi Judée
8
mi L Idumée ne mi tage tage mi Jourdain ne misiengui mi mu mbeke ne Tire ne Sidon. Dibundu di batu bulu mambu me akintsangue beku ruge gu yandi.
9
Yesu a kambilebe binguitsi bandirè: kintsilianu buatu mba du mutu dua vave .
10
Be bètse mu nigule. A buga mbili batu, kuangua na batu botsu be belangua be mu bakigangue ba bangue ne gitu gi gu mubembe
11
Ve megnugnu mabi belabe Yésu bekutemangue : u mwane ne Niambi.
12
A kubambile ne buvembe rè : nu ya ndiabise.
13
A ku pande gu mukongu a ku rombe batu be yandi a ronde, beku ruge ve mbekandi.
14
A ku vege diniangue di digumi ne be beye a ku belugere: benenguitsi, bekube nandi, ne gu be rume gwè nèdze, musamu Niambi.
15
Ne dignangue di gu satse megnugnu mabi.
16
Labanu dijumi ne be beye be atsi vege diniangue ; gu Simon a vege dine di Pierre
17
Jacques mwane Zebedée, Jean mwane nguye ne Jacques u vegu dine di Boanargès re gu vagere kaki.
18
La André,Philippe, Barthélémy, Mathieu, Thomas , Jacque mwane d Alphée, Thaddée, Simon yandi re Zélote
19
Ne Juda Iscariote u gu mu sake.
20
Bekuende gu ndagu ,ndu dibundu diku kibe, be se rugule guye. Vu biburu biandi be diulu, be ku ruge gutse mu bongue.
21
Bambilanguerè a sa ne pikile.
22
Be renditsi be migage be rugile gu Jerusalem, bamilanguerè ane dignugnu dibi dianengure bélzubul. Ne gidiéti gi me gnugni mabi, a ga santsi me gnugnu mabi
23
Yesu a be rombe beku mu tsiengue a ku be vere kugu : tsié mbéni a beze kué ku kwane
24
Pa batu be musiengui ba kué ku vague dy pasu musiengui une ugu tsiemuge
25
Pa batu be ndagu ba kué ku va dupasu ndagu ine i sa ku gube.
26
Pa mbeni a ma kué ku buse ,a gu kué ku va dupasu, a sa gu sindile agufu.
27
Ndu gu sa mutu u betse guingene gu ndagu mutu ne ngudu gué dage meboti mandi pa a sa mutunge dikengi, avana be betse dage biotsu gu ndagu
28
Nia nuambili buréti :mabi motsu me batu me gu gusulu nd mambu mabi me gwambile yau.
29
Ndu mambu mabi me gwambilu gu kielu dignugnu di sieme me sa gusulu. Ndu mutune a ne mbele i peke ne peke.
30
Yesu a bambila nana mba bemuambilerè a ne dignugnu di sa di boti.
31
Nguye Yesu ne bane be nguye bandi be ruge,
32
bekube ve kane,beku tinde mutu gwè mu rombe
33
Dibundu baba metsaguene be stiengua Yesu beku mwambilerè: Nguyagu ne bane be nguye bagu begu kane, baku kebi.
34
Yesu a ku bagulerè: nié nguyami ne bane be nguye bami?
Gigumbi kuè Yésu a ku genguise batu babangua mu mbèkandi a yambilerè genguisanu vave be nguye tsiami ne bane be nguye bami.
35
Wotsu wa vagi mambu motsu ma guivuli Niambi, mutune ayi mwane nguyami nugetu, ayi mwanenguyami dibagele ne Nguyami