1
1
Ave dibandu va maba mbémbu, mbémbu jamabe na Nsambi, mbémbu la Nsambi.
2
Nine mbémbu jimabe na Nsambi va dibandu.
3
Bime biotsu bima sunda na mbémbu, vagua ne yime yimosi ayi sama sunda na mbémbu.
4
Rudjiogni, djimabe na mognu, na djimabe yidjalele yi bulongu buotsu.
5
Yijalele yima kadema otsi pisme, na pisme wundi, djisama rungule utsimise yijalele.
6
Va mabe mutu ama tindu na Nsambi. Mutuégni Jean.
7
Ama rugue nane mbéji, muyi bumbéji mudiambu diyi jalele, yiri botsu bakebe na yitu muyogni.
8
Jean asa mabe yijalele, tumbe, tumbe ama ru muyiga -buse bumbe ji buyi jalele yeyine.
10
Amabe mubulongu, mba bulongu buma sondu nandi, bulongu basa mamudile.
11
Ake ruge ombu bandi, tumbe mukute jabégni uke mubuse .
13
Tumbe mubotsu aba mamu dile, abama muvale yitu mudine diandi, ama musugua gunégulu muande mwane nandi,
12
aba maburu tsi muma lungu vo mudu rondu dumu musogni, vamu durondu dumutu, tumbe du Nsambi.
14
Mba mbémbu jima kalugue mumosi, na mba ji matsane vagariétu. Tumbe bundumba buandi, nane bundube bu mutu guna gumu vingu omarule ombu tate, abase na yiésa na nguénze.
15
Jean ama gabuse bumbedi buandi na ama kégua muyile jiandi o nima vage, oyiru vatsimami, amamuérele, mumba amaba néme nguabe.
16
Muyiguebe yiandi tuma dile jiétu botsu bièse bipuele.
17
Nane mugague guma vegulu na Moise, yièse manguétsa bima végu na Jésus- Christ.
18
Vaga mutu éla Nsambi tému tsotsu. Mutu mosi umuvigu, Nsambi jabegni, omaba ombu
tajiandi ama mujiabise.
19
Mba buna bumaba bumbéji-bu Jean ave ba Juif bama sindiyile o Jérusalem milontsi ba évéte oyiari yiandi muyé muwuivule "nde lagni?"
20
Ake batsuna, na ake kégale, naba wuagule rie: " mengua Christ ".
21
Naba muému wuivule " nde yikegni?". ndela jiandi? Ake vose rie tsimenu. Nde la mubiyitsi? Ake guagule nési.
22
Mba ake mutsingule rie nde lagni? muva yiri tuke bavega kaliusulu mujiogu abama tusindigue. yiwui vosi mujianbé?
23
Ake guagule niji mbémbu aji rambuyi okumu. Tsotsiganu tsile fumu nane Esaie mubiyitsi ama divose.
24
Aboba masindugu, ba farisi. Bake muwuivule,
25
dibanduyi wuibatisile tsia wuiva yiri gugua Christ, vo Elie, ojivu muluyitsi
26
Jean ake guagule novose rie me nibatisi na mambe. Tumbe vaji vagarietu mutu agu dugué jialu.
27
Agugu jiandi oyiru vatsimami ngani wuélimine mugnagule mikudu miba pondu.
28
Mambu mémane mama labinine ô Béthanie ô disimu dine dijourdin ave Jean ama batisila.
29
yilumbu ayima duku, Jean akela Jésus ama ruga oyiari yiandi novose rie guéguilanu yidombu yi Nsambi oyi jusuli mabi mabulongu.
30
Onima dutsingula oyiru vatsimami omaba va gusuami, nanegueba.
31
Nisama mujiaba, tumbe mba ama kélase ombu bise Israèl yiri tsiru oyu batusu na mambe.
32
Jean amave bumbeji. Na amaba yignugni yibetema vadisambeke diandi.
33
Ngué mujialu tu jiandi ô ma tinda mubatise na mamba ake tsingule rie vogu-labile mugni yignugni yima sunduge, jiabe yiri jiande oyi bâtisi muyi gnugni yisieme.
34
Nimala nanima gabuse bumbéji, yiri aji mwane Nsambi.
35
Mba yilumbu ayi ma duke, ave Jean amabile asikeme na badukitsi bandi babéji,
36
bakela Jésus nane amawéndila, Jean ake vose rie guégui-lanu yindombu yi Nsambi.
37
Badukitsi babéji bake gulu adi Jean ama vose, na bake duke Jésus.
38
Mba Jésus ake guélugue, ake bala bému-duki; ake guelugue, Rabbi (diwéndi rie, mulontsi;) duke wuitsanini?
39
Ake baguagule rie ruganu-na -jabanu! mba bake rugue no guéguile ave amatsanina bake tsane nandi yilumbu yéni tanguji tému béji.
40
Umosi vagari babeji abama gulu Jean nane ama vosile, nabana duke Jésus, vamabe André mwane nguji Simon Pièrre.
41
Amaba otéga mwane nguandi Simon nomu tsingule rie; tumala fumu (diwéndi rie Christ).
42
Ake mube ombu Jésus. Jésus ake guéguile novose rie? Nde la Simon mwane Jean, gunéngulu Cephas diwuiendi rie Pièrre).
43
Yilumbu ayi maduke ave Jésus mbé arond ugusugue no-wèndo Galilée, ake bégune na Philippe na ake mutsingule rie nduki.
44
Philippe muise Béthaida, divule di André na Pièrre.
45
Philippe ake béngunu na Nathanaèl nomu tsingule rie jiandi agu Moise-mu-mugagua babiyitsi bama sone. tuma bégune Jésus, mwane Joseph, ji Nazareth.
46
Nathanaèl ake mutsingule rie, yime ayoyi boti yigo-rungule urule ô Nazareth?
47
Jésus ake la Nathanaèl urugue ombu guandi no-vose mudiandi rie, muise Israèl agu nguénze mujiandi muga ndiongulu.
48
Nathanaèl ake muwuagule rie, tsié gutsi-tsialule? Jésus ake muguagule momu guagule rie? Ne Philippe ake gunéguile, ave guma-bila otsi mu figuier, nima gula.
49
Nathanaèl ake wuagule guji mwane Nsambi? Uji kagne ji Israèl?
50
Jésus ake muwuagule rie, mumba tsi gutsingule yiri nina gulabe otsi mufiguier, adi guma-vayile yitu? gula mambu ma puèla maneni, guvio-lile didi.
51
Jésus ake vose: nguénze nguénze, nigu tsinguli, gula julu ji tsibuga- na -bianza bi Nsambi, gumata no sunduga mu mwane mutu.