¹ Pantekótu sín xwezán gbe wá sún bɔ nǔɖitɔ́ ɔ́ yě có kplé ɖó fí unkpó. ² Ajijimɛ ɔ́, zǐngídi ɖé gosín cǐxwé ɖi jɔhɔn ɖaxó ɖé wɛ ɖo nyinyi we nɔhun, bó kpé xwé e gbe yě ɖe có xwíi. ³ Bɔ yě mɔ nǔ zoɖɛ́ nɔhun wa má yěɖée ɖó unkpó unkpó yětɔn un ta. ⁴ Yɛsinsɛn gɔ́ ayi ní yě bɔ yě jɛ gbè wúnmɛ wúnmɛ dó jí, unté e Yɛsinsɛn na mɛ unkpó unkpó gbɔn ɔ́. ⁵ Hwenɛ́nu ɔ́, Jwifu ɖé ɔ́ yě tíin bó sǎxwé ɖó Jeluzalɛ́mu, bó nyi gbɛtɔ́ ayi mímɛ́ nɔ, bó gosín to akɔta e ɖo ayǐkungban jí ɔ́ có xwíi tɔn mɛ. Ée zǐngídi ɔ́ jɛ gbe ɖi jí ɔ́, ahwan gěgé wa kplé bɔ nǔ có ⁶ wlú dó yě, ɖó yě se mɛ ɔ́ yě ɖo nǔ dó gbe yětɔn ɖésú mɛ we. ⁷ Nǔ nɛ́ ɔ́ nyi nǔ bó kpácá yě, bó hún xomɛ ní yě. Bɔ yě nɔ ɖɔ: "Yě mɛ ɔ́ e ɖo xó ɖɔ we yě ɔ́, Galiléenu wɛ yě có ka nyi á cé ⁸ Nɛ̌ ka gbɛn bɔ unkpó unkpó mǐtɔn nɔ́ se xó e ɖɔ wɛ yě ɖe ɔ́ dó mǐtɔn mǐtɔn mɛ? ⁹ Gbɛtɔ́ ɖo mǐ mɛ bó gosín Pɛ́ɛsi, Mɛdɛ́si, kpán Elamiti to kpán mɛ, bɔ mɛ e gosín Mɛsopotamíi, Judée, Kapadɔ́si, Pɔ́ɔn kpán Azíi to kpán mɛ ɔ́ yě e. ¹⁰ Mɛ ɖe ɔ́ yě gosín Flijíi, Panfilíi, Ejíputi kpán Libíi to kpán mɛ ɖo Silenɛ́ɛ kpá; Hlɔ̌manu ɔ́ yě ka ɖo mǐ mɛ. ¹¹ Jwifu ɔ́ yě kpán mɛ e wa byɔ́ sinsɛn yěyɔn mɛ ɔ́ yě kpán; Klɛ́tinu ɔ́ yě ɖo fí, kpan Aabíinu ɔ́ yě kpán có mǐ có ɖo sise we, bɔ yě nɔ́ ɖo asɔ̌ ɖagbe ɖagbe e Mawu wa ɔ́ yě sín xó ɖɔ we dó g bè mǐtɔn mǐtɔn mɛ." ¹² É kpácá yě có, bɔ yě sɔ́ tunwun nǔ e yě ná ɖɔ ɔ́ à, bó gbɔ bonɔ́ kanbyɔ́ axa yeɖée ɖɔ: "Ani lɔkpa ka ɖíe?" ¹³ Lo ɔ́, mɛ ɖ'yɔ́ yě ɖo yě mɛ bonɔ́ ɖo slǎmɛ ɖɔ mɛsɛ́dó ɔ́ yě wú we ɖɔ jí: "Vǐwún han wɛ yě nu gɔ́ xo." ¹⁴ Amǎ, Piyɛ́ɛ ka sí te, bó sɔ́ gbè yi jǐ kpán hǎgbɛ́ tɔn wǒ-unkpó ɔ́ yě kpán bó ɖɔ ní mɛ ɔ́ yě ɖɔ: "Mi Judéenu ɔ́ yě kpán mi mɛ e ɖo Jeluzalɛ́mu ɔ́ có xwíi, mi ní tunwun nǔ éyɔ́, bó lɛ́ ɖótó xó e dɔ gbé un ja ɔ́ yě ganjí. ¹⁵ Mɛ éyɔ́ yě nu ahan mú unté e mi vɛdó ɔ à, ɖó gan tɛ́nnɛ zǎnzǎn tɔn jɛ́n ɖíe ɖo xixo wɛ e. ¹⁶ Lo ɔ́, nǔ e Nǔɖoɖ'ayǐtɔ́ Mawu tɔn Jowɛ́li ko ɖɔ ɔ́ wɛ ɖo jijɛ e; é wɛ nyí ɖɔ: ¹⁷ 'Mawu ɖɔ: ɖo ašn gúdo gúdo tɔn ɔ́ yě gbe ɔ́, un ná gba Yɛ ce kɔn nyi mɛ có xwíi jí, fǐ mitɔn ɔ́ yě, súnnu kpán nyɔ̌nu kpán ná nɔ́ ɖɔ Mawuxó, tɔ̌nkpɛví mitɔn ɔ́ yě ná nɔ́ mɔ nǔ, bɔ Mawu ná nɔ́ xo tlɔ̌ mɛxomɔ mitɔn ɔ́ yě. ¹⁸ Mɔ̌ unkpó ɔ́, ɖo asǎn nɛ́ ɔ́ yě mɛ ɔ́, un ná gba Yɛ ce kɔn nyi mɛsɛntɔ́ ce súnnu kpán nyɔ̌nu kpán jí, bɔ yě ná ɖɔ ɖɔɖ'ayǐ. ¹⁹ Un ná ɖe nǔjíwǔ xlɛ́ ɖo cǐnukúnsin aga boná ɖe nǔjlɛ́jlɛ́ xlɛ́ ɖo do, ɖo ayǐkúngban jí, kanjɔ, zo, myɔ́, azizɔ ɖaxó́ kpán ná tíin. ²⁰ Hwesivɔ́ ná húzú sǐnflú, bɔ sun ná myá kanjɔ nɔhun, cóbɔ Aklúnɔ sín asǎn ɔ́, azǎn ɖaxó susunɔ nɛ́ ɔ́ ná wa. ²¹ Hwenɛ́nu ɔ́, mɛ ɖěbǔ e ná ylɔ́ Aklúnɔ sín nyǐkɔ ɔ́ ná mɔ hwlɛ́ngán." ²² Izlayɛ́li fí e mi. Mi ɖótó te bó se xó éyɔ́ yě: Jezu Nazalɛ́tinu ɔ́, nya ɖé wɛ é nyí bɔ Mawu ɖe hlɔ̌nhlɔ́n tɔn mi, gbɔn nǔjíwǔ, nǔ ɖaxó ɖaxó, kpán wuntun e Mawu jlɛ́ gbɔn jǐ tɔn ɖo mǐ tɛ́ntin , bɔ mi ɖésú tunwun ɔ́ yě kpán gbla mɛ. ²³ Unté e Mawu ɖésúnɔ kó jló bó ká vɔ́ to gbɛn ɔ́, è jó Jezu nyi sɛ́ngán ɔ́ yě lɔmɛ, bɔ yě k'ɛ́ nyi aklúzu jí,bó hu i; ²⁴ lo ɔ́, Mawu ka fɔ́n ɛ sín kú; é hwlɛ́n ɛ sín kúgan mɛ; ɖó kú sín hlɔ̌nhlɔ́n sixú hɛn ɛ ɖó te à. ²⁵ Davídi ka ko ɖɔ xó dó wǔ tɔn ɖɔ jí: "Un nɔ́ mɔ́ Aklúnɔ hwecónu ɖo nukɔn ce, ɖó é ɖo ɖisí ce xwé bonú nǔɖé ní ma gb'ayi dó nú mì ó. ²⁶ Énɛ́ wú wɛ ayixa có xwíi gɔ́ ní nyɔ̌ná bɔ un nɔ́ ɖɔ xó kpán awǎjijɛ kpán. Agbaza ce ná bo ɖo yɔdo mɛ ɔ, é ná vo ɖo jiɖiɖe mɛ. ²⁷ Ɖó o ná jó lǐndɔ̌nce dó nyi kútomɛ à, o ka ná ní mɛ mímɛ́ tuwe ná gble à. ²⁸ O ɖe gbɛli ɔ́ yě xlɛ́ mì, lobɔ kpɔ́nɔxámɛ tuwe nɔ́ dó xomɛhunhun ní mì." ²⁹ Nɔví ce ɔ́ yě mi, mi gbɔ ní ma ɖɔ tɔgbó mǐtɔn Davídi sín xó ní mi kpán awǎjíjɛ́ kpán: "É kú b'ɛ ɖi i, bɔ yɔsa tɔn kpo ɖo te káká jɛ éhɔnmɛ ɖo mǐ tɛ́ntin. ³⁰ Lo ɔ́, dɔɖ'ayǐtɔ́ Mawu tɔn wɛ é nyí, bó ka tunwun ɖɔ Mawu dó akpá bó xwlé nǔ d'é jí ní émí ɖɔ émí ná wá sɔ̌ fǐvú émítɔn unkpó ɖo axɔ́súzinví émítɔn jí. É ɖɔ dó fɔ́n sín kú Klísu tɔn wú ɖɔ ná: "È ná jó Jezu dó ³¹ nyi zomɛ à, nǔ ɖě ka ná hɛn agbaza tɔn gble à." ³² Jezu nɛ́ ɔ́, Mawu sɔ́ ɛ yi jǐxwé bɔ mi mɛ có mɔ bo nyi kúnnuɖetɔ́ na. ³³ Bɔ din e Jezu yi jǐxwé bó jínjɔ́n ɖisíxwé n'i Mawu ɔ́, Mawu daá tɔn sɔ́ Yɛsinsɛn e sín akpá é dó ní mǐ ɔ́ n'i, b'ɛ́ gba kɔn nyi mǐ jí; nǔ e mɔ we mi ɖe bó ɖo sise we din ɔ́ nɛ́. ³⁴ Ɖó Davídi yi J̌xwé ɖě á; é ɖésú ka ɖɔ: "Aklúnɔ ɖɔ ní Aklúnɔ ce ɖɔ: Jǐjɔ́n ɖisí ce xwé, ³⁵ Káká ní ma sɔ́ kɛntɔ́ tuwé ɔ́ yě dó bló afɔɖótɛn tuwe." ³⁶ "Izlayɛ́li fǐ ɔ́ yě có xwíi ní bó tunwun ganjí ɖɔ Jezu nɛ́ e mi ká nyi Aklúzu jí ɔ́ wɛ Mawu sɔ́ Aklúnɔ , bó lɛ́ sɔ́ ɛ Klísu." ³⁷ Ée yě se xó nɛ́ ɔ́ yě ɔ́, é hɛn hǔn ní yě bɔ yě kanby'axa Piyɛ́ɛ kpán mɛ́dó ɔ́ yě kpán ɖɔ: "Nɔvi ce émi, ani mǐ ka ɖoná bló? " ³⁸ Bɔ Piyɛ́ɛka yí gbe ní yě ɖɔ: "Mǐ vɔ jɔ́ bó lɛ́ kɔ qsín hwɛ mǐtɔn ɔ́ yě gudó, boní unkpó unkpó mǐtɔn ní lɛ yɛhwesin ɖo Jezu Klísu wsín nyǐkɔ mɛ bɔ Mawu ná sɔ́ mǐtɔn ɔ́ yě kɛ mi, boní mǐ ná mɔ Yɛsinsɛn e nyí nǔníná Mawu tɔn ɔ́ yí. ³⁹ Ɖó mi kpán fǐ mitɔn yě kpán wɛ Mawu dó akpá tɔn ná, káká yi jɛ mɛ e ɖo zɔga ɔ́ yě có xwíi , mɛ e Aklúnɔ Mawu mǐtɔn ná ylɔ́ wá é ɖésú gɔ́n ɔ́ yě." ⁴⁰ Piyɛ́ɛ ka lɛ́ ɖɔ xó gěgé ɖěvo ɔ́ yě ní yě, boná dó dɔn yě wá Mawu li jí bó vɔ́ dó na akɔ́nkpinkpan yě. É ɖɔ ní yě ɖɔ: Mi hwlɛ́n miɖée sín kúnkan baɖabaɖa din tɔn éyɔ́ ɔ́ mɛ." ⁴¹ Mɛ e ɖótó Piyɛ́ɛ sín xó ɔ́ yě gěgé lɛ yɛhwesin, bɔ gbe nɛ́ ɔ́ gbe unkpó ɔ́, lǐndɔ̌n mɛ libla yi afɔwó afatɔ́n (3.000) mɔ̌ jɛ ahwanví ɔ́ yě jí. ⁴² Yě nɔ́ kan dó mɛsɛ́dó ɔ́ yě sín nǔkplɔ́nmɛ kpán kpɔ́ninɔ ɖo nɔfí mɛ kpán wú, bonɔ́ vɔ́ ɖo kan dó kɔnɖókpɔ́núɖuɖu ɔ́ kpán ɖɛxixo kpán wú. ⁴³ Unkpó unkpó yětɔn ɖo xɛsi ɖi ní Mawu we bɔ nǔjíwǔ kpán nǔdábaɖa gěgé kpán nɔ ɖo jijɛ we gbɔn mɛsɛ́dó ɔ́ yě jí. ⁴⁴ Yě mɛ e ɖi nǔ có xwíi nɔ́ nɔ kpɔ́ bɔ nɔ́ kplé nǔ yětɔn ɔ́ yě có xwíi ɖo kpɔ́ ⁴⁵ Yě nɔ́ sa nǔ yětɔn ɔ́ yě bonɔ́ má kwɛ́ tɔn ɖo yěɖée tɛ́ntin unté e nǔ tɔn hu dó mɛ unkpó unkpó gbɛn ɔ́. ⁴⁶ Ayǐhɔ́ngbe ayǐhɔ́ngbe ɔ́, yě nɔ́ yi kplé ɖo sinsɛnxɔ mɛ, bɔ yě nɔ́ ɖu nǔ ɖó kpɔ́gbɔn xwé yětɔn ɔ́ yě gbe kpán awǎjíjɛ, ayi ɖo kpɔ́, kpán mɛɖée ze hwe kpán. ⁴⁷ Yě nɔ́ ɖo Mawu sɛn bɔ mɛ có xwíi yí wǎn ní yě. Ayǐhɔ́ngbe ayǐhɔ́ngbe ɔ́, Aklǔnɔ ɔ́ ka nɔ́ dɔn mɛ e é hwlɛ́n gán ɔ́ yě wá gɔ́ ní yě.