======= ¹ Mɛvɛnavɛna ce Teofílu! Nǔ e Jezu bɛ wiwa ɔ kpan nǔ e é kplɔn mɛ ɔ có kpan sín xó wɛ un ɖɔ̀ dó wéma ce nukɔn tɔn ɔ mɛ, ² kaka yì jɛ̀ gbe e gbe Mawu sɔ́ Jezuyì cǐxwé ɔ. Cóboni nǔ enɛ ɔ yě na wá ɔ, é kplɔ́n nǔ mɛsɛ́dó e kyan ɔ yě gbɔn yɛsínsɛn jí. ³ Mɛsɛ́dó ɔ yě wɛ Jezu sɔ́ hbɛɖè eɖee tɔn xlɛ́ ɖo yajiji kpan kú tɔn kpan gudo, bó ɖexlɛ́ yě gbɔn ali kěgé nu nú asǎn kanɖé ɖɔ émì ɖò gbɛ̀, bó ɖɔxó nú yě dó axɔsúɖuto Mawu tɔn ji. >>>>>>> 91ac977f37dc3f48b5e78853d7f8666c932eba6e ⁴ Hwenu e Jezu kpoɖo kpɔ́ xá yě ɔ, é byɔ yě ɖɔ yě ní ma nɔ zɔ̀ dó Jeluzalɛmutò ɔ ó, yě ni nɔte kpɔ́n akpàgbe Mawu tɔ́ ɔ tɔn " é xó è ɖɔ ni mi ɖ'ayǐ ɔ ": ⁵ Jǎan ɔ, sìn sín yɛhwesin wɛ é lɛ ni mɛ, loɔ, asǎn yɔywɛ ɖe mɛ dín ɔ, yɛsisɛn sín yɛhwesin w'ɛna lɛ ni mi. >>>>>>> 91ac977f37dc3f48b5e78853d7f8666c932eba6e ⁶ Ɖee yě,yě kanbyɔ ɛ ɖɔ: Aklunɔ, hwenɛnu wɛ o na lɛvɔ axɔsuɖuɖu Izlayɛli tɔn sɔ́ d'alɔmɛ n'i ǎ ? ⁷ É ka yí gbe ní yě ɖɔ: Hwe e nu wɛ ɔ, kpan gàn e mɛ wɛ ɔ kpan sín xó kàn mi ǎ, Mawu tɔ́ ɔ ɖesu wɛ ɖó hwenu ɔ gbɔn acɛkpikpa tɔn mɛ. ⁸ Amɔ̌ mi na mɔ hlɔ́nhlɔ́n ɖe yí, yɛsinsɛn na jɛte wa mi ji bɔ mi na nyí kunnuɖetɔ ce ɖò Jeluzalɛmu, ɖo Judée kan ɔ có mɛ, ɖo Samali, kaka yì fie ayǐkungban ɔ kponu dó ɔ. ⁹ Ée Jezu ɖɔ xó enɛ ɔ yě ni yě ɔ, é jɛ cǐ yì jí bɔ yě ɖo kpunkpɔn ɛ we kaka bɔ akpɔ́kpɔ́ ɖé wa bu i do yě. ¹⁰ Finɛ wɛ yě ɖè bo ɖo jinukunsu kpɔ́n sɛdó we hwenu e Jezu ɖo yìyì we ɔ bɔ eɖie,nyà owe ɖee dó awugà wewé bo wa xwétɔn ɖo nukɔn yětɔn, ¹¹ bo ɖɔ : " Galiléenu èmi ! Aniwutu mi ɖote bo ɖo cǐxwé kpɔn we ? " Jezu e è sɔ́ yì cǐxwé sín mi tetin ɔ, alɔkpa ɖokpo e mi mɔ ɛ yì cǐxwé gbɔn ɔ jɛ́n mi na lɛ mɔ ɛ gosin cǐxwé wá mi tetin gbɔn. ¹² Enɛ ɔ, yě lɛkɔ sín só e è nɔ ylɔ ɖɔ Olivutinsó b'ɛ ma lín dó Jeluzalɛmu, bo ɖo sabazan sín alizɔnjlɛ ɖokpo dó Jeluzalɛmu ɔ. ¹³ Ee yě wa ɔ, yě xá síngbó ɔ ji agà, bó byɔ xɔ̀ e mɛ yě kó nɔ́ nɔ ɖ'ayǐ ɔ mɛ; yě mɛ enɛ ɔ yě wɛ nyí Piyɛɛ, Jǎan, Jaki, Andle, Filipu, Batelemi, Tɔmaa, Matie, Jaki Alufevi ɔ, Simɔ́ɔ hunjɛdótojitɔ́ ɔ kpan Judi, Jakivi ɔ kpan. ¹⁴ Yě mɛ có ɖó gbe kpɔ bo ɖo yɛhwe xa we, yě kpan nyɔ̌nu ɔ yě kpan, bɔ Mali, Jezu sín nɔ ɔ kpan Jezu sín nɔvi ɔ yě kpan. ¹⁵ Asǎn enɛ lɛ gbe ɔ, gbɛtɔ kàntɔ̀n mɔ̌ wɛ kple bɔ Piyɛɛ site ɖo tetin yě mɛ nɔvi enɛ ɔ yě tɔn bo ɖɔ: ¹⁶ Nɔvi cé emi ! É ka ɖo dandan mɛ bɔ nǔ e yɛmimɛ ɔ ɖɔ ɖ'ayǐ ɖò nǔhwlan hwlan ɔ mɛ,nu mɛ dó Juda e nɔ nukɔn b'ɛ̀ wlǐ Jezu ɔ ji ɔ ní myí cicɛ. ¹⁷ È xa ɛ dó mǐ mɛ ɖ'ayi bɔ éɖesu w'asɔ̌ ɖokpo ɔ xa mǐ, bo nɔ yí asɔ̌ tɔn sín ajɔ̀ ɖò devizɔ ɔ mɛ. ¹⁸ Ée nya enɛ ɔ, é sɔ́ nǔ é dosín ɔ sín akwɛ, bo xɔ́ gle ɖokpo ɔ, é j'ayi bó sɔ́ ta dò, bo wu dɔ̌ ɖo tetín bɔ dɔvitɔn ɔ yě fúnfún. ¹⁹ Jeluzalɛmuto ɔ có se nǔ e jɔ ɔ b'ɛ̀ ylɔ gle enɛ dó gbe yětɔn mɛ ɖɔ Akɛldama, tinmɛ tɔn nyí kanjɔgle. ²⁰ Loɔ è hwlan ɖò hanjiwéma mɛ ɖɔ glè tɔn ni gbà,boni mɛ ɖějan ma nɔ mɛ́ ó, loɔ mɛɖevo ni yí asɔ tɔn bo wa. ²¹ É ɖo dandanmɛ bɔ mɛ é xwedo mǐ hwe cónu, hwenu e Jezu ɖo gbɛ ɔ, ²² bɛsín Jǎan yɛhwésínlɛnimɛtɔ ɔ ji kaka wa hwenu e Jezu gosín mǐ mɛ yì cǐxwé dó ɔ, ɖɔ è ni kyan mɛ ɖokpo gɔ ni mǐ ɖì kunnuɖetɔ fɔnsínkú Jezu tɔn. ²³ Yě sɔ mɛ we ɖote: Josɛfu ényí Basabasi b'ɛ nɔ lɛ ylɔ ɖɔ Jusitwusi ɔ kpan Matiasi kpan. ²⁴ Bɔ yě xa yɛhwe é yɔ: Aklunɔ, éhí mɛ é tunwun ayixa mɛ có tɔn ɔ, ɖè mɛ unkpo ɖo mɛ owe enɛ ɔ yě mɛ ni mǐ, ²⁵ bonǐ é na ɖ'alɔ ɖo devizɔ kpan mɛsɛdozɔ é yɔ é Judaa jodo bo yì étɛ enyí é tɔn ɔ mɛ é mɛ. ²⁶ Yě wa d'akɔ b'ɛ sɔ́ Mtiasi bɔ yě sɔ ɛ gɔ́ ní mɛsɛdo woɖokpo ɖě ɔ yě.