Luki 23
1
Yě có sí te, Bó kplá Jezu hɛn yi Pilátu nukɔn.
2
Ɖo fínɛ́ ɔ́, yě có jɛ hwɛ dó e jí bó nɔ́ ɖɔ: "Mǐ mɔ nya éyɔ́ ɔ́ b'ɛ́ nɔ́ ɖo to ɔ́ dɔn bú we. É nɔ́ gbɛ́ ɖɔ è nǐ má sú takwɛ́ Dadá Hlɔ̌ma tɔn ó, lobo nɔ ɖɔ mí wɛ nyí Klísu axɔ́sú ɔ́."
3
Pilátu ka kanbyɔ́ Jezu ɖɔ: "Hi wɛ nyí Jwifu ɔ́ yě sín axɔ́sú ɔ́ à?" Jezu ka yí gbe n'i ɖɔ: "Hi wɛ ɖɔ."
4
Pilátu ka wá ɖɔ ní vɔ̌sánúxwlémawutɔ́gán ɔ́ yě kpán mɛ ɔ́ yě có xwíi kpán ɖɔ: "Un mɔ hwɛ ɖě ɖo kɔ ní nya éyɔ́ à."
5
Yědɛɛ ka tɛ ɖɛ̌ jí, bónɔ́ ɖɔ: "Nǔ e kplɔ́n mɛ wɛ é ɖe ɔ́ ɖo Judée to ɔ́ có dán wɛ; Galilée yíkúngban jí wɛ é bɛ́ sín , káká wá jɛ fí."
6
Ée Pilátu se Galilée xó ɔ́, é kanbyɔ́ ɖɔ Galinéenu wɛ Jezu ní a jí.
7
Ée Pilátu ɖo mɔjɛmɛ ɖɔ Elódu sín acɛ mɛ wɛ Jezu ɖe ɔ́, é nyí Jezu sɛ́ dó Elódu, ɖó éɖésú ɖo Jeluzalɛ́mu hwenɛ́nu.
8
Ée Elódu mɔ Jezu ɔ́, xomɛ hun i tlala; ɖó é ko ɖo biba ná mɔ Jezu we é kó lín, ɖó nǔ e é nɔ́ se dó godo tɔn yě wú, bó ɖo nukún ɖo we ɖɔ é ná jlɛ́ nǔ bɔ mì ná kpɔ́n.
9
É kan nǔ gěgé byɔ́ Jezu; lo ɔ́ Jezu ka nu ɖ'émɛ n'i à.
10
Fɔ̌sánú-xwlémawutɔ́gán ɔ́ yě kpán sɛ́nkplɔ́nmɛtɔ́ ɔ́ yě kpán ká ɖo fínɛ́, bó ɖo hwɛ xa dó kɔ ní Jezu we syɛ́nsyɛ́n.
11
Elódu kpán sɔ́ja tɔn ɔ́ yě kpán ká wa wǎngbɛ́nímɛ sín nǔ xá Jezu, yě ko e, lobo sɔ́ awu ɖagbe ɖagbe ɖé dó n'i, bó lɛ́ nyi Jezu sɛ́ dó pilátu gɔ́n.
12
Gbe nɛ́ ɔ́ gbe ɔ́ Elódu kpán Pilátu kpán dó kɛn gbɔ bó huzu xɔ́ntɔn.
13
Pilátu ka ylɔ́ fɔ̌nsánú-xwlémawutɔ́gán ɔ́ yě kpán togán ɔ́ yě kpán, kpán togun ɔ́ kpán kplé,
14
bó ɖɔ ní yě ɖɔ nà: "Nya éyɔ́ e mi kplá wá ní mì bó ɖɔ é ɖo to ɔ́ dɔn bú we ɔ́ ɖíeun ka kanby'ɛ́ ɖo mi có nukún mɛ din ɔ́, un mɔ hwɛ é dó e we mi ɖe ɔ́ ɖě sín nǔ ma nyi do n'i à."
15
Elódu ɖésúnɔ ɔ́ ka mɔ nǔ sín kúhwɛ dó é we mi ɖe ɔ́ ɖéján ɖo godó tɔn à.
16
17
Hǔn un ná xo e boná jó e dó.
18
Yě có ka jɛ xó sún jí ɖɔ: "Hu nya éyɔ́ ɔ́ bó ɖe Balabási nyi te ní mǐ."
19
Balabási e ɖɔ we yě ɖe ɔ́, gǔ wɛ é fɔ́n dó gǎn ɔ́ yě jí, lobo hu mɛ, bɔ è wlǐ i dó gan.
20
Boná ɖe Jezu nyi te wú ɔ́, Pilátu vɔ́ nǔ unkpó ɔ́ kanbyɔ́ yě.
21
Yě ká bɛ xósúnsún bó ɖɔ: "ká ɛ nyi aklúzu jí. Ká ɛ nyi aklúzu jí."
22
Pilátu ka lɛ́ ɖɔ ní yě azɔn atɔngɔ́ ɔ́ ɖɔ: "Nǔ nyanya tɛ́ é ká wa? Ní ɔ́, un mɔ kúhwɛ ɖe n'i à. Hǔn un na xo e, boná jó e dó."
23
Lo ɔ́, yě ka lɛ́ súnxó syɛ́nsyɛ́n, bó lɛ́ byɔ́ ɛ ɖɔ ní ka Jezu nyi aklúzu jí. Bɔ xó e sún we yě ɖe ɔ́ hú gǎn.
24
Pilátu ka gbɔ ó gbó xó ɔ́ dó yětɔn jí.
25
É ɖe mɛ e do hunnyahunnya tomɛ bó hú mɛ b'ɛ wlǐ dó gan ɔ́ nyi te unté e yě byɔ́ gbɛn ɔ́ ló ka jó Jezu ní yě ní yě ná dó wa nǔ e jló yě ɔ́ nà.
26
Hwenu yě kplá Jezu xweyǐgbe ɔ́, yě wlǐ nya ɖé b'ɛ́ nɔ́ ylɔ́ ɛ ɖɔ Simɔ́ɔ, Silenɛ́ɛnu wɛ n'i , b'ɛ́ lɛ́kɔ sín gbleta, ée yě wlǐ ɔ́, yě ɖíɖá ɛ aklúzu, bonú é ná hɛn jɛ Jezu gudó.
27
Mɛ ɔ́ yě ká nyí ahwan xwedó Jezu, bɔ nyɔ̌nu ɔ́ yě ɖo afǐ vi we, bó ɖo alě na we.
28
Jezu ka lílɛ́ kpan nukɔn yě bó ɖɔ: "Jeluzalɛ́munu nyɔ̌nu e mi, mi ma vi afǐ ní nyɛó; lo ɔ́, mi vi afǐ ní miɖée bó vi afǐ ní fǐ mitɔn ɔ́ yě.
29
Ɖó ayǐ ɖé ɔ́ yě ná wá hɔ́n, b'ɛ ná ɖɔ: "Nǔ nyɔ́ ní wɛnsinɔ́ ɔ́ yě, bó nyɔ́ ní dɔgo e ma hɛn fǐ kpɔn ɔ́kpán mɛ e ma na anɔ̌ fǐ kpɔn gbeɖé à e kpán.
30
Hwenɛ́nu ɔ́, yě ná jɛ ní só ɖaxó ɖaxó ɔ́ yě jí ɖɔ: 'Mi mukɔn nyi mǐ jí.' Bó ɖɔ ni só kpɛví kpɛví ɔ́ yě ɖɔ: 'kyɔ́n mǐ.'
31
Ɖó hwenu è ɖo atín mǔ sín nǔ wa gbɛn mɔ̌ we ɔ́, nɛ wɛ atín xúxú tɔn ka ná nyí gbɛn?"
32
Yě kplá tanuwatɔ́ tǎnúwatɔ́ we dó Jezu jíboná yi yě kpán Jezu kpán.
33
Ée yě wa jɛ tɛn e mɛ è nɔ ylɔ́ ɖɔ Kláni ɔ́, yě ká Jezu nyi aklúzu jí kpán tǎnúwatɔ we ɔ́ yě kpán, yě mɛ unkpó ɖó ɖísí tɔn xwé, bó ká mɛ unkpó ɖó amyɔ tɔn xwé.
34
Jezu ka sa vo ni Mawu bó ɖɔ: "Daáce, sɔ́ hwɛ yětɔn sɔ́ kɛ yě, ɖó yě tunwun nǔ e wa we yě ɖe ɔ́ à." Yě ká nyi akɔ dó awu tɔn ɔ́ yě bó ma yětɔn yětɔn.
35
Togun ɔ́ ka ka kí fínɛ́ bó ɖo nǔ kpɔ́n we. Gǎn ɔ́ yě ka ɖo cíca ɛ ko e we, bonɔ́ ɖɔ: "É hwlɛ́n mɛ ɖě ɔ́ yě gán, ényí Klísu e Mawu sa ami ná ɔ́ jɛn é nyi nǔgbó xún, é nyi mɛ ɖiɖe Mawu tɔn jɛn é nyi nǔgbó xún, ní bó hwlɛ́n éɖée gán."
36
Sɔ́ja ɔ́ yě ɖésu ɖo cica ɛ ko we. yě sɛ yi kɔ̌n tɔn, bó xwlé e vinɛglisin ,
37
bó nɔ́ ɖɔ: "Ényí axɔ́sú Jwifu ɔ́ yě tɔn jɛn ó nyǐ nǔgbó hǔn, hlwɛ̌n hwiɖée gán."
38
È ka wlǎn xógbe éyɔ́ ɖó unta tɔn nu ɖɔ: "Nya éyɔ́ ɔ́ Jwifu ɔ́ xɔ́sú wɛ."
39
Tǎnúwatɔ́ e è ka nyi aklúzu jí ɔ́ yě ɔ́ unkpó ɖo zubzun i we, bó nɔ́ ɖɔ: "É ma nyí hwi wɛ nyí Klísu á cé? Bo hwlɛ́n hwiɖée gán, bó hwlɛ́n mǐ lɔmɔ̌ gán bó."
40
Lo ɔ́, mɛ ɖě ɔ́ ka gbɛ́ nǔ n'i, bó ɖɔ: "é hi ɔ́, ó nɔ́ ɖi Mawu sí Mawu à wɛ na? É hi e kpán é kpán è ɖo kúhwɛ unkpó ɔ́ na ɔ́;
41
nǔ e è ní mǐdɛɛ ɔ́ sɔ́gbe; nǔ e mǐ wa ɔ́ sín axɔ́sún we mǐ ɖe, éyɔ́ ɔ́ ka wa nǔ nyanya ɖějan à."
42
É ka lɛ́ ɖɔ: "Jezu, hwenu e ó ná ɖu axɔ́sú ɖo gbɛ éyɔ́ ɔ́ nu ɔ́, flín mì mɛ."
43
Jezu ka yí gbe n'i ɖɔ: "Má ɖɔ nǔgbó nú we: égbé din ɔ́ ó ná ɖo Mawu gɔ̌n xá mì ɖo sɛxwé."
44
Gan wěwe mɔ̌ wɛ ɖo ná we bɔ ablu kyɔ́n gbɛ ɔ́ có jí káká yi gan otɔn kéze tɔn mɛ.
45
Hwesivɔ́ ɔ́ kí, bɔ avɔ e è dó gbo sinsɛnxɔ mɛ ná ɔ́ tlɛ́n ɖó we sín tɛ́ntin.
46
Jezu ka sún xó kpán hlɔ̌nhlɔ́n kpán bó ɖɔ: "Daá, un sɔ́ lǐndɔ̌n ce d'alɔmɛ nu we." É ɖɔ xó nɛ́ ɔ́ yě gudó ɔ́, é bɔnu.
47
Ée sɔ́ja kanwekogán ɔ́ mɔ nǔ nɛ́ e jɔ ɔ́ yě ɔ́, é jɛ susu kpá ní Mawu jí ɖɔ: "Dandan mɛ ɔ́, nya éyɔ́ ɔ́, xomɛvɔ́nɔ wɛ n'i nǔgbó."
48
Ée mɛ e nyi ahwan wá kpɔ́n nǔ ɔ́ yě mɔ mɔ̌ ɔ́, yě có jɛ alɔ zun d'ákɔ́n jí, lɛ́ kɔ wa yi xwé kpán wǔkuku kpán.
49
Jezu sín xɔ́ntɔn ɔ́ yě kpán nyɔ̌nu xwedó e sín Galilée ɔ́ yě kpán có ka nɔ te ɖo zɔ, bó ɖo nǔ e ɖo jijɛ we ɔ́ yě có xwíi kpɔ́n we.
50
Nya nukúnɖéjí unkpó ka tíin b'ɛ nɔ́ ylɔ́ ɛ ɖɔ Jozɛ́fu bó ɖo toxóɖɔgbɛ́ yětɔn mɛ, bó nyi gbɛtɔ́ ɖagbe bó nyi hwɛjíjɔ́nɔ.
51
É ɖo nǔ e mɛ ɖě ɔ́ yě ɖɔ ɔ́ kpán nǔ e yě wa ɔ́ kpán ɖéjan jí à. Jwifúnu ɔ́ sín toxo e è nɔ ylɔ́ ɖɔ Alimatée e mɛ nú wɛ. Bɔ é lɔmɔ̌ ɖo te nɔ kpɔ́n axɔ́súɖuto Mawu tɔn we.
52
Nya nɛ́ ɔ́ yí mɔ Pilátu bó byɔ́ ɛ Jezu sín kyɔ.
53
É ɖe Jezu sín aklúzu ɔ́ jí bó bú akwɛ́núvɔ dó kyɔ tɔn lobó sɔ́ ɛ yi ɖi dó yɔdo e è kun dó sóxo mɛ ɔ́ mɛ, yɔdo nɛ́ ɔ́ è ko ɖi mɛ ɖěbǔ d'é mɛ kpɔ́n à.
54
Gbe nɛ́ ɔ́ gbe ɔ́, axɔ́súzán gbe wɛ bɔ gbɔjɛzán ɔ́ ko ɖo ná bɛ́ wɛ.
55
Nyɔ̌nu e kplá Jezu sín Galilée ɔ́ yě xwedó Jozɛ́fu, bó kpɔ́n yɔdo ɔ́ mɛ bó mɔ unté e è sɔ́ Jezu sín kyɔ ɖó ɖ'émɛ e,
56
bó lɛ́ kɔ wa yi xwé, bó yi ba nǔsáwǔ wǎnɖagbenɔ kpán celu kpán ɖ'alɔ jí. Yě gbɔjɛ gbɔjɛzán gbe ɔ́ unté e sɛ́n ɔ́ zɔn gbɛn é.