¹ Yi lulomba ni: mu twala mambu mosu, mu kulombila, kusamba, kufwokula bisambu, ye mu mambu ma mboti mu kuma kia batu bosu; ² Mu kuma kia ba pfumu ye baba bena mu kipfumu, mupila mni twa nata luzingu llwa mboti ye ngemba, mu konda kifu ye khadilu ya mboti. ³ Bwabu bwena mboti ku twala nzambi pfumwetu. ⁴ Ki zola ni batu boosu ba guluka ye ba kuma mu nzayilu ya masonga. ⁵ Sambu Nzambi kena kaka mosi, ye nzonzidi mosi mukati dia nzambi ye mutu, yesu khidisitu, ⁶ ya wa dihani yandieni bosu makabu mu kuma kia batu boosu, yi kiakina kimbangi ki ba hani mu thangwa dia mboti. ⁷ Yi mu bwabuna ba tsidi meni longi ye ntumwa. yi zonza masonga ye yisiku huna. Yena longi dia ba pani mu lukwikilu ye mu masonga. ⁸ Yi zola ni batu ba samba kosu homa, ye kutedimisa moku kuzilu ma bu santu konda khabu ni ngiuma. ⁹ Pila mosi, yi zola pi ni ba khetu ba vwata mu pila ya mboti, ye mbandu ye kuditala kwa yandieni. Ba vwatiku to kutungisa tsuki, ni bima bia wolu, ni ku shia bima bia lulendu, ni miledi mia thalu; ¹⁰ Kasi ba vwata miledi mia buhketi kwena bakhetu mi longa ku knda kwa bifu mu bima bia mboti. ¹¹ Mukhetu ka feti landa malongi mu pima ye mu pila ya mboti. ¹² Yisiku heka mukhetu kiyeka kia kulonga omenalo kusala kisalu, ho kuyala yakala, kasi ka feti kala konda mazu. ¹³ Sambu Adami wa samalami kutwala, kunima Eva. ¹⁴ Kekuni Adami ba wukumeni, ka muketu wa kadi wa kuwukumuna kibeni, mu mambi. ¹⁵ Mu bwabuna, ka monga pulusu mu kubuta bana, omona ki simbidila mu lukwikilu, ye zola ye kudihulumusa mu ngindu za santu.