2 ¹ Yilumbu ayi murieru vaka ba diwela o Cana o yiri yi Galilée nguj,Jésus ama ba vana. ² Jésus wandi na badukitsi bandi jowandi bka nengulu o diwele dieni. ⁴ Malamu mano suka, nguji Jésus aka mu tsingula ri, bé sa na malamu. ³ Jésus aka muwawula ri, mughetu, jetu banawu diambu yi? Temuami ji ka tola. ⁵ Ngujandi aka tsingula basatsi ri, motsu o du tsingula, mavayanu. ⁶ Yotsu yina vana va mabanganga bisanga bisiamunu ba ma teyilanga mamba ma ubuiza ma bisi Juda va temu tsi miwuna miowu, mu bisanga bi mosi mu ma banganga bietsu bibeji mu bina muma banganga bietsu birieru bi mamba. ⁷ Jésus aka ba tsingulari, basanu bisanga bie bina na mamba. Kaboghu baka bibasa newu newu. ⁸ Mba Jésus aka tsingula basatsi bandi ri, kabulanu, bibonguinu bi beyilianu yivundu yi tegha yi bisalu. Kaboghu baka divagha. ⁹ Yivunda yi tegha yi bisalu aka mimba mamba mbe mama kalugha malamu, tumba asa ma jaba nganga o mama ruyisinanga (tumba basatsi aba mama kabula bama jabanga o mama ruyisinanga ). Kaboghu aka nenguila mulumi aka mu tsingula ri. ¹⁰ Mutu wotsu e reyili uve gha malamu ama boti, mba aka beghanga malamu ama deda dufumu pa batu bama mana wufu. Tumba uma le suegha malamu ama boti kuanga na yeri yiyi. ¹³ Pâque ba juif mbe jika beli, Jésus aka mata o Jérusalem. ¹⁴ O ghari ndangu Nsambi aka rasuna basumbisi ba ngmbi, bindombu na makunda. Bo be sopiningui mbongu wandi ba ma banganga batsana wuna. ¹⁶ Kabongu aka runga mukasa na mikudu aka ba santsa jowu botsu o gari ndawu Nsambi, na bindombu, na bangombi. Aka pantsa mbongu tsi bo be sopini mbongu mba aka sanguigha batavula. ¹⁵ Aka va basumbisi ba makunda ri.beghanu bima abina yari yi susu,ovala. Dundanu ukalusanga ndawu tajami ndawu bukoli. ¹⁷ Badukitsi bandi baka ranguimina yi di sonughu ri, yusila yi ndawawu yi muyentsi. ¹⁸ Suka bafumu barumitsi ba bajuifs baka muwawula ri, yilimba yi wi tu lasi mu tu jabisa yiri u ji mwane Nsambi mu mambuq" amo utsi vagha? ¹⁹ Jésus aka ba wawula ri, bulanu ndawueny jiji Nsambi nyu ji rungulila mu bilumbu birieru. ²⁰ Bivunda bi bisi Judas baka vagha ri, ndaweny jiji Nsambi ji ma rungusulu mu maghumi mana na bilima bisiamunu mba u ji rungulila mu bilumbu birieru? ²¹ Avana, ama vosanga o kielu ndawu Nsambi aji dunyuru duandi. ²² Ano rambugha va ghari bafu, badukitsi baka rangamina ri ama ba tsingula dioni vana baka vagha yitu mu bisonu bi Nsambi dedi mosi na mambu amo Jésus ama vosanga. ²³ Vana ama bilanga o Jérusalem mu paque, vana mumengu, bapuela baka vagha yitu mu dina diandi, balabilanga bimagha abi a mavaghanga. ²⁴ Tumba, Jésus a sa ma ronda u ba vayila yitu mumba ama bajabanga jobotsu. ²⁵ A sa ma rondanga buè ba vayilingui mutu bumbeji o kielu andi mumba jabeni é jabi bio bima banganga o gari tsiowu. Ama jabanga jabeni ama ma ba banga o gari jobotsu.