¹ A yini yi ni tsanga yi yibuè ya na manza ya mu nuitu à Jesus Christ, muana Nzembi. ² Esaie mubighi a mambe ma Nzembi na lele tsanga muène yiyibue ya na mandza yi nde kome: yoghani! Me tchindegha toma a me va busu bua wè; nde na lébele baate mu yake wè. ³ Nde na lebele mutu wotchi wu ka yogha ndagha ndè ghutso leghengi mu bada babakogha mu yake kumu. ⁴ To toma wu Esaie a koma mambe ma ndè bégha a ba Jean. Baate ni batedenguende bo mubetichi a baate. Jean a bade ghutso musenghe wa leghengui na batesenghe baate. Na lelenghe bo ndé: tubani mabi ma bena; tamenani mo muti Nzembi a ka boghele be mo. ⁵ Piti a baate mvua yove, ya mate ghu mussenge a Juda na wa Jerusalem, ni ba yende ghutso kumu leghengi mu yogha ma toma ma Jean a lele. Bakunu ba bayoghe ma nde lele, ni ba mème mabi ma bo va misse ma baate botchi, ni mulo Jean a batesa bo ghutso nzeli wu munene wu batede Jourdain. ⁶ Jean a ba na ligoyi layibanda na mikungu mia niame wu ba tendè bo chameau, na mundjighi a yibanda chia niame mu lebindi. Ndè tchadenga mabanga na leveki, bi bia badenge ghutso kumu leghengi. ⁷ Nde na longichi bunubu. Ghutso mwa lekesse lilekalota , wu lutili walotela mè mu mambe motchi yada a yada. Ti me sade mu yebene na ndè, mè sa lidi mutu vè. Mè sa lidi tchitsa na tchitsa mu niangela mikudu mia bapondobendi vè. ⁸ Mè vèdi béne batème ya mamba, to ndé, na vède bénabatème ya leniuni la buyimba. ⁹ Lekesse la Jean a longichingi, Jesus na mata ghu Nazarete mussenge wa ghu Galilée. Nde na yende ghu itchighi chi Jean a longossegho; Jean na batesse nde ghutso Jourdain. ¹⁰ Va kèti a va Jesus a pole ghutso mamba, ndè na mono yulu ka buèchi,leniuni la Nzembi ni lassoteghe va yulu a ndè. Leniuni la Nzembi la bada na yidjima chia lekonda. ¹¹ Nzembi na yambele ghu keti a yulu na lè ndé: wè ni mwana mè wa mutema. Mè vè wè yengesse. ¹² A va ka ni va leniuni la Nzembi labete Jesus ghutso itchighe cha leghengi. ¹³ Ndè na mane ghona makumi ma na ma tsughu. Va lekesse muène satan na tchitse ndè. Ghu itchighe muene ghua bade na baniame ba pindi, na batome ba Nzembi ba kelenge ndè. ¹⁴ Mu tsughu a bussu, va yulu a va ni ba tete Jean ghutsughu, Jesus na yende ghu Galilée ghu ndè longosso tsanga a Nzembi yiyibuè ya na manza. ¹⁵ Ndè na lele ndé: Lekesse le ma mane tode na manza. Nzembi a muesesendé ndè ndè ni Kumu. Tubani mabi ma bena, tamena ni mo muti Nzembi a boghole bé mo. Kuadani tsongo mu tsanga yiyibue ya na manza. ¹⁶ Letsughu lemochi, va Jesus a yendenge mu tunge mudibe wa ghu Galilée, ndé na mono baghete boli, Simon bona muana nguendi André. Bo ba buaghenge ma mbussu ma bo ghutso mudiba. Bo ba baghenge ba dolo ndila mu yissale chia lobe batchui. ¹⁷ Va ka ni va Jesus na lè bo ndé: dukani mè me kalesse bena bé ba lobi ba baata. ¹⁸ Va kètia vana, bo ni batamene ma mbussu ma bo, ni ba duku ndè. ¹⁹ Va mbissa vana, Jesus na mono babaghela boli; Jacques bona muana nguendi Jean, bane ba Zebedée. Bo botchi ba bolo ba bade ghutso mbunge na bambenge maliki ma bo. ²⁰ Va kètia va Jesus a mo bo, ndè na tède bo. Bo na tamene tata a bo mu duku Jesus. ²¹ Jesus bona ba duki bendi ni ba yende ghu mussenge wu batede Capernaum. Letsughu la pigha, bo ni ba ninggele ghutso nzo Nzembi.Ndè na banda longichi baata ba kokena vana. ²² Bo ni bagemba mu yilongichili chi ndè longosso, ndè longichi ngana wu lidi na butoma, to a ngana ba scribe vè. ²³ Ghutso Synagogue ghu Jesus a longichingi, ghua bada na mutu wu leniuni la lebi la ningela ghutso ndè. Mu bunone bua leniuni la libi muène, mutu muenè na chimena makime. ²⁴ A Jesus besa, maniuni ma mabi, besa li sa lidi na tchiambe la sade na wè vè. Wè yidi ndika mu yighudussu besa? Mè yebi wè, wè ni wa yebenè we ni wa mate ghu mbogha Nzembi. ²⁵ Jesus na kambeghe leniuni la libi muene, nde: Bachui, pola ghutso mutu wu. Leniuni la libi ni la tèbesse mutu lekamba na imbaba chotchi. ²⁶ Lo li na fule makime, ni la pola ghutso niuta ndè. ²⁷ Botchi ba ba yoghenga ni ba ghembe , mu bibo bamono, bo ndi ka na mussosse va pengini a bomuène. Bo ba lelenghe bo: lessamamono livè, bi longichi bièndi ndi bikima, na butoma botchi. Nde yambela na maniuni ma mabi to ma yoghele ndè. ²⁸ Va ketia vane, bate ni batsamene mambe ma Jesus a sade ghutso mussenge a Galilée wotchi. ²⁹ Va yulu va bo ba mate ghu synagogue, Jesus, Simon na André, bona Jacques na Jean ni ba yende ghu nzo Simon na André. ³⁰ Buko bua Simon bua mukassa a bade a lassa, nde bade na lessalela la lotela. Va lekesse muene, ni ba tosse Jesus tsangue yibeda chiendi. ³¹ Jesus na yende va pedia nde, na kuatele ndè lekake mu yamesse ndè musoghe. Va ketia vana, ndè na bèleghè, na bande bo vede bi bo ba bade na nzale bio. ³² Na mungumbi wona, va mbisa va letedi la gholena, baate ni ba tsualele Jesus babeda balotela, ba babade na maniuni ma mabi ghutso maniutu ma bo. ³³ Baata ba mussengue wotchi ni bakokena va munio nzo Simon. ³⁴ Jesus a belesenge baate bakunu, ba bade na mabede mia minongue minongue. Ndè a toma maniuni ma mabi mfua mo vè mu pola mutso maniutu ma baate. Ndè a sa singuese nde ma niuni muèn ma yambele mu ndè vè, muti bo ba yabengue bo ndè mutu a Nzembi wa tendeghe. ³⁵ Na ngueli, buchi ki mua yifundu, Jesus na temene. Nde na yende va yitsaga cha legenghi mu lebondo. ³⁶ Simon bona ba bo ba kembenga ni ba saghe ndè. ³⁷ Va bo ba babakese ndè ndè, bo ni ba lèle ndè bo: baate botsi ghutso mussenge wè ba sagha. ³⁸ Ndè na lèle bo ndé: besa bena na nzala yende ghu mussenghe mukima, muti mè ka longichi na mona ghona. Yé ni tsotso yi mè yade mutso bulongo. ³⁹ Ka va bo ba yende ghu Galilée, bo ni ba yende mutso ba synagogues ghu Jesus a longichi na funzu maniuni ma mabi. ⁴⁰ Letsughu lemochi, mutu wu lidi na mabede ma niutu ma ba tede makedi na yade ghu mbogha Jesus. Ndè na soma mabongo mu toto, na bondo ndè, na lèle ndè: kokola wè, boghe mè, mè yebi mé wè togha mè bogha ti wè tondo. ⁴¹ Jesus na kua na tinga mu mbata. Na sokela lekake lendi, na bembe ndè. Ka va nde lèle ndè ndé: Muti mè tondo lo; ki bèleghe? ⁴² Va ketia vana, makedi ni fuada, mutu na bèleghè. ⁴³ Mutu muene na pa yende, Jesus na vède ndè nguidi ya bunono; ⁴⁴ Manema ni ma Jesus a lèle ndè: ya yambela na mutu ti mu mochi mu ma maluti. To yende ghu mbogha mutchidi malaghe, wè muesese ghu lidi ndè, a yimene wè niutu. Tso vana wè vède lelagha la tsoka ghua maniutu li Moise a chimba, muti tchambe muene le ka bade tchambe la bumbanza ghu tso lebuli la wè. ⁴⁵ Mutu muene a sa kele manguidi ma Jesus a vè ndè vè. Ndè na tsamene tsange ya ngana bu Jesus a boghe ndè, na bèleghe guendi. Li ba yoghele na Jesus, ndile ka li ndè a sa batoghenge ba yende mutso missenge va misse ma baate ve. Ndè na yendenge ndila ka mu bitchigha bi mutu ti mu mochi a vè tsaghela. Sabona, bate ba matenga mangulu motchi, ba chingenenga na yada ghu mbogha Jesus,