DCS-Mirror-parfait-ayanou_mxl_luk_text

Luki 24

¹ Aklúnɔ́zangbè ayiɖehɔ̀nnu, nyɔnu lɛ́ wa yɔdo ɔ kɔ̀n bó hɛ̀n nusánú wǎn ɖagbenɔ e ye kɔ ba ɖo alɔ jí ɔ. ² Yě mɔ̀ ɖɔ awinyá e sún do ɔ na ná ɔ, e ko bili síìn. ³ Yě byɔ́ yɔdo ɔ mɛ ye ka mɔ̀ Aklúnnɔ Jezu kyɔ́ ǎ. ⁴ Ye sɔ tunwun nǔ e ye na wá ǎ, bó ɖò nukun do gbɛ mɛ kpɔ́n do nu nɛ́ gó we; bɔ nya we ɖé wá xwétɔn ɖò akpá ye tɔ́n bɔ̀ awù yètɔ́n nɔ́ kɔ́n. ⁵ Nyɔnu ɔ yě jɛ̀ xɛsi ɖi jí bɔ̀ ye dǒkɔ̀do. Nya we nɛ́ ɔ ye ká ɖɔ̀ ní yě ɖɔ: "Ani wútù mì ka ɖò mɛ e ɖo gbɛ ɔ bá wé ɖò mɛ̀kúkú ɔ, yě mɛ? ⁶ É sɔ́ ɖò fí ǎ, é kó fɔ́n sín kú. Mì flín xó e é ɖɔ̀ ní mǐ hwenù e é ɖò Galilee ɔ́ ǎ, ⁷ È ɖo na jó gbɛtɔ́ví ɔ ni hwɛhutɔ́ ɔ yě, bɔ̀ yě na k'ɛ́ nyì aklúzù jí. Bɔ Mawu na fɔ́n ɛ̀ sín kú azàn otɔ̀n gɔ́ɔ́ gbè. ⁸ Hwenɛ́nú wɛù nyɔnu ɔ yè flí xó nɛ́ ɔ e Jezu kó ɖɔ̀ ní yě ɖ'ayi ɔ. ⁹ Ee yě lɛkɔ sín yɔ̀do ɔ kɔn ɔ, ye b'ɛ xó nɛ ɔ có bó ɖɔ̀ ní mɛ̀sɛ́dó wǒ ɖokpó yě kpán nɛ ɖe ɔ ye có kpán. ¹⁰ Nyɔnu e ɖɔ nù nɛ́ ɔ yě ní mɛsɛ̀dó ɔ yě ɖie. Màlí Madelɛ́nù ɔ jani kpan Mali jakinɔ kpán, kpan mɛ ɖe ɔ ye kpán. ¹¹ Mɛsɛ́do ɔ yě ka ɖì nǔ ní xó ɔ, ǎ bó mɔ̀ ɖɔ̀ dɔlɔ́ kú we yě ɖè. ¹² Có Piyɛ́ɛ́ ká site bó kan ayizu yi yɔdo ɔ kɔ̀. Ɖee e jɛ dɔn, e fɛ́ bó kpɔ́n yɔdo ɔ mɛ̀ bó mɔ avɔ e è lɛ dó Jezu ɔ kɛɖɛ́. Nu e jɛ nɛ ɔ, budo dó e bɔ̀ e lɛkɔ wayia xwé. ¹³ Gbe nɛ́ gbé unkpó ɔ, ahwanvi Jezu tɔn wè ɖé è ɖò ali ji xwe gletoxo e è nɔ ylɔ́ɖɔ̀ Emayusi bɔ̀ é ɖò kilomɛti kanɖé ko mɔ̌ do Jeluzalɛ́mù. ¹⁴ Ye ká ɖò xó ɖɔ́ dó nǔ e jɛ nɛ ɔ có wu we. ¹⁵ Xó nɛ́ ɔ ɖɔ̀ we ye ɖè bó ɖò nǔ dɔ́n ɖekɔ́n we bɔ̀ Jezu ɖésú wá xwétɔ́n bo xwedó yě gò bó jɛ ali zɔ̀n xá yě jǐ. ¹⁶ Nu ɖe kpɔn nùkɔ̀n yetɔ̀n jí ni ye ma tunwun i o. ¹⁷ Jezu ká kànbyɔ́ yě ɖɔ̀: "xó tɛ́ ɖɔ̀ dó alì we mi ka ɖe mɔ? Bo ye nɔtè wubláblá. ¹⁸ Mɛ e è nɔ ylɔ́ ɖɔ̀ Kleopasi ɖò yě mɛ ɔ yí gbè ní ì bo ɖɔ̀: " Hun ehi unkpónɔ jɛ́n nyí jonɔ ɖò Jeluzalɛmu bó dán nǔ e jɛ́ ɖò fínɛ́ azanví elɔ ye mɛ ǎ"'? ¹⁹ Jezú ká yigbe ní ye bó ɖɔ̀: "Ani ka jɛ̀"? yě yigbe ní bo ɖɔ̀: "Nu re kpé Jezu Nazalɛti tɔn ɔ wɛ̀. Gbɔn nuwiwa tɔ̀n kpán xó tɔ́n ɔ ye gblamɛ ɔ, é kó ɖéxlɛ́ ɖɔ̀ Mawu kpán togùn có kpán nùkɔ̀n ɖɔ̀ emi nyí gbeyiɖɔ̀ Mawu tɔn , nugokpikpetɔ́. ²⁰ Fɔ̀sánúxwlé mawutɔ́ ɔ ye kpá togán mi tɔ̀n ɔ kpán ka sɔ́ ɛ jo ni e ɖo ku hwɛ̀ ní ì bo ka ɛ nyi akluzu ji. ²¹ Mì tɛ́ɛ́ kó ɖò nukún ɖó we ɖɔ̀ ewɛ ná hwlɛ́n Izlaɛlì togùn ɔ gan. Azɔ̀n otɔ̀n gɔo ɖi nue yɔ e ɖo jujɔ we e! ²² Amɔ̌ nyɔnú ɖù ɖo ahwan mɛ̀ o wa ado hunu gbɔ̀n san fɔn yi yɔ ɔ kɔ̀n glamɛ. ²³ Ye ká mɔ kyɔ́ tɔ̀n ǎ o wa ɖɔ ní mi, enɛ́ ɔ vivi hwe yě lɛ ɖɔ̀ angɛli ɖé lɛ tɔ̀n ɖǒ yě ji loo ɖɔ̀ ní yě ɖɔ̀ Jezu ɖo gbɛ. ²⁴ Mɛ mìtɔn ɖé lɛ́ yi yɔ ɔ kɔn o mɔ nǔ énɛ́ ee nyɔnu ye mɔ ɔ á mɔ yelɔ mɔ Jezu ǎ. ²⁵ Jezu ka ɖɔ̀ ní yě ɖɔ̀ gbɛtɔ́ nunyɛ́hwédónánɔ̀ ee mì.Hwètɛ́nu mì ka na wá ɖì ní nǔ e gbeyiɖɔ̀ Mawu yě ɖɔ ɛ? ²⁶ Klisù ɔ ma kó ɖó ná jì ya e nɛ́ yě hwɛ có o na yɛ̀ susu tɔ̀n mɛ ǎ e? ²⁷ E ká b'ɛ xó sín Mɔùyizi ji o gbɔ̀n gbeyiɖɔ Mawu tɔ́n ye jí, bɔ̀ nǔ e wlan ɖo wutu tɔ̀n ɖò Mawu xówémà mɛ̀ ɔ, étíìn có mɛ ní yě. ²⁸ Ee ye wá sɛkpɔ́n gletoxo e mɛ ɔ,Jezu bló mɛ e na din yi nùkɔ̀n nɔhùn. ²⁹ Amɔ̌ ye ɖó e tè bó ɖɔ́ ní ɖɔ̀: "Nɔ mi gɔ̌n ɖó sǎn ɖò kúkú we. Hwe ko yi xɔ̀". E ka yɛ hwe gbe o ka nɔ ye gɔ̀n. ³⁰ Hweenu yě ká wá jà nuɖú gbé ɔ, é wá sɔ́ wɔ̀xúxú o do kú ní Mawu o ka na ́ yě. ³¹ Tɛn tɔ̀n mɛ ɔ, nuku hùn bɔ yě mɔ̀ nu jɛ wutɔ̀n lobo tunwun ɖó Jezu wɛ Amɔ̌ e ká fò sín yetɛ́ntín. ³² Bɔ̀ ye kanbyaxa xɛ́ ɖɔ̀ : Hwe e é ɖò Mawu xó tinmɛ we ɖo alixo ɔ, akpakpa ɖe sɔ mi sin xomɛ ǎ. ³³ Enɛ ɔ ye site sansan tɛn o jɛji Jeluzalɛmù o yi mɔ̀ mɛ sɛ́dó weɖokpó ɔ yě kplé kpán kpɛ yɛtɔ́n ye kpan. ³⁴ Mɛ weɖokpó ɔ ye kpán kpɛ yetɔn kpán ɖo xo eyɔ ɖɔ we: " Aklúnɔ fɔ́n sín kú nugbo o sɔ eɖé xlɛ Simɔ̀ɔn. ³⁵ Ye ká yi ́ xó o ká xlé nǔ e jlɛ́ ɖo alixo káká wa jɛ̀ wɔ̀xúxú ɔ jí. ³⁶ Enɛ́ ɔ, ɖɔ we ye ɖe bɔ̀ ajiji mɛ ɔ, jezu wa tɔ́n ɖò yě tíntin o ɖɔ̀" Fifa ní nɔ kpɔ̀ xá mì". ³⁷ Xɛsi jɛ̀ yě jí bɔ̀ ayia yětɔ́n gbadó bɔ̀ ye viɖo nǔ mɔ we wɛ mi ɖe sin. ³⁸ Bɔ̀ jezu kanbyaxa yě bó ɖɔ̀: " Ani ka ɖo ayi gbadó ní mi we? ³⁹ A ni wútú mi ka ɖò linlin mɔ ɔ kɔ ɛ. Mi kpɔ́n alɔ kwɛ cè kpán afɔkwɛ̀ ce kpá, niɖésú nɔ ɔ wɛ. mi ɖ'alɔ godo ce kpɔ́n. Yɛsinsɛn nɔ ɖo agasa kpán xú ce nɔhun ǎ. ⁴⁰ Ee ɖɔ mɔ̌ ɔ, é xlɛ́ alɔkwɛtɔ kpán afɔkwɛtɔ kpán yě. ⁴¹ Nu énɛ́ ɔ hun xomɛ ní yě cobo ka lɛ kpo ɖo ye kpacá we bɔ̀ ɖee ye ma yawu ɖi nǔ ǎ ɔ, Jezu kanbyaxa yě ɖɔ̀: "nuɖúɖú ɖé ɖò fí a?" ⁴² Ye ka sɔ́ hwevi hihi sínsɛ́n unkpó kpán wíìn kpán ⁴³ bɔ Jezu yi bo ɖu ɖò nukɔ̀n yetɔ́n mɛ̀ ⁴⁴ bó ká ɖɔ̀ ni ye ɖɔ̀: "hwenu e un ɖò kpɔ́ xá mì ɔ, un ko ɖɔ̀ xó éyɔ́ ɔ, ye ní mi bo ɖɔ̀ ɖé: " nu e e ko wlán dó wutú ce ɖo Mɔyizi sɛ́n ɔ mɛ bó wlán dó wutú ce ɖò gbeyiɖɔ Mawu tɔn ɔ yě sín wema mɛ bo lɛ́ wlán dó wutú ce ɖo hawema e ye có mɛ ɔ ɖò ná jɛ̀. ⁴⁵ Hwenɛ́nú wɛ e hùn ayi yetɔn bóní ye na mɔ jɛ Mawuxó wémá ɔ mɛ. ⁴⁶ E ɖɔ̀ ní yě ɖɔ̀ " E ko wlán ɖ'ayi bó ɖɔ: "Klísù ɔ ɖo na jiya káká bó kú bɔ̀ Mawu ká ná lɛ́ fɔ́n ɛ sín kú azan tɔ̀n otɔngɔ́ ɔ ⁴⁷ gbè. bó ɖɔ nyikɔ́ tɔ̀n mɛ ɔ, é ná jlá wɛ̀n ɖagbè ɔ ní akɔta ɔ có bɛ́sín Jeluzalɛ́mu bó ná ɖɔ̀ ní gbɛtɔ́ yě có ɖɔ̀ ye ni lɛkɔ sín hwɛ yetɔ́n ɔ ye kɛ̀ yě. ⁴⁸ Mi wɛ nyí kúnnúɖetɔ́ nǔ nɛ́ yě tɔ̀n. ⁴⁹ Niɖésúnɔ ka na sɛ́ nǔ e sín akpá tɔ́ ce dó ɔ dó mì: mi bo nɔ to ɔ mɛ kákź yi jɛ hwenu e hlɔnhlɔn Mawu tɔ́n na ɔ na wá dó ɔ. ⁵⁰ Jezu ká wá kplá ye yì káká betani bó sɔ alɔ tɔn ɔ ye yiji bo xoɖɛ dó ye ji. ⁵¹ Hwenu e è ɖò ɖɛ xodó yejí wé ɔ, é jó yě dó bɔ̀ Mawu sɔ́ ɛ yì jǐ xwé. ⁵² Ye ká ɖè kɔ́ ní ì bo lɛkɔ̀ wá yì Jeluzalɛ́mù kpán awajíjɛ́ ɖaxó kpán. ⁵³ Ye ka nɔ ɖò sinsɛ̀nxɔmɛ hwe có nú; bo nɔ ɖò susu kpa ní Mawu we.