¹ Ne gungènze bulongu bu yulu bua bagesenu ne mutu dénge butambe. A ke vuduge mekiéle me néni gué ne kébe bedianzitsi be gué dianze gu giambe giandi. ² Ne gumane tsonzige ne be dianzitsi durangu du doli gu mussa, Ne gu be tinde gu giambe giandi. ³ A vuduge gigumbi gi meguére me Réru ne gulabe be dianzitsi be nzusu be sa ne gidianzu. ⁴ Ne gubambile ra: yenu guandi yendanu gu giambe giami. Ni gunuvege biotsu biboti vana bende gué dianze. ⁵ Ne gu kunde vuduge gigumbi gi meguére mesiamenu, meguére kambe mosi avage munongu mosi. ⁶ Di mosi guandi gigumbigidigumi dimeguére ne diguére dimosi ne gukunde vuduge ne gu laba be fimbile, ne gubambile ra: dibandu gié nua tsagenini gugu nu sa ne gidianzu musotsu? ⁷ Be ke muagule re: Mbare gusandi mutu wa duvégi gidianzu. A kubambile ra: yenu guandi yendanu gu giambe giami. ⁸ Tsisige ne guruga, mungué giambe ne guambile mutu wu bandekenange doli. ⁹ Rombe bedianzi wu ku bevege dolitsiawu, pakile wu se sukisa ne wu se régile. Ve bedianzitsi be se sukisu gubongu ne guviga yawu botsu be vegu dukabu mungumosi (furemosi). ¹⁰ Ve bedianzitsi be rege be rugilange be pikilange re be guvégu doli viagune ne tsi batu be se sukisse guruge, tumbe yawu guandi ne guvegu ka dunangu dué duamosi (furemosi). ¹¹ Yawu ne gumanu vegu doli, be kué sosse gu mbu mungué giambe. ¹² Yawu ne guambile ra: bedianzitsi be se sukisse ruga be se dianze meguére mebeï Tumba wu se duvege yetu botse doli munongu mosi yétu du se kénge pakile mekiéle gu Tsié Nyangu. ¹³ Tumbe mungué giambe a bagule: be mbatsi nza nuvage dibi. Dusa tsonzige mekiéle durangu dune gu mutua? ¹⁴ Bonganu durangu duna yéndanu mugangu gu mbugiami guvege be dianzitsi be se sukisse ruga munongu mosi nénu. ¹⁵ Disa diboti gu kieluami guvage diotsu di nia rondi ne doli tsiamia? ¹⁶ Guandi, dimi diénu dissandi diboti mbare ni mubotia, vana wa sukissi a gabi murége a wu réga a kusukisse. ¹⁷ Nevu Yésu a pandanga gu Jerusalem; a kubonge digumu ne bedukitsi bandi bebéyi munzila a kubambile re: ¹⁸ Géngisanu du ka pandi gu Jerusalem Muane mutu a gu saku gu bivunde bi bedianzitsi be nyambi ne berénditsi be migage. ¹⁹ Be gu muenze nzugu kuange ne gu dufu, be gu musake gu batu be sa yabi nyambi nonge be ku mudoke, be ku mudimbe migebi siga be gu mugomine Tumba musse muréru a gu ku gabugile moniu. ²⁰ Vana nguge bane be Zébédée ne guruge gu Yésu ne bane bandi, ne gubandeme ve wusu Yésu, ne gu muivule mué diambu. ²¹ Yésu ne gumuagule ra gié gi warondi? Ne gu muagule re vége dinianga re bane bami ba béyi be Tsageri: wumosi gu mebagele magu a wuna gu megétu magu gu bulongu buagu be yulu ²² Tumba Yésu ne guagule: wu sa yabi diambu di ndia wa guivuli. Nu bénze gunu mupoti wu menu ni gunua? Be muambile: du bénze gunu. ²³ Ne guambile re: ne gungenza mupotuami nu gu munu, tumba gutsagene ve mebagele mami ne megétu mami sa menu nia vegi diniange dine. Tumba mbure tsine tsi kinzilu batu be Nyambi yandibéni a sale. ²⁴ Digumi di be bingitsi be Yésu ne gulu nana be ku Tibile bane be nguye ba béyi kabu. ²⁵ Tumba Yésu ne gu be nénga a kubambile wa yabi re givunde gi batu be sa yabi Nyambi ba be Tsarili. Mindumbe miawu nia be vegi migage. ²⁶ Tumba sa munongu mosi ve gariénu wotsu wa rondi gube givunde ve garienu, a yibi mudianzitsiénu. ²⁷ Wotsu wa rondi gube ve wusu ve garienu a yibi mudianzitsiénu. ²⁸ Re dibandu muane mutu a se rugile gu se dianzilu tumbe gusse dianze gu guvege moniuandi gu kielu mbili batu. ²⁹ Yawu ne gusugemusiéngi Jericho bumongu ne gu mubinge. ³⁰ Ne gulabe batu be ne pafu be béyi be Tsagene ve mbèke nzila. Yawu ne gulu re Yésu gu vioge ga viogi yawu ne gu rambuge be kuambilange re: Fumu muane David dulu ngébe. ³¹ Tumba bumongu be ku be gandisange re volanu Tumba be ke kunde guamuge gu yulu viagenu: fumu muane David dulu ngébe. ³² Yésu ne gussikeme, ne gu be nenge ne gu bivule: gié gi nua rondi re ni nu vagi? ³³ Be ku muambile re fumu missu metu me tsibugi. ³⁴ Yésu ne gubasse ne gigèbe ne gubembe missu mawu vane ne vane missu ne gu tsibuge yawu ne gu mubinge.