¹ Ve Yesu ne be dianzitsi bandi bendila nge gu Jerusalem, be kuvuduge gu dimbu di Betlipliagé ve mbeke mukongu wu Olivier. ² Yesu ne gumbile bedianzitsi bandi ba béyi yéndanu gu dimbu dia duki. Passi nua vuduge nu gulabe gibulu gia nanguli batu ne re muanandi bi Tungu, biniangulianu nu ku bimbegile. ³ Passi mutu se nuivule a dibandu gié? Muambilianu ra: Fumu a ne mugangu ne bioni a gu nu sisse guénde. ⁴ Mambu motsu mre ma vagu nonge mambu mambile mubigitsi me ku labene. ⁵ Yambilanu muane mugétu wu Simon: kananguagu guruge ga rugi gu mbugiagu re budedu buotsune yulu Gibulu gia nanguli batu Anon. ⁶ Bebingitsi bandi bénde guévage nevu Yesu a bambilile. ⁷ Be bége gibulu ne muanandi be beduarisse ne bi duanu biandi, vana Yesu ne gunangene ve yulu Gibule. ⁸ Mbili batu be kualange biduatu biawu mu nzile, be fimbe be ku tabulange birafi bi miri be ku bisunzange mu nzile. Be vagange motsu mana gu gu gobisse Yesu. ⁹ Bumongu bu mutsienganga be kuamuganga be kuambilange re: Gitsanu fumu muane David nyambi a yupi miula gu mutu warigi gu dine di nyambi ne ngudu yulu milolu gu mbu nyambi. ¹⁰ Yandi ne guingene gu Jerusalem, bumongu be kuamugange, be kuambilange ra dibandu gie ba gobissili mutune nane? ¹¹ Bumongu bu mubingange be kuagulange be kuambilange: Yesu mubigitsi wa rugili gu Nazareth gu Galilée. ¹² Vana, Yesu ne guingene gu ndagu Nyambi. A ku sanze batu botsu be sumbisange gu Ndagu Nyambi. Ne guite Tavuli Tsiawu tsi besanzilange doli ne ndagu tsi besumbissilange mebémbi a kubambile re: ¹³ Di redu ra: Ndguami yi gunengungura ndagu dulémbu. Tumba nua yikalusse ndagu midagi. ¹⁴ A vana batu be ne pafu ne bibomfi be ruga gu mbugiandi gu ndagu nyambi yandi ne gu bebelusse. ¹⁵ Bedianzitsi be nyambi ne berénditsi be migaga, ne gulabe mambu meboti me yandi vaga. Be kulabe guandi bane be gegi bamugange gu ndagu nyambi "Dua gitsi fumu muane David. Be ku tibe kabu ne mambu motsu mane mbare be se kotange Yesu re muane nyambi. ¹⁶ Be muivule: a dibandu gié ndiayu wu bénze singile mambu me munongune? Wua gulu miamu mi bane bana? Yesu ne gu bagule re yi nu se tangune mu gisangumu gibisangumua re wa vudusi nimbu gu minu mi bane begegi ne kali tsi ve dibéni. ¹⁷ Yesu ne bedianzitsi bandi busuge musiéngi. Bénde gu Bethani gu be nungile. ¹⁸ Mekiéle menéni a gabuge gu musiéngi. Ne gulu nzale. ¹⁹ Ne gulabe muibe ve mbéke nzile, ne gudute béli ne mwu a kuragesenu ka megage. A kuambile muri ra: wu sa kunde bure milunde Vane ne vana muri ne gu néngene. ²⁰ Wissi wua duki, ve be dianzitsi bandi be gengimile muibénia be ku mame ne gulabe re wotsu wa gumuge. ²¹ Yesu ne gubagula: Ne gungénze nia nuambilipassi nu ne gitu, passi nu sa tumi page, nu guambile mukonguwu: yusse vana yiende gué kué kubume gu mubu diambu dina digulabene. ²² Mambu motsu menu guivule ne gulémbe pikilanu du mossi re nua mane medile mambu mana me gu labene. ²³ Yesu ne guénde gu ndagu nyambi, bivunde bi bedianzitsi be nyambi ne bivunde bidibundu be ruge gumbu giandi Yesu mbé kia nénzi be se muambile ra: ne ndagu tsi nié wavagili mambu mane? A nié ga kuvégi tsioni? ²⁴ Yesu ne gu muagule ra: ni ka nuivuli gnivu yiyi. Passi nu se guagula me guami ni gu nuambile ngudu tsi menu nia vagili mambu mane. ²⁵ Bapteme yi Jean yi rugilange gu? Gu yulu vo gu batu. Yawu ne yawu ne guambe séne passi dua guagule re gu yulu a gu duambile re a dibandu gié nu sa tsi gitu? ²⁶ Tumba passi duaguambile re gu batu bumongu be gu du kuana mbare bare ba yabire Jean Baptiste re Mubigitsi. ²⁷ Vana bagule Yesu re: dusa yabi gu Jean Baptiste déngile ngudu tsine. Yesu ku bambile ra: Meguami nza gu nuambile ngudu tsi niavagili mambu mane. ²⁸ Nua pikili Tsié gu didi? Mutu a yibange ne bane bebeyi. Ne guénde gu wurége a kumuambile re muanami yénde gué dianze ne muni gu giambe. ²⁹ Muane ne gu muambile re: nza guénde gi gumbi. Kué ne gusanze pikile, ne guénde gu giambe. ³⁰ Mutuna ne guénde gu muane mubeï ne gué muambile mambu méni ma mossi. Muana guagule re: ni guénde gué dianze tumba se yende. ³¹ Vane bane ba babeyi a nié rondime tayi? Yawu ne guagule re wu givunde. Yesu negu bambile ra: Batu né be bolitsi be repu, bilémbi bi bane be begétu be nua vageu va vagi mesumu be benze negile gu bulongu bu nyambi. ³² Nia guambili nana Mbare nessi Jean Baptiste a ruge gune nuambile nevu mutu ga tsagenini gu mutsiageninu wu sungeme. Nu se vagile musamuandi gitu. Tumba be bolitsi be lépu ne bilémbi be singe musamuandi. Be fungule bitsibu biawu be sanze mutsageninu. Nu labe nevu batu bana be sanzile mutsageninuawu yenu nu se singe musamu Jean Baptiste. ³³ Yuluanu kugu yimosi: gube mutu ne ginange gineni gi butambe. Ne guvare musungubali ne gu mutsienge ne murumbe ne gubuke gifininu gi tsungubali ne gurunge ndagu ndiki ye nége gu yulu. Ne gu yisombisse muvaritsi tsungubali yandi ne guende gu muvevilu gu bulongu bunzussu. ³⁴ Gigumbi gi gudoke ne guruga mu ngué giambe ne gurume bedianzitsi be mossi gu mbu muvaritsi tsungubali gué doke. ³⁵ Tumba muvaritsi tsungubali ne gubonge be diazitsi bane ne gudimbe wumossi ne guboke wune. Ne gu tinde bane memari. ³⁶ Niongu mossi guandia mu ngué giamba ne gu kunde tinde bedianzitsi be nzusu durangu viagulu ne berége. Muvaritsi abe vage nevu a vagile berége. ³⁷ Sige vana mu ngué giambe ne gutinde muanandi gu mbu giawu a yambilange re be gué gobisse muanani be gu mu vega diami dikabu di tsungubali. ³⁸ Bevantsi be giambe ne gulobe muano, ne guambeséne yawu ne yawu: givinge a ka rugi su mubokiaku ronge dukusale ne dimale didi. ³⁹ Vana yawu ne gumubége gu pnge giambi ne gué mubokile gune. ⁴⁰ Mu ngué giambe ne guruga a gié giganoli gu vage bevaritsi be giambe? ⁴¹ Batu be muambile ra: a guboke batu bana ne kabu a guvége giambe giandi be dianzitsi be nzussu be gumuvégange duandi dukabu passi tsungubali tsia bénge. ⁴² Yesu ne gu muambile ra: nu se bétsi tangune mu girangu gi bisangumu re: dimani di berungitsi be ndagu ba bumi dia kab dikutu di garia? Dia rugili gu fumu gimaga gu missu métu. ⁴³ Nevu nu se mbuma, be juif be sa kugube musiegi wu nyambi ga begini. Nyambi a gubégisse batu be sa juif be guvage tondeniandi. ⁴⁴ A wu guberuge ve dimani dina a gu benzize biléme a wu gubiku ne dimani a gu niguge. ⁴⁵ Bivunde bi bedianzitsi be nyambi ne pharisien ne gulu mambi mane ne guyabera a ga guambili nawu. ⁴⁶ Tumba gigumbi giotsa ve be rondilange mugange. Be kulungu wome bumongu mbare batu be labangue Yesu mambu gére mubigitsi.