¹ Ba kumi ku sambwa dina dia nzadi mungwa kuna tshia besi Gelasienene ² mu tangwa ka tuluki Yesu mu bwatu mu mbala mosi, mutu mosi ka kadi ye pefia mbi kisi kwena yandi hana kati kia maziamu. ³ Mutu wuna kazingiki mu kati kia ba maziamu. ⁴ Keku mutu ka fwaniki mu kumununga ata mu miniololo. Ba mukasiki mbala hingi ye miniololo mia ndondu ku malu. Katabudi miniololo pi ka zengiki ndondu. ka kadiku mutu wu wa kukiki mu ku mulembika. ⁵ Mwini ye phipa, kakadi mu maziamu ye kuna mongu. ka bokiki ngolu pi kadilwekiki ye matadi ma meno. ⁶ Ha ka moni yesu mu kiana, kisi thinu kwena yandi ye wu fumukami ku thwala yandi. ⁷ Ka boki ngolo kibeni: "khie diambu yena ya wu ye ngeyi, mwana Nzambi wa zilu? ⁸ Yi kubondila mu zina dia Nzambi, wu ngiangisiku" mudiambu ka kadi mu kumusamuna: "lubuka mu kati kia mutu yandu , pefia mbi" ⁹ Pi Yesu ka mu hiudi: "khi zina diaku" yandi kavutudi: "zina dia ma ndonga mudiambu thwena bingi" ¹⁰ Ba mu bondidiki bwingi mu phila ni ka ba tuma ku homa hika. ¹¹ gu yina,kibuka ki mosi kia ba ngulu ba diki mu lweka mongu ¹² .ba bondidiki yesu pi ba zonzi:tu hitika kwena ba ngulu , tu yambula twenda kota mukati kia bawu." ¹³ Yesu wu baheki nzila; pefi za mbi zi lubuki mwena mutu wuna ye bendi kota mwena ba ngulu. Ba bosu bendi kota mu nzadi, kitesu kia mafunda modi ma ba ngulu ma fi mu mamba. ¹⁴ Ba bakengidiki ba ngulu bendi samuna kuna hata ye muna nziunga ma mahiti ,pi batu bingi bisi tala ma mahiti. ¹⁵ Bisi kwena yesu, ha ba moni mutu huna wa kadi theti ti pefi za mbi wa kuzakala, wa ku vwata miledi pi mu kimutu, ba yuki boma. ¹⁶ Ba bamoni mosu ma mahiti, kwena mutu wuna wa kadi ye pefi za mbi , ba zonzi kwena ba bikuisa ma mahiti kwena yandi ti ma mahiti kwena ba ngulu. ¹⁷ Ba bondidiki Yesu ka katuka ku hata dia bawu. ¹⁸ Mutangwa Yesu ka koti mu bwatu, mutu wa kadi ye pefi za mbi, wu bondidi Yesu mu pila ni ka mulanda. ¹⁹ Kasi Yesu ka zodiku. Hakana ka mu samweni : nda wenda mu nzwaku kwena ba pangi zaku,ye ba samwana moosu Nzambi ma ka kusadidi, pila ka kuloludi masumu moosu. ²⁰ Hakana kendi ye ba samwani mambu moosu ma ngolu Yesu ka sadi mukuma kia yandi mu ma hata moosu kumi, pi mutu wosu kayituki. ²¹ Mu tangwa di kasabuki Yesu ku sambwa dia hika mu kati kia bwatu, batu bingi bisi munziunga yandi, ye ka kadi wa kutelema mukhala mamba. ²² Thwadisi mosi wa nzwa bisambu zina diandi Zayilusu, wukumi pi mu tangwa kamoni Yesu,wudilosi mu malu mandi. ²³ Kunima mubondidi ngolu, wu zonzi:"mwana meni wa mukhetu kizola ka fwa! yuka wu zodi wisa wa mu sia moku, mu pila ni ka yuka mboti pi ka zinga ²⁴ .Hakana Yesu wendi ti yandi, pi batu bingi ba mulandi ye bendiki thinu mu bela bela ti yandi. ²⁵ Kinga kwa kadi ye mukhetu mosi kalubukiki menga mvula kumi ye zodi. ²⁶ Kamoni pasi zingi kumonga lusanzu kwena minganga. Kalubudi mbongu zosu zi kakadia zawu,mavimpi mandi ma sobiku, kasi pasi za kumiki kaka zingi. ²⁷ Kayuki batu bizonza mukuma kia Yesu.Hakana ka pusani mu bela bela ye yandi kumanima pi wu musimbi mu muledi. ²⁸ Khiawu kadi zonzidiki yandieni:" yukani ya simba ata mulediandi, ya beluka. ²⁹ Mu tangwa di kamu simbi, menga m,andi ma kangami mu kulubuka, ye wu yuki mu nitwandi ni wu beluki mu pasi zandi. ³⁰ Mbala mosi Yesu wu yuki ni ngolu zi lubuki mu kati dia yandi, Kunima baluki ku kibuka kia batu ye hiudi:"nani wu tsimbi mu muledi?" ³¹ Ba longuki bandi ba'p musamwani:"wu mona batu bingi bi tutana yaku hamana wu hiula ni nani wu tsimbi?"Kasi Yesu katadi mu lweka lwandi mu kutala nani wusadi mambu mana ³² ?Mukhetu wuna buna kazayi mambu moosu ma mahiti mu kati kia yandi wisi kwena Yesu katekitiki ye boma.Wubwi ha tsi ku thwala Yesu ye mutedi masonga moosu. ³³ Wu mu samwani:"mwana ma wa mukhetu , lukuikilu kwaku lu kuhulusi.Wenda mu ngemba ye beluka mu kimbefu kiaku ³⁴ .Mu tangwa di ka mu zonzidiki, batu bisi ba tuki kwa nzwa pfumu wa nzwa bisambu ye ba zonzi:"mwan'aku wa mukhetu wa fi, mukuma kia khi wu yangisa Longi?" ³⁶ Ata mutu ka muhekiku nzila ka mulanda kaka Peteku,Yakobo ti Yowani, pangia Yakobo ³⁷ .Bisi kuma mu nzu ya pfumu ya nzu ya bisambu.Yesu moni batu ba siki malokesi mingi; ba didiki ye ba tatiki ngolu. ³⁸ Tangwa ka koti mu nzu, wu ba samwani:"khia kikuma kwena kisakasaka ye khia kikuma lu dila?Mwana keku wa kufwa Kasi ki nimba. ³⁹ Ba mu seyi.Kasi wu ba lubudi boosu ku nzila.Wu Longi tata mwana,mama mwana, ti bana ba kadi ti yandi, ye ba koti kisika kina ka kadi mwana. ⁴⁰ Wu simbi moku ma mwana ti wu zonzi:"Talitha koum", disongidila ni ,"mwana mukhetu yiku zinga ni telema." ⁴¹ Mbala mosi mwana telemi ye tambudi,(khiawu ka kadi ye mvula kumi ye zodi).Ye ba yituki bwingi. ⁴³ Wu ba zonzidiki ba mekiku ba samwana ata mutu mambu mama. Ye wu ba samwani ba muheka kima kimosi ka dia. ⁴²