¹ Ba sakudi ba luvunu bishi kwena batu, ye ba longi ba mbi ba kwisa kwena benu. Ba lunatina mukisueki kwena bawu ye mabanza ma kubebisa, ba yadila longi wu wa ba suba. ² Ba bendaka mbala mosi kwena bawu. Bingi ba landa pila bawu ya kuyukila. ye mu ndonga ya bawu nzila ya masonga ya kala ya kuvwezama. ³ Mu luvunu, ba kotila kwana benu te ndinga za luvunu. ku fundisama kwabawu kwa kingiloku; kubebisama kwa bawu kwa nimboku. ⁴ Omana Nzanmbi ka swekiku b wandjo ba basumuki. Kansi, ka ba lembudi kwena "tartarus" mupila ni ba kala ba kukasama mu miniololu mu kati kia piba ye kuna kilumbu kia lusambusu. ⁵ Pila mosi, ka swekiku thoto ya kiana, kasi ka kebi Nowa, wu wa hadi longi dia masonga, ye thsambwadi dia hika; mutangwa di ka tumi mvula mu thotu ya masumu. ⁶ Nzambi pi ka kulumusi mbanza za sodomi ye gomolu. mu pfututu ye ka bazengi khanu ya kubebisama, mu pila dia ba sadisa bosu mbandu yi ya kwisa kwena ba kwa masumu. ⁷ Mukikuma kia mutu wa masonga loti, wa hadi hosu tangu ba yukidihiku kwena batu ba kadiku nu kati dia thsiku mu konda kuyukana kwa bawu. nzambi ka mugulushi. ⁸ Buka kadi mutu wa masonga, wa jingiki ye bawu kilumbu mu nima kilumbu, ka kadi wa kuyangisama mu mbundw'andi ya masonga, mu kuma kia mama ka moni ye mama ka yukiki. ⁹ Pfumu Nzambi zayi bwe ka hatula batu ba mboti mu mikakatanu, ye bwe ku kengidila batu ba tshoki mu ku ba heka ndola ki lumbu kia lusambisu. ¹⁰ Mama mena kuhita masonga mu kuma kia baba bi landa mu nzila za kufuta kaniaka ka nitu ye bi tedimina ki pfumu. Bena lulendu ye mutwa ngolu. beku ye boma bwa kusambwisa batu ba lukumu. ¹¹ Ba wandjo bena ye ngolu ye ikesa kia mbuta, kasi ba natakoku kwena bawu kusambisama kwa ngushi ku twala pfumu. ¹² Kasi za mbishi za khonda ngindu bwosu za salama ba kwataza ye ba bebisaza. Bizi kuzaya ba nani bi tukana. Ba kala ba kubebisa. ¹³ ba monga lufutu lwa mambu ma bawu ma mbi. bi banza ni kudihana mu bima bia lulendu mu kilumbu kia mvimba kwena mboti. bena ba kusumuka ye mvindu. Bidi sepidisa mu luvunu lwa bawu mu twangwa bena mu ba feti benu. ¹⁴ Bena ye mesu ma basa bizuzi bia ba khetu b ndumba; ba kalloku kwikama mu mambu ma bawu ma mbi, ye bena ye mbundu za ba ka mu kusala mambi. bena bana ba kusingama. ¹⁵ Ba yambula nzila ya mboti. ba dividisa ye ba landa nzila ya balaami mwana wa Beoti, wa zolaka ku monga lufutu lwa khonda masonga. ¹⁶ Kasi ka mongami dihika mu kuma kia kunwanisama kwandi hibeni. Punda mosi ya Mukhetu ya zonzi mu ndinga ya batu ya sukisi kilawu kia mbikudi. ¹⁷ Batu baba bena bosu tho za khonda mamba. Bena bosu matuti ma nikani kwena pfundji. baba swekila ndambu ya pipa. ¹⁸ Ba yakulaka ye lulendu lwa pamba. ba bendaka batu mu ku lungisa nzala za nitu. ba bendaka baba bazolaka kutina kwena baba bazingaka mu kuyekulama. ¹⁹ Ba ba laka kipwanza, kasi baweni bena ba pika ba kamiaka. Sambu mutu mosi kena pika dia biabi bi nunga ye yandi. ²⁰ Wuna wu zola ka yekuka mu masumu ma thotu mu nzila ya nzayilu ya pfumu, thsiku ya theti ya kuma ngolu kuhita ya theti. ²¹ Kulutidi mboti mu kuma kia bawu mu ku konda kuzaya nzila ya masonga, katu kuzaya masonga ye wu balumuni za tsiku za santu zi ba baheki. ²² Kingana ki kiena masonga mu kuma kia bawu: "Mbwa wu vutukidi bilukia biandi. Ngulu yebidi vutuki mu thoba."