¹ À wrou gnoumo fassí a gbou, yrou fassí a gbou, gnoumo chitchi wolí a gbou. ² Yisradèdè bhissakou, à mlan Lago dou a miôkô lé à ka poupoué a mlí gnrí. ³ À ni yra ma Kagnon naa. ⁴ À yio o ngon gaga tchokou a pakla mon, ma Lago gbazí omou lé o ka gbou. ⁵ À mon monmonglou, à ngon gaga tchokouï à tchía lé'í la Lago wrou plí, í kalé'í plí kplokplo wrou, ploplo bouboè Lago ka wrítoa Zozi-croissi a ngríen mou. ⁶ Djídjra bogou a ní : «í ngon Sion mou tchokou a mô o gbazílomou lé ou nan. o ni toloudô a ni ka touô.» ⁷ À mon yíblílè mí à nàmin ko. ma «tchokou o pagnon palèkla, ya wrou à gbakalíman tchokou plí» . ⁸ «Lé tchokou ou yí ngon sapa a lé ngon kalélí tchokou». à bhébhlé zo Lago niwolíè a za , à monssassou a za, í mí à tèla. ⁹ Ma àmon, ngoan lé à gbazímou, léyrigbo, kplokplo lolokpa, Lago a lolokpa. à kalé ploplo gbíè sahou tchoutchou lé í la napè a à kí tchi Man í mí mou à wrélo. ¹⁰ Bhlagogossa, à níwa lolokpa ngon ma à ngon Lago a lolokpa. À níwa wawou o tchiélé ka, ma zímlin à kou. ¹¹ Wāwā níayouô gní, í bhibhié āmon lodougnoan bhissakou ma à topou yéké a mlí a pí a wawou lé í yi mi lé í yi à zouzou toufàa. ¹² À ka nama fassí gnoan ní Lago a youô ngon a gnídí lé àa ni tchin à gnoumossa à kalè à nama gbí ā niéa djibha , lé ā ka Lago groufa yrouôkou o ní yía . ¹³ À ngouhou kama ngoan lolofíè kagnon a za, ngouhou lô tché ngon zikou, ¹⁴ ngouhou sa Govragnon á tchiélè o ka gnoan sa sria, lé plo Lolo à ka poplo gnoan léli kla. ¹⁵ Lago yralé à ní namin, gnoan nílè yia lé ā nílè fikéa ā bhli à niékou. ¹⁶ Gnoan à fli bhissakou, à n'a ma à fliflié kou lé à ka gnoumoé ní, ma ā kou Lago a nonnouh yrí gnoan bhissakou. ¹⁷ À gnouhou gnoan fíè, à sa ngíkpo kalè, à gou lago'lé à ngouhou lô. ¹⁸ nonnouzrígnoan gní, à kou à kagnon a loh zo oungoungin a mlí, èni àna douôkou à mouô a za ngon, ma á kassa gbaloa. ¹⁹ Í na lé ngon la kalímin yé , Lago a wroua kalímin kètèkou. ²⁰ Namin à nin gba kou kalímin í yèlè gnoumô pía mlí ? Ma ní yè kalímin nama píè í nílè a za , Lago a dré'í ka lolokou. ²¹ Ími mou á wlé āmon , Croissí a sèfou o yè kalímin ā za, papalè a mlí o tiou āmon lé ā ko bíè bhlí. ²² O kè gnoumô píou ní; gnoumô niwolíè ya kpokpla ní o néwrou. ²³ À ní vraala omon o ní yríbhala vralí. Tagníen mou o yèlè Kalímin on ní néssa ma o toualèla píèfíèno plo namassa. ²⁴ O gbahou à gnoumoé fiè o kpíkpí a mlí sou djí, lé ā ni kayí gnoumoé ní lé aka koh kou tchítchassa za. O kalímin a za ā ya yalíman. ²⁵ À ya wa touô bhlabhlí bhissakou. Ma ayayí tiégnon o lobhoulè à zizi kou go yríbha.