1
Yuluanu musamu umugni wu Sésu Christi mwane Nzambi.
2
Isaï mubighitsi atènde tsangu yiyigni rē: yulu, make sindighe kimami ghu wusu waghu. A ghu ghukighe mbubi mu uvigile yu.
3
A yambile batu botsu baba bile ghu tséngi dighangi re ghukumanu ghu vingili Fumu.
4
Kime yi yambile Isaï mu miréndu mièndi rē Sā. Batu ba tsitsenge yandi rē Mubatisi ubatu. Sā abile ghu tséngi yi dighangi ghu batisinge yèndi batu ne ayambile yawu rē: kalughanu, sisanu mabi ménu, kére vana Nzambi aghu boghulu yénu koke.
5
Nzoku batu barughenge ghu tsélu yi Sidé ne ghu dimbu di Sérusalèm, mu yé yulú musamu ulonzenge Sā. Mbili batu baba yululungu yandi, batubulenge mabi mawu va missu ma batu botsu, kére vane, Sā ane batise yawu ghu mwambe uka tsitsu rë Surda.
6
Sā abile ne iduèri ghi ne mignogni mi chamu ne mutsighi wuyibande mu dilungu, ayangenge ke mabanga ne buyi bu deghisenge yandi ghu yighangi.
7
A lonzenge nē : ne mapapa, wu uvioghilema ake rughe. Me va wusu andi masa ngu nandi. Me ma sa uyélimine mu ugnangule mikudu mi matèmbi mèndi.
8
Ma batise yénu ne mamba, te Yandi aghu batise yénu ne Dignugni Di sungama.
9
Va dikiési dilonzenge Sã, Sésu ne yandi arughenga ghu Nazareth, dimbu di muséngi wu Galilée. Ane yènde va mbure ghi lonzenge Sã musamu, ne yandi abatusu mu Surda.
10
Sésu ne upule ghu mamba a laba yulu yi dibughu. Dignugni Di Nzambi disunde mu yandi. Dignugni Di Nzambi di sunda wēre gha mbinge.
11
Dufi di Nzambi diburughenge ghu yulu ne diyambil rè: yu re Mwanami Wu dironda, mane ghitu muyu.
12
Va yulu vana, Dignugni di Nzambi di yènde ne Sésu ghu tséngi yidighangi.
13
Amane ghuna maghumi mamane ma tsufu, va bile yandi ghughuna, Sata a mange yandi. Ghu biange bagnama ba musiru mu itsigha ghiène, re bianze bi Nzambi bikielenge yandi.
14
Va mana sunzu Sã ghu tsughu, Sésu a yende ghu Galilee ghu ye lonze musamu ugniève u Nzambi.
15
Avave kere va mapule dikiesi, Nzambi a ghu ritsighe re: yandi re Fumu. Singanu mabi ménu ne singanu mo, mure vana Nzambi ake boghulile yénu mo. Bilanu ne ghitu mu tsangu yi mone.
16
Wisi umosi, va nangange Sésu ghu tungu mudibe wu Galilée, a laba batu babeyi, Simu ne muane nguandi Andre, ba yalange masinge mawu ghu mudibe. Badole bawu badilenge bo ke mu uyupe wawu.
17
Neva Sésu a yambile yawu re: ngu na ghone lobe wénu bi bêre, Landanu me, make kalusuénu balobitsi ba batu.
18
Vane-vane, ba sise masinge mawu ne wulande yandi.
19
Va ghoghulu yandi ghu mawusu, a laba babaghale ba beyi, Saka ne muane nguandi Sã, bane ba Sébédé. Babile yawu babeyi ghu ghare mbungu ulonde masinge mawu.
20
Sésu ne ulabe yawu, ane yambila nawu re: wokanu nèmi, ba sise tayi yawu ghu ghare mbungu ne baselitsi, ne ulande yandi.
21
Sésu ne bayikisi ba yende ghu dimbu di dukelne ne Capernaüm. Wisi uka loghu, bane gningene ghu ndaghu Nzambi, a bande ulonze batu babile vane.
22
Yawu botsu ba ghibema mu ilonzitsi ghiandi, alonzenge munongu umosi gha une dignange saghegha ba sribe (barenditsi ne barangitsi).
23
Ghughare ndaghu Nzambi yi lonzenge Sésu, ghu bile mutu ubile ubase ne dignugni di bive, ghu ghare bungudu bu dému, mutu wèna a buamughunge.
24
Sésu ! yétu magnugni mamabi, disa ne diambu di uvaghe naghu, itse rughe nde ghu bunge yètwa? Ma yétsu yu, yire usungema uburughu ghu Nzambi.
25
Sésu a betile dignugni dibive ne u vaghe re: lèleme, vate mu mutu wu!
26
Dignugni dibiva ditsukimise mutu wène pèpe, yandi a yase mundunge kére ane vata mumutu wène.
27
Baba bile vana baghibame va laba yawu nane, bavaghenenge wawu na yawu re: disamalaba didi! Saka mu ilonzetsi ghiandi ghi ne dignange time ane ne bungudu mu magnugni mamabi maghone yululu yandi.
28
Vana, batu ba tsamughu ne tsangu Sésu ghu tsengi yi Galilé.
29
Va burughawu ghu ndaghu Nzambi, Sésu, Simu ne Andre, yawu botsu ne Saka ne Sā, koke bane soghema ne ghu ndaghu Simu ne Andre.
30
Boyi bu Simu abile malambeme mumbara a laghule ne idina ghi vioghilili. Vana ba yembile Sésu tsangu yi mbédu yiène.
31
Sésu ayé va mbara andi, a mughangile mu ghoghu mu yamune yendi mu utelma. Vana a belughu ne a bande salili yawu
32
Va tsisighi yena, va yide wisi, batu ba babéghila Sésu nzoku babétsi ne ba babile babase ne magnugni mamabi.
33
Batu botsu ba dimbu diene ba ghukme va mune ndaghu yi Simu.
34
Sésu a beluse bambedu ba batu bambili ane punze nzoku magnugni ghu báne. Ya vana ase singe re bademu ba yambile mu yandi, mumbara ba yabanga re, yandi re uyelmina va misu ma Nzambi.
35
Wūne mossi, ne gha maghélu, Sésu a rambugha, a yènde ghu mbure yine swi mu yé sambile.
36
Simu ne baba bi nandi, ba bènandi.
37
Va daghise yawu yèndi, bayambile nandi re: batu botsu ghu dimbu ba ghone bêne yu.
38
A yaghule yawu re: Buédi diyendianu ghu dimbu di wusu mure make bé yé lonze ghughune. Nga dine re disine dirugheme ghu bulongu.
39
Kèke bane yènde ghu Galilé. Ba gningenenge ghu bandaghu tsi Nzambi ghu lonzenge Sésu ne punzenge badému.
40
Wisi umosi, mutu ubelenge makiédi, a rughe ghu Sésu. Ane kutuma nu ulende yandi yare: kokoluaghu béluseme mumbara ma yétsi re yine bungudu bu beluse, gha yi ronde.
41
Sésu a ghibeme nu la ya digièba, a ghoghise ghoghu wandi ghu yandi ra asinge ne yèmbile re: matse ronde, kaghu bélughe.
42
Keke makiedi ma mutu wena ma belughu.
43
Sésu ne ghi mene sise yandi, aveghe yandi mighandu miminène.
44
Yuluanu mighandu mighandusuandi ne Sésu: ya yé yambile batu matse vioghe ghunu, buedi yi yende ghu ye ritsighe magnuru maghu ghu uka veghi malaghu ghu Nzambi, yine veghe ne manzolu ma bumbanza malonze Moise.
45
Mutu wena ase kiele mighandu mi veghuendi ne Sésu. Agnighule ghu botsu na bughuandi ne Sésu. Re dibandu di Sésu ase ba rungule ugningene mwisi va misu ma batu ghu dimbu dièna, re piti ise badughe va tungu wèndi. A tsaghalange koke ghu disuèle ghu vale ne dimbu. Ke nise nane batu bakonde ke murughe tselu ne tselu ghu yandi.