1
Islael jab nba taan lieb Mispa yuo nba k b pol mɔb k yet a : T sua kan jii u bonpuok k tul Bejami nilɔ k wun kuani.
2
k niib na baal Betel k saan kal yennu tuann k mɔ k yikn, kininsiit bonciann nyi
3
k yien a, yennu nba tie tinm Israel tieb yonmdaanɔ, bie tien k linbana tumi? Bie tien k buolyenn kaa Israel tieb sunsuuk ni ninna nba na?
4
K l yent sanyiɔk ni, k niib na maa malunŋ binbitl lenŋ, k jii mujuonu piini nan weinanlieb piini k tul yennu,
5
Iislael naakulanŋ poe k cet kaagbenn, ŋaan sua t daan pol nain wunba k cet kaagbennu mispa l tie bin kpiu.
6
k ninbaauk ji suol Israel tieb, b ninjanm Bejamin buolu paak, k b yet a dinna, buol yenn kaa Israel tieb sunsuuk ni.
7
T saa tien nle k lon puob k tul t ninjanm Benjamin buolu nba bial na? T ponŋ pol k kat k tul kaagbennu nan t kan tul'b t bonpoi k bin kuani.
8
k be yet a : Naakulanne tie Israel tieb ŋaan Cet kaagbennu buol Mispa na? K b got k. la nan Jabes Naa kuuk nba be Galaad na k pukn b po.
9
K b kan niib na, k yiin b sana k saa k gbat k sua tuon Jales Naakuuk ni.
10
K b kul taan k tun jab nba tie paldanm, tusaa piik nan ŋanle, k bet'b a, ii saa man k kpi wunba kul be Jabes duo ni, Galaat yent ni, k kpi l puob nan waas.
11
Gotl yaa saa tien linba: I kpi jab kul nan puob nba kul ban dua nan jab.
12
k b saan Jabes k la puob nba tie puomuna kk ban dua nan jua, kb tie kobii ŋanna k jiib k baal nanm b kaany nba be siilo kanaan tinŋ ni na.
13
K Israel niib na kul tun tuomi, kb saan Benjamin jab nba be Rimmon tanpiiuk buol na nan kunkɔmann, k yet'l nan kɔnn ji kaa b sunsuuk ni
14
L yuo na k Benjamin jab na jen Israel tieb buol, k b jii puonuna nba k b daan nyik'b, k nyii nanm Jabes duo ni, Galaad yent ni na, k tul'b, k b kuan, ŋaan puob din k janŋ jab nba tie bianŋnba.
15
Ninbaauk din suol Israel tieb na, Benjamin buol paak, kmaan kaagbennu din te k buolyenn kaa b sunsuuk ni,
16
k niib na saakab na yet a : Benjamin puob nba kpo k gbenn na t saa tien nle k la puob k tul jab nba bial na?
17
k b yet a : Sie k siab tenn Benjamin buolu ni. ŋanne kan te k naakusiaɔk n tan buont Iislael tieb ni.
18
T mun bia kan fit jii t bon poi k tul'b k bin kuani, kmaan tinm Iislae tieb pol kat nan biak be daanɔ nba jii u bon puok k tul Benjamin nulɔ k u kuan paak.
19
k b yet a : Gotlii, binn kul, kaagbennu joanm nba k b sil na baate daa na ni, sil be Betel niigan poe; k be sɔnu nba nyi Betel k saa dichem yondo po na; k bia be Lebona niidiitu po na.
20
K b tul yiikuo Benjamin jab a : saant man k bɔl daan tilontii kpaant ni
21
kii guu. Yuo nba k silo sapaanm tan saa nyi a bin waa waak jaam na ni, yin laat kpaant na ni, k sua kul n suol sapaanmua k mabɔ, k cial saanuua yinm Benjamin tieb yent ni.
22
k lii tie k b baanba, kuo b ninjanm baal k boi, t saa be'b a: Dimin suklu k te bin kuanm, k maan tɔb nba faat na t k la puob k tul'bi, k i mun bia k mɔk biit, k maan i jii i bonpoi k tulb k biil i mɔpol na.
23
Benjamin jab nba din tume na; silo sapaam nba waa waak yuo nba, k sua kul suol sapaamɔ k dial nan'ɔ, k ŋmat kun b dantinŋ ni, k saa maa b doi k kal l ni.
24
L yuo manŋe k Iislael jab kul fiil lenŋ, k sua kul kun ubuolu tinŋ ni,m nan u baa ŋaaniib nba be sian, nan u faal nba be siaminba.
25
Bat sua din kaa iislael tinŋ ni l yuo manŋi, k sua kul tuun waa luon bianŋ nba.