¹ Mu baba bosu bena mu tsia zitu bosu ba pika ba tala pfumwa bawu kibeni wa lukumu. ba feti sala ni zina dia nzambi ye malongi mandi ma kadiku ma kuvweza. ² Ye ba pika bana bena ye ba kwikidi mu kusia, ba ba kondiku luzitu, mu ku huna ni bena ba pangi; kasi ba musadila kulutila, sambu longi wa basadisaka mu kisalu bena ba khidisitu ye ba zolanaka. ba longa ye ba zimbwala mambu mama. ³ Kwakala bosu mutu mosi ki longa mupasi ye kisiku tambwasa tsiku za betu za masonga, ba songidila ni, ndinga za pfumuetu yesu khidisitu. bosu ni kisiku tambwasa malongi mama mi nata ku luguluku. ⁴ Mutu yandu kena ye lulendu ye kazayiku kima, mukuyiku, kena ye kimbefu kia kukonda kuzaya ya dia kuyuma na mu mambu ma nguku. Ngoku zi lunata mu kulula, mu kuyumana, mu ngusi, mu mambu ma kuyindula ye ⁵ kukonda kuyukana mu kati dia batu bena ya ppefi bi katuka mu masonga. Bi yindula ni kinzambi kiena nzila ya kukumina mvwama. ⁶ Mu bwabu, kinzambi ye bu ngemba kwena kinunga kia mbuta. ⁷ Sambu twa nati kima mu thotu, ye twa natoku keti kima kimosi dihika. ⁸ Kansi, tu kalenu ba kuyukuta mu ma dia ye mu kuvwata. ⁹ Mudiambu baba bizola kuvwama bi bwa mu kumeekama, mu mutambu. Bi bwa mu mambu mingi ma nzala za buzoba ye za pasi, Mu mama kumisaka batu pipa mu kubwa ye ku bebisa. ¹⁰ Sambu nzala mbongu yena tu mbanza ya mambu mambi mosu. batu bahika bazodi bwa ba yekuka kiana ye lukwikilu ye ba lwekama baweni mu kiadi. ¹¹ Kasi ngeyi mutu wa Nzambi, tina mambu mama. Dinga masonga, ye kinzambi, kukwikikama, zola, ngolu, kudikulumuna. ¹² Nwana muzingu wa mboti mu lukwikilu. Simba luzingu lwa mvula ye mvula lu ba kutedidi. Makadi Mu mambu be mama twa sadidi pfunguna ya lukwikilu me mesu ma thalu yingi ya batu ba kadi ba temu mu ma matadidi mambu ma mboti. ¹³ Yi kutuma ku twala Nzambi, hu hana luzingu mu bima biosu ye kutwala yesu khidisitu, wu wa yakudi ye masonga mosu kutwala Pilatu: ¹⁴ tala kuluta mboti mi tsiku, konda kifu, ti ku kwisa kwa mfumwetu yesu khidisitu. ¹⁵ Nzambi ka tadisa kukwisa mu tangu dia mboti. Nzambi, ka basakumuna, mu ngolu mosi, pfumu wu yala. ¹⁶ Yandi kaka ka fwakoku ye kizinga mu tsemu ba fwanikisokoku. Kweku ye mutu wa mu monaka ye pi ka mu monoku, kwena yandi kwa kala lukumu, ye ngolu mvula ye mvula. Amen! ¹⁷ Songa kwena ba mvwama ba thotu ba kadiku lulendu, ye ba siku kivuvu kia bawu mu bimvwama bieku bia kutoma. Mu bwabu, ba feti sia kivuvu kwena nzambi. Yandi wa tu hekaka bimvwama bia kiedika mupilani twa monina Kiesi. ¹⁸ Basonga bawu mu kusalaka ma mboti, ba kala bamvwama mu bima bia mboti, ba kala ba kwa kukaba ye kukala ba kwa kipwanza. ¹⁹ Mu buna, ba mvwama mu thungulu ya bilumbu bia kwisa, mupila ba simba luzingu lwa mboti. ²⁰ Timote, keba ba bakuheki. yambula malongi ma khonda pfunu ye buzoba ye kuyumana mu mambu ma luswaswanu ma bi yhula konda pfunu kuzaya. ²¹ Batu ba hika bi longa mambu ye bena kiana ye lukwilu. yambula Dienga dia kala ye benu.