¹ Va yula va mua tsughe ya lota, Jesus na ghabegha ghu mussenge a Capernaum. Baata ni ba yoghe tsange boo Jesus a maghabeghe ghu nzoo. ² Tsange ni ya yende tine, baata ni ba kokena va Jesus a bada. Lerange la bata la bade la kunu, vana nzoo ni ya basa na baata. Bitchigha tchia ka vè, ki na va munio nzoo. Jesus a longichi bo mabighe ma Nzembi. ³ Bate bana ba tsualela Jesus mutu wa ikata, ba pape mu yipoyi, ⁴ Ghua bade pagha mu tode na mutu muene va busu bua Jesus muti piti a baata ya bade mfua yovè. Bo na kome ghu yulu a mubundu a nzo, na vange ilutchichi cha yipoyo. Bo na sotese mutu muene songa va busu bua Jesus. ⁵ Jesus na mono ndé mutu muene a bade na lebioghe mu bèleghe. Jesus na lèle ndè ndé: mwana mè, mè ma boghelo mabi mawè. ⁶ Ba longichi ba mighagha mia ba juif ba bade vana batsaghela. Bo ba tasenge bo muene ghutso mitema mia bo: Ka buni mutu wu a toghele yambele bunubu? ⁷ Ndè na lenzuba na togha Nzembi, na mambe ma ndè lèlè. Nzembi ndè penza ni wa togha boghele mabi. ⁸ Jesus a yaba na ngudi leniuni lendi matasa ma bo babade na mo ghutso mitema mia bo muene. Ndè na lèle bo ndé: ka muki béna la tase bona? ⁹ Bibi sa lidi paghe mu lèle biki? U lèle ghuati mabi ma wè ba boghili mo, voki tèmenè, bonge tengi a wè, wè yende? ¹⁰ Mè tondo mé béna le yabe ti Muana Mutu ghu toto ghuni a lidi na bukumu bua boghelo mabi. Ndè na lèle ikate, ndé: ¹¹ Tèmenè, bongo yipoyi chiawè, yende ghu mbogha wè. ¹² Va kètia vana mutu muènè na tèmenè, na tole yipoyi chendi, na yende, va mise ma baate botchi. Baate botchi ba kuade na ngombo, ni ba kakese Nzembi ni ba lèle bo: Na chi lilidi, le sa ma mono tchiambe ngana lo vè. ¹³ Jesus a mata musenge a Capernaum, na yende mu tunga mubu wa vè na ngulu wa Galilée. Piti mfua yovè ni ya yade va pedi a ndè, ndè na longhichi bo. ¹⁴ Va ndè lotenge na mone muana Alfée, wu ba tède Lévi, a tsaghela ghutso idienjili cha ba bongi ba mapagha. Jesus na lèle ndè ndé : yiwoke nèmè! Ndè na tèmenè, na duke Jesus ¹⁵ Va yulu a vana, ghu nzo Levi Jesus na tchadenge. Na bangua mabi ba babade vane bakuna, na ba bongui ba mapagha, na ba duki bendi, bo botchi ba tchade na ndè yitchighe yimochi. ¹⁶ Bakumu ba mighaghe mia ba juif, na bivonda bia mikuti mia ba Pharisiens, ba mono bu Jesus a tchadenge na bangua mabi, na ba bongui ba mapaghe, na fule ba duki bendi tsotse yi ndè tchiadenge na niode na baate muenè? ¹⁷ Jesus a yoghe ifulichi muenè, na yaghele bakumu ba mighaghe mia ba juif: Baate baba sa bèle vè ba yende gho mbogha nganga? Mé bombe ba ba bèle ba yende ghu mbogha nganga? Botchi ba ba tase bo ba songena mè sa yidi mu tède ba vè, to mè tède baba lidi na mabi mu yade va pedia mè. ¹⁸ Mu lekesse muene lena, batoma ba Jean Baptiste bona baate bakè ba ba bade ghutso iveva cha ba pharisiens, ni ba minenge kughi ngana bu bo ba sadenge na bukala. Fuechia bo, bana ni ba yade ghu mbogha Jesus mu fule ndè : Batome ba Jean na ba pharisiens bamine kughi. Ka muki batome ba wè ba sa mine kughi vè? ¹⁹ Jesus na yaghele bo ndé: va lebaghela a kuele mukedi a ndè, va ndè lidi na ba mbeghi bendi, bo ba toghe mine kughi? Lekèse lotchi li mulumi a ki badenge bona bo, bo ba chi mine kughi vè. ²⁰ To letsughu lemochi, ni ba mase mulumi. Ba mbeghi bendi, tsughu yena, ba sa ka tchade vè, ni ba bisse. Jesus na ba ghabeghele bo lèle ndé: ²¹ Mutu a chi toghe bambe lengoyi la kala na yitini cha tsande ya na manze vè? Mbé yitini cha tsande ya na manza cha bake yitini cha tsande a kale, puku ya nènè. ²² Mutu a teghe mangeba mu matsobe ma kale, ma bologha, malame ma ka poghegha. To buedi mu yitela lengeba la na manza ghutso matsoba ma na manza. ²³ Letsughe la pigha , Jesus a vioghenge ghutso manungui ma bivèdi, na yendenge ghutso mo bone baduki bendi, ba ba topele biéne bivédi. Ba ²⁴ pharisiens bakè ba mone bi bo ba sade, ni ba lèle Jesus bo: kengesse, bo ba sa ghobichi mighaghe mia ba Juif mu mbata letsughu la pigha. Muki bo ba sade lo? ²⁵ Jesus na yaghele bo ndé: Nachi li bena, béna le sa ma rangue mabighe ma mu mbata kumu David na baate bendi lekese li bo ba bade na nzale vè? ²⁶ Lekesse li Abiathar a bade yivonde cha ba longichi , David a ningele ghu nzo Nzembi na fule lepè. Yivonda cha ba longichi na vè ndè lepè li ba solo. Ghutso mighaghe mia besa, ndila bivonda bi bia longichi bia tchade lepè li ba solo. To David a tchade lepè muene. Na vèghe na baate bendi. ²⁷ Jesus na ba lèle bo ndé: ba sade letsughu la pigha mu letase la potele baata. Muti baata ba sa ghobichi mangidi ma letsughu la pigha vè. ²⁸ Mu diteghelo buebuedi Muana Mutu ni Kumu, ndè Kumu a pèti letsughu, né la pigha.