² Tu vutula matondo kosu thangu kwena Nzambi mu ki kuma kia benu boosu, omona tua lu yibuka mu bisambu bietu. ³ Betu twa lu bambukaka konda kuyambula ku twala tatetu Nzambi. kisalu kia benu kia lukwikilu, kala dia beno dia ngolu, kukingila ye kushia mbundu mu kuma kia bilumbu bia kwisa mu pfumw'etu Yesu Khidishitu. ⁴ Ba pangi ba zolama kwena Nzambi, tu zayani kalu sola; Sambu tsangu ya moyo yi kwisa kwena benu, kekuni mu ndinga kaka, kasipi mu ngolo, ye mu pefi ya santu ye kingolungolu. ⁵ Mupila mosi luzayini kia pila ya batu twa kadi mukati kia benu mu kuma kia ma tabisi. ⁶ Benu lwa yuka mbandu ya Pfumw'etu, Bsu lwa yambi ndinga mukatikia mikakatano yengenba yetuki kwena pefi ya longu. ⁷ Bonsu mvutu, lwa yuki mbandu mukuma kia bawu bosu ba Masedwani ye ba Akayi ba kwikidi. ⁸ Yibuna kwena benu, ndinga ya Pfumu yi yukana, lokaka ku Masedwani yeku Akayi. Kanshi, konsu homa lukwikilu lwa benu mu Nzambi lu yalumuka . ⁹ Mu bwabuna , tweka ye Pfunu twa yakwalema. Sambu ba weni ba samunima, kia tswa twena Yawu kwena benu. Ba zonzi bwe benu lwa baluki kwena Nzambi, ye kuyambula biteki mupila lwa sadila Nzambi wa moyu ye wa ma songa. ¹⁰ Bisamunani lu kingila kuzilu mwan'andi, huka futumuni mu kati dia ba fwa. Yi Yesu, wutu katula mukabu dia bilumbu bia kwisa.