3 ¹ Vama be mu farisi mosi dine di-andi Nicodeme, mu dibili di malongui ma ba juif. ² Dibale di-eni di ma wende mukolu ombu Jésus ama mu vosile rie: Rabbi tui jabi yi guyi mulonzi a gu ma ruyile ombu Nsambi, mu mbari va ga mutu a gu rugule u vaga bimaga a bi nde wivayi, pa Nsambi a ga nandi. ³ Jésus a ma mu gabusile rie: nguense, nguense pa mutu a go buru a di mu beji, a go laba bundumbe bu Nsambi. ⁴ Nicodeme a ma mu wagule, tsiè mutu o muè burulu pa a ke yinunu? A go muè rungule ukote o gari moji ngudji-andi no muè buru a di mu beji, tsi nane? ⁵ Jésus a ma mu gabusile rie: nguense, nguense pa mutu a go buru a di mu beji, a go laba budumbe bu Nsambi. ⁶ Ayi buru na musongni iji yi musongni na ayi buru na yignugny iji yignugny. ⁷ Gura kambulu mu a di nzi gu tsingule, vengu gu buru du buru du gona. ⁸ Pungue ji vuyi o yari érondi ndeju wigulu nduku, tumbe gu ge jabi o ji ruli na oji uvendi. Mu nongu mosi divu mu jiandi o ma buru mu yignugni. ⁹ Nicodeme ama mu wuvule, no vose rie: tsiè diogni dui bile? ¹⁰ Jésus ama mu wagule rie: nde guji mu nenzi mu Israèl na gu gu ge gulu mambu meni? ¹¹ Nguense, nguense tui vosi mu a ma tu ge jabi na tui vayi bumbeji mu ame tusa la ba. Ne nana mukute gu sa ma dile bu mbéji buetu. ¹² Pa gni tsinguli batu mambu ma tsi, na ba ge ma vayili yitu, tsiè ba vayile yitu pa nuy ba vosile mambu a ma julu? ¹³ Vaga mutu a gu ma mate o julu gu vengutse jiandi o ma sunduge o julu, mwane Nsambi. ¹⁵ Nane Moise a ma nangulile gnoge mu kumu ji gumuge, mu nongu mosi mwane mutu o nangululu. ¹⁴ Na jiandi o gu mu vayile yitu o dile mognu gu mutubu. ¹⁶ Mu mbari Nsambi a ma ronde bulongu puela, na a ma vega mwane-andi divingu, a go bunguene tumbe o dile mognu gu mutubu. ¹⁷ Nsambi a sa ma sindige mwane andi mu bulongu mu sasise bulongu, tumbe iri bulongu buke gobulu nandi. ¹⁸ Jandi o yi mu vayili yitu a go sasusu tumbe jandi o ge mu vayili yitu a ma sosusu kale; mu mbari a sa ma vayile yitu mu dina di mwane divingu di Nsambi. ¹⁹ La ndungue ji mu fundusu, yijalala yi ma ruge mu bulongu, batu ba ma ronde pisme gu viogulile yijalala mu mbari bisalu biogu biogu bi ma ba bi bive. ²⁰ Jandi o yi vayi masumu a ge gobisi yijalala na a ge rugili o yijalala mba bisalu biandi bike pabugu. ²¹ Wotsu o yi salili mu nguense, eruyili o yijalala mu mba bisalu bi andi biboti, mu mba bivu bisalu na Nsambi. ²² Va julu vane Jésus na ba dukitsi bandi ba ma wende mu butambe bu Judée. Ba ma tsane gune na ba batisangue. ²³ Jean wandi a ma batisangu va Enon va mugule Salim mu mbari va ma banga mambe ma puela; batu ba ma ruge vane na ba ma batusu. ²⁴ Mu mba Jean mbe a ka buagu o tsugu. ²⁵ Va ma ba mu tsundu va gari badukitsi ba Jean na ba juife mu diambu di du liomusu. ²⁶ Ba ma wenda na ba ma tsingule Jean, fumu (rabbi) jiandi a betsi nagu o disimu dine di jurdain, ²⁷ o ndeju gu ma vayile bu mbeji, la ba, ebatisi na botsu a be wendi ombu wandi. Jean a ma wagule rie: mutu a go ru gule gu dile yime payiogni yi ga mu vega na bisi julu. ²⁸ Jenu beni du rungule wa bu mbeji rie gni ma vose: Menu nga Christ, tumbe ny ma vose nyi ma rela usindidugu. ²⁹ O a dile o beweli, mu welitsi, tumbe mbatsi mu welitsi a gu releme vane na e mu gulu ebasi na nzangu ji neni dibandu diufi di yiwetsi, mu nogu mosi nzangu eni a juru ji ami ji boti. ³⁰ Di welimine iri jandi o nega, tumbe si welimine iri menu nyi diami. ³¹ Jandi o yi ruli o julu aji va julu biotsu jandi o yi ruli mu butamba aji gu butambe na evosi ma butambe na evosi mambu ma butambe ³² Jandi o yi ruyili o julu aji va julu biotsu, egabusili bu mbeji mu ame a ma la be ma mwane a ma gulu, na vaga mutu ésingui bu mbeji buandi. ³³ Jandi o ma singue bu mbeji buandi ésinguisili rie: Nsambi aji ngensa. ³⁴ Mu mba jandi o Nsambi a ma sindige évosi mambu ma Nsambi, mu mbari Nsambi a ge veyi yignugny na yetsu ³⁵ Taji érondi mwane na a ma mu wakise bime biotsu mu makake m-andi. ³⁶ Jandi o yi vayile yitu mu mwane ane mognu gu mutubu,Jandi o ge vayili yitu mu mwane a go labe mognu, tumbe kabu Nsambi ju tsane mutubu mu jandi.