¹ Cémou amon à ngon ngran à ngouhou à gnitié , lé gnoa nan níní Lago niwolíè kpa ngon bhou á gnitié 'nini Lago yia a ka sa omon yíblí . ² Í tagníen á yíhí á nama fassíè yè lè á yí amon o gnou. ³ Djabèè è ngon ngoan bhabhlou: Sila a palè,kôôti yalí à ímí a na bhomo. ⁴ Man mlin aníen, djabè è ngon douô a mlí ní síssí ka, kouwotoman zouzou, poupoué a mlí, Lago a yikou ímí kplo. ⁵ Cítè a yrouè wa bhlagogo kplokplo ngana auto wa Lago douô. Cítèmou Sarano ngouin wa sou Abrahamou lé o wlé wa o mon " o kagnon " . ⁶ O nglikéyou a ngon zímlin, ā níní wolíè nan lé gnakalí níka āmon bhla. ⁷ Gnitié gní, à kassa lé aya a ngran so aka fikéssa saboh. À ya à ngran so à nounou. À yíblíssa man Lago o amouo lassa man, à ngouhou āman man cémou gbakalímanlè. À ní sa lé à bhibhié wollíè ní la pion gbída. ⁸ Í bhada bhobhoé amouô a níka Lago douô, níayi wawou, yíblí kalímin lé clouilossa. ⁹ O nié mon gnoumoé n'a nio gnoumoé, o troulè mon an, n'a troulè Man poo kohoko gnou man í mlímou Lago o wlé āmon, lé aka paparnouô djāa kouli. ¹⁰ Gnon ní wa ko lé yra o ka nama o koua o'kalé o ka gnoan gnoumossa tctitchié lé mion a ngoungouin wrou. ¹¹ O wrou gnoumoé gbou lé o moumouhon í nan. O moumouhon (paix) lé o kouè mlí. ¹² Lago yí lé o gnouclouli doudouè lé pouè o bhibhié wollíè kou man kagnon palè ā nié gnoumoé djí. ¹³ Gnon gba yí àmon gnoumoé ní à ní nan tché Lago yraa ? ¹⁴ Ma à ní yè zouè tchítchassa za àa palo gnou. À n'a gou wolíè á gouléa lé gnanímin nanbhla amon. ¹⁵ Ma à gnouhou kagnon Croissí à doui a mlí. À yrílí tagníen mou gnoan ní yra àmon èkèza à to lago douô a ? À groula kou douipassa lé ngoungouassa. ¹⁶ À ka nama bhobhoé bhé gnoan ní vavra a kplokplo namou à ka Croissí mou zouhou kaa bhla ma á plolè à mon tché à ngon gnoumô gnoan. ¹⁷ Í nan Lago ní wa lé à nínyè zouè tagníen mou à ní ni nàmin a ma à ka gnoumoé ní. ¹⁸ Croissí yè mouôkou zouè ā wrou ā gnoumoé a za.O yè zoué o mon nan , āmon ní nan Aza aka Lago mou yí . À bhloo yéké amlí aza ma zouzou galo. ¹⁹ Zouzou a mlí o mou lé o pa zizié kou djí a doho. ²⁰ Í ní gnouhou la hou tché ngoan á koula gnié ou Noé a tagníen n'hésitez Lago sahou gnoan zouô néa. ²¹ Piou lia gnon gnié a moungouin a poupalè ( èni cémou yèkè a kplokplou man í ka bhobhoé fí gnin lé èka kplo Lago dré) Zozi-croissí a galoè a mlí. ²² Croissí kou Lago a liliékou. Omon lagowrou. Lago a zizi, gnoumô zizi, powa ka zizi ka lé í la ou omon ngou.