¹ Wu nganiniku mununu, kasi mu longisila bwosu ni kena tata. Hana ndongisila kwena ba toko ba bayaka bwosu ni bena ba phangi. ² Hana ndongisila kwena ba khetu ba beka ba mbuta bwosu ba ngudi, ba bena ba toko bwosu ba phangi ba khetu mu kati kia bukheti. ³ Hana lukumu kwena ba khewidi, ba khwidi ba kieleka. kasi yuka khwidi mosi kena ye bana to ba tekulu, ba zaya theti ku hana lukumu kwena mabuta ma bawu. ⁴ Ba sala bwabuna kwena biboti ba bawu mudiambu ma sepediyaka nzambi. ⁵ Khwidi ya kieleka ka kalaka yandieni. Ka shaka mbunduandi kwena nzambi. kakwamina kwosu tangu piba ye mwini mu kubondila ye mubisambu. ⁶ Kasi, mukhetu wu ki zinga mukuna nzala lutu kena ya kufwa ata kena diaka mu luzingu. ⁷ Pi ba songisa mambu mama mu pila ni ba kala khatu. ⁸ Yuka ni mutu kisiku kusadisa ba phangi zandi ye kibeni ba bena mu dibuta diandi, ka losi lukwikilu pi kena ya mbi ku hita mupakanu. ⁹ Mukhetu mukumusonika bwosu khwidi ka feti ku kala mu tshi ye mvula makumi ma sambanu pi ka feti kala wuna ka kadi mukhetua yakala. ¹⁰ Ba feti muzayi mukuma bisalu biabi bia mboti, mu mbandu mu pila ka sadisiki bana ba khunda, buna ka yambiki banzenza, buna kayebisiki malu ma bandimi, buna ka sadisi ba bena ye mawa ku mbundu za bawu to wuna ka ditambika mu kusala mamboti. ¹¹ Kasi ba khwidi ba bena baleki, lubasonikiku mu ndonga khiawu tangwa ba bihana mu ba nzala za khiawu tangwa ba bihana mu ba nzala za nitu mu thwala khidisitu bi zola ba kwela. ¹² Mu phila yina ba bwi mu tsiku. khiawu ba zitisiku lusilu lwa bawu lwa theti. Bi kwamina mu bumolo. ¹³ Bi kota nzu ye nzu pi bakumiku ba molu nana, kasi bi sha malokosi pi masota. bi zonza mambu ma ba fwaniku ba zonza. ¹⁴ Yi zola ni bana bakhetu ba kwela, ba buta bana, ba twadisa dibuta mu pila ni twa haniku nzila kwena mbeni mu kutufunda ni twa sadi mambu mambi. ¹⁵ Mu diambu, mosi mu kati kia bawu ba baluki kedi mu ku landa satana. ¹⁶ Yuka mundimi wa mukhetu kena ye bakhwidi, ka ba sadisa mu phila ni dibundu dia kaloku ye zitu zingi pi ka fwana mu ku sadisa ba bena ba khwidi ba kieleka. ¹⁷ Ba mbuta ba bi twadisa mu pila mboti ba monga luzingu ba bakumisa, kibeni ba bi sala ye ndinga pi mu kati kia malongi. ¹⁸ Mu diambu disonama di zonza: "fwa niku wa kasa munwa ngombi mu tangwa kizola ka dia mbuma" pi, "nsadi ka fweti monga lufutu lwandi". ¹⁹ Yambiku dihika difundu ku twala mbuta mosi zonzi ni ba mbangi bodi to batatu ba kala. ²⁰ Ba nganina ba kwa masumu ku thwala ya batu boosu, mu pila ni bahika ba yuka boma. ²¹ Ye ku heka tsa ku thwala nzambi ye ku thwala khidisitu yesu ye kuthwala ba wanzio ba basolama mu kuzitisa mitsiku konda ku soba pi mu kusolaka batu mu luzolu lwa ngeyeni. ²² Shiku dihika moku kwena mutu. Kotiku ku masumu ma batu bahika. Wu feti kala mutu wa konda masumu. ²³ Wu uiku dehika mamba, kasi, wu fweti nwa ndambu ya malafu mukuma kia esitoma ye maladi mana ma hika. ²⁴ Masumu ma batu ba hika mi monana ye mi kwenda ku thwala tsa mbisulu. ²⁵ Kasi masumu ma hika mi landa kumanima. Pila mosi, bisalu bia mboti bimonika kasi ata bia hika bi fwaniku bia swekama.