¹ Polu, thumwa wa yesu Khidisitu, pila ya thumi ndinga Nzambi ngulusietu ti ya yesu-Khidisitu kivvu kietu, ² kwa Timote mwana wa kieleka mu lukwikilu: dienga, khenda ti ngemba yi katuki kwena nzambi tata ti yesu-khidisitu pfumuetu. ³ Bwosu ya kusamwani ti ngolu wa salaku thwala ku kwenda kwa meni ku Macedoini, hwena ha Efeze mupila ni wa songa batu bahika ba longiku malongi ma luswaswanu, ⁴ to kulanda misamu ti mikanda mia luzingu bakhaka misuka koku. ⁵ Bwatwena, kikuma kia tsiku, kiena zola di katuki ku mbundu ya kasemi, ku ka sanzaka mboti ti lukwikilu lwa masonga. ⁶ Batu bahika ba katuka mu nzila ye ba yambula bima biabi mu kulanda ndinga za pamba. ⁷ Bizola ba kala ba longi ba tsiku, kasi bisiku bakisa mama bizonza to mama bitambwasa. ⁸ Kasi tu zayani tsiku yena mboti yuka ba sadilleya mboti. ⁹ Ye tuzaya bwabuni tsiku ya salamoku mukuma kia mutwa mboti, kasi mukumu kia bana ba lemvuka koku ku tsiku ti bakwa ngolu, batu ba mbi ti ba sumuki, bana ba bwisa kusamba, ba mipani. ya salama mumama ba bawu, mukuma kia bana ba hondaka butu, ¹⁰ mukuma kia batu ba luzingu lwa mvindu, mukuma kia baba bi kwelana ba yakala bawu ye bawu, bakhetu bawu ye bawu, mukuma kia baba bi yiba batu mu kubakumisa ba pika, mukuma kia batu ba luvunu, mukuma kia ba mbbangii ba bungumba, ye mukuuma kia koosuu kima kina kiena kia mbi ku thwala malongi ma mboti. ¹¹ ndongisila yayi yena mupila yi zonza tsangu ya bukheti uya lukumu lwa Nzambi wa kiesi, tsangu yina ya kumina thwadisi. ¹² Yivutula matondu kwa yesu khidisitu pfumuetu. Ka peki ngolu khiawu ka mboni wa kwikama ye ka thela mu kisalu. ¹³ Ya kadi mutwa kuvwenza, mutwa ku nwanisa batu ba nzambi, khiawu ya sadiki mu konda kuzaya, mu konda lukwikilu. ¹⁴ Kasidiena twa pfumuetu dia moniki mu nzila lukwikilu ti zola diena mu yesu khidisitu. ¹⁵ Ndinga yayi yena ya kiedika ye ba fwani ba tambwaseya ni yesu khidisitu kisa ha tsi thotu mu ku hulusa ba tsumuki. yena wa kuluta mbi mu ba boosu. ¹⁶ Kasi mukuma kia kikuma kiaki, ya monikini mawa mupila ni yesu khidisitu ka monisa mwena meni wa theti kukanga kwandi wa nbundu. Kasadi bwabuna bwosu mu kusonga mbandu kwena ba boosu ba kuikila mwena yandi mukuma kia moyu wa mvula ye mvula. ¹⁷ Butwena, kwena nthotila wa ba mvula, kafwa koku, ka monika koku, Nzambi mosi, yambula lwakala lukumu ti khembu mvula ya mvula. Amen. ¹⁸ Tsi tsiku yayi ku thwala ngeyi Timote, mwana meni. yi sala bwabu bwosu za songi ku thwala mbikudi zi tadidi ngeyi, mupila ni wa di hana mu kunwana mvita ya mboti. ¹⁹ Sala bwabuna mupila ni wa kala ti lukwikilu ye ka sanzaka mboti. batu bahika balosa lukwikilu ti kasanzaka mboti ye ba bwa mu lukwikilu. ²⁰ Bwosu bena Hymene ti Alexandre ya hani kwena satana mupila ni ba balonga ba vwenzikiku.