¹ Butwena, yi lusonikina ba mpangi ba zola mukanda wa zodi, kikuma kia lutedimisa masonga to mabanza menu, ² mupila ni lwa yukuka ndinga zi ka samuni kutwala munzila za ba mbikudi ba longu ti tsiku ya pfumuetu ti ngolu zietu ba hani mu nzila bayekudi benu. ³ Zayenu ku thwala ni batu ba kuzaya ba kwisa mu bilumbu bia tsuka, ba bulazenga ye batambula bwosu bwena ngindu bawu. ⁴ Ye bazonza: "kwelwena lusilu lwa ku vutuka kwandi? Banda kuna bafwa batata betu, kasi mambu mosu mena kaka pila mosi, banda luyandiku lwa thotu. ⁵ Babwisa mu luzolua bawu, ni zilu ya thotu lwatuki mu mambu ye mu kati kia mamba, katuka thama mambu mama salama mu nzila ndinga nzambi, ⁶ Ye mu nzila bima biabi thotu ya kiana ya dindi mu mamba ye yafi ye bahondiya. ⁷ Tala, zilu ti thotu bazwekedia mu kuma kia mbawu munzila tsiku yayina: ba luheka mukima kila kusambisa ti ku honda batu bambi baba zayiku nzambi. ⁸ Pangi wa tondana, lufwaniku lwa vila kima, ni kilumbu kimosi kuntwala Nzambi kwena funda dia bilumbu, pi funda dia kilumbu diena kilumbu kimosi. nzambi katelema ku mu kulungisa bisilenu biandi bwosu ba hika biyindula. ⁹ Kasi kena ya mbundua kutula kwa benu ka zodiki mutu ka vila, kasi bosu ba baluloa mabanza. ¹¹ Hakana bima biosu bifweti fwa mu mpila yayina ki pila batu lufweti kala? lufweti zinga mu busantu bwa kinzambi. ¹² Lwakani hinga kukanga mbundu pi kukwisa kwa kilumbu kia Nzambi, kilumbu kiakina zulu dia yokama ku mbawu, bima biosu bia hia mbawu. ¹³ Kasi twisi hinga bwosu buna katusamwani, zulu dia pa ti tangwa pa, masonga mayala. ¹⁴ Yi bwabuna, pangia zolama, muku hinga mambu ma salama mupila ni, ba kuwaniku wakala mvindu ata kifu kuntwala yandi, wa ngemba. ¹⁵ Mongenu bwosu kukanga thima wa pfumuetu kwena lukulusu lwetu, bwosu kasoniki bwa pangietu Polu: kulandana mayela ma ba mu heka. ¹⁶ polu ki zonzila mambu mamana mumikanda mukati mambu mamana kwena ya mamena ngolu mu kubakisa. Baba konda nzahilu pi ba konda ngolu bisi katula bwosu bisala mumasonama ma hika, mu kuvila kwa benu. ¹⁷ Mu bwabuna, pangi wa zolama, bwosu luzayima mana, kebenu, pila ni lukadi ba kwila munzila luvunu lwa batu konda masonga. ¹⁸ Kasi yelenu muma mboti ma nzambi ye nzayilu ya pfumwetu Yesu klisitu kwa yandi khembu ti lukumu lwa kala tangwa zosu Amen.