¹ Va vioga wisi uka longi ba suif, na magielu ma wisi udibandu di tsonu, Marie ma Magdela na Marie ma mosi ba yenda gu doda songu. ² Vana na vana, mutamba ureghema mbili mu mbara gianza gi zambi gi sunda (burugu gu yulu) na a bundu (musa) dimanyi na atsagala va yulu dio. ³ Nyuru andi yi lulanga ga diumbi na biduari biandi bi bila bi fuga ga dirâli. ⁴ Bakielitsi ba songu ba gangu na woma/baregama na ba bila koka ga ba fumbi. ⁵ Gianza ayambila bagietu re : yenu di ya laba paga mu mbara ma yatsi re yenu di gona bena sesu wu gomunu va kurusu. ⁶ A sandi vava a fuanguga na va yambila yandi, ruganu na beminanu yitsiga ghi bila yandi alame. ⁷ Yenda nyavu mu yambila balanditsi bandi re atse rambuga ghu difu na a ma regila ghu galilée. Ghuna ra ghu yenu dika laba yandi. Ma malubusa/yambila yenu. ⁸ Vana bagietu ba lenga buruga va songu. Ba yulu woma te ba bila na yinyunga. Ba yenda bambangu mu yenda gnigula motsu ma laba yawu. ⁹ Vana na vana, sesu a bengunu nawu na ayambila yawu re : polu ghu yenu. Bagietu ba yenda mu gangila yandi mu bioru na ba sambila yandi. ¹⁰ Kora vana sesu ayambila yawu re : yenu di ya laba woma. Yenda ghu yambila bana ba mam are ba yendi ghu Galilée. Ghu ghuna re ghu yawu baka laba ma. ¹¹ Va dikiesi di bagietu ba ne yendenga kika muendu, dikabu di bakielitsi/migole ba magnima ba gningana gu divula mu yambila bivunda bi baveghitsi ba manzolu mambu motsu ma vioga ghu songu. ¹² Va baveghitsi ba manzolu ba yenda ghu bengunu na bivunda mu ditigha (diambu diena), ba vega badola bambili ghu migole. ¹³ Na ba yambila yawu re : yambilanu kere balanditsi ba sesu ba ruga na dibati mu yiba nyuruandi va bila yenu biolu. ¹⁴ Diambu diena ga dipula gu mbuga muverner, yetu di gu lembiga yandi mura yenu di kora kilusu. ¹⁵ Kora vana migola ba bonga badola na ba vaga ga na va lonzu yawu dibigu. Divuva (diambu) diena di tsamuga gu ba juif botsu kuanga na ghi na munyi wuwu. ¹⁶ Te digumi di balanditsi na mulanditsi umosi ba yenda gu Galiléé gu mukongu ulonzu yawu na sesu. ¹⁷ Va laba yawu yandi, bana, babondimina yandi te bamosi ba vaga bapaga. ¹⁸ Sesu a gogula va mbarawu na ayambila yawu re : dinianga diotsu di ghu yulu na mutsi mavegu dio. ¹⁹ Tsamuganu mu batsengi tsiotsu mu kalusa batu ba bili balanditsi ba sesu, batisanu yawu mu dina di tayi, na muana, na dinyunyi di sungama. ²⁰ Lonzanu yawu mu gobisa motsu ma rumana gu yenu na labanu, ma mayi nenu wisi wotsu kuanga/ngu na va disukusulu di bulongu.