¹ Ndinga yayi yena yakuheka kuzitu, ho mutu kazodi kakuma nganga Nzambi kasodi kisalu kia pfumu. ² Mubwabuna, nganga Nzambi fweti kala mutu wa kukonda kifu. yakala wuna wena ya munketu mosi. kafueti kala mutu wa mbandu. wuna kipaka batu. Wuwa yambaka batu, wuna zayi kulonga. ³ Wuka nwaka malafu, ka kalaku makasi, ni kingolo ngolo, pima pi ngemba ka kalokuku ya nzala mbongu. ⁴ Mutu wa twadisaka dibuta dia mboti pibana bandi ba fweti mule mvukila bwingi. ⁵ Mubwabuna, ho mutu kakukiku mu kudiatisa nzwandi, nnki pila ka twadisa dibundu dia nzambi? ⁶ Fwaniku kakala mutwa pa wubaludi mbundu, kafuluka ya lulendo, kabwa nani mu masumu ki ba muzengila nkanu. ⁷ Mu bwabuna, kafweti kala ya kitemu kia kiedika kwa batu bakunzila, mu pila ni ka bwiku mu mambu ma tsoni ya mitambu mia diabulu. ⁸ Badiakonu pi ba fweti kala batu ba luzitu pi lukumu ku konda bungumba, ba kadi ku batu ba kunwa malafu kuluta pi kakadiku ya nzala nzimbu. ⁹ bafweti sweka masonga. ¹⁰ Ba fweti ba tambwa nteti, kunima ba kala ba mboti ba fwani basadi. ¹¹ Ba nketu pila mosi ba fweti kala ba lukumu, ba fwetiku vwenza, ba kaloku batu ba mbonji, ba kala batu ba pima pi waku kwikama. ¹² Ba diakunu ba fweti kala ba yakala kena wa muketu mosi. Kafwiti diatisa nzwandi pi bana bandi. ¹³ Mubwabuna, bana basadi mboti bi kota mu ndonga ya lukumu pi babasia mbundu mu lukwikilu mu yesu khidisitu. ¹⁴ Yisi kusoni bima biabi, yi sia vuvu yisa kwena ngeyi mu fi tangwa. ¹⁵ Kasi ho ya sukinina, yi sonika mupila ni wa zaya nki mpila wa di twadisa mukati kia kikanda kia nzambia moyu, dikunzi pi kiyekiminu kia masonga.