¹ Islael waas din nyii, Laa jii dan k saa tuu Belceba nan Galaad duo ni, k toan lieb k wuol moyenn Kaagbennu nunŋ ni Mitsapaa duo ni. ² Islael tieb Saakab nan islael naakuut kul din be ynnu buolu taan manŋ ni ib din tie kɔnkɔnna tuta kobi ŋanna. ³ ŋaan k bensa min yaabuona na gbat nan Islael waas duo Mitispa. Islael waas bo maat; yanbɔntuonbuolu na nyi le? ⁴ ŋanne k levit jua, Puo. nba k b bo kpiiu ne sɔlɔ gaal maan k yeta: na daan baal nan n ŋaabuobike bensamin duo guiba, nyiɔk a man dual. ⁵ K guiba duo n tieb fiil n paak, k nyiɔk munn, k b kaan lint ŋaak nba k bo be. b daan luon bin kpinme, k mabin n ŋaabuo k dual nanɔ, k u kpo. ⁶ n jii n ŋaaPuobik gbanant, k pot bula-bula, k tol Islael waas nba be siannba kul; k maan b tun yanbɔn tuonbiuk, k bɔkt Islael ⁷ I taan i kul e ne, Islael waas; lan i lieb man k suol suolu. ⁸ K b buolu kul fiil nan moyenn, k yeta: t ninŋ na sua kan kua u lanbonŋ ni, sua bia kan ŋmat kun u ŋaapo. ⁹ mɔtaana taa saa tun linba e na guilba tinŋ ni: t jiinm ba tun Linba na liele. ¹⁰ Islael naakuuk kul ni t saa nyinn jab Piik kobk paak, kobk tutl paak; tutl tuta piik paak, bun kpaan bon dikal k tul niib, bii jen yoo nba tin tun ben saa min duo guibaa nan waa tun nnataan Paatuk tuonnnba Islael tieb na. ¹¹ ŋanne k Islael teeb kul taan k suol mo yenn nan bin kon nan l duo. ¹² Islael naakuut jitun niib bensamin buolu kul ninŋ a bin maat : yanbɔntuon buol be tun i buol na? ¹³ Wannt mɔtane wabiati nba be guibea ne, k tin kpib, k fit nyinn yubɔnm Islael wass sun suuk ni. ŋaan ¹⁴ bensamin yaabuona ne din k Luon bin g biint b ninjanm Islael waasi. bensamin uaabuona nyii b dogbana ni ktaan leeb guibea, a bin kɔn nan Islael waas. ¹⁵ l daal b kan bensamin yaabuona nba nyii b doi ni k baal na, kb tie jab tutaa Piile nan ŋanluob, k ban kɔnn, k guibea kunkɔnbiati Piinlole nbak gannb na daa k Pukin. ¹⁶ l nibul kul ni din mɔk kunkɔnbiati kobi ŋanlole, k b kul tie gan mi; bi yaa kul bo saa fit jii tann k pɔbin naaluobl ni, ŋaan luul yuukobuk k kan nɔtɔ. ¹⁷ k b maun bia kan Islael jab, kk pukin bensamin yaabuona, k la k b tie kin kɔn na tuta kobi ŋanna, k fit kunkɔn buolu kul. ¹⁸ K Islael waas fiil k duo Betael, k boi yennu a : naakulɔny ni niibe saa do sinsinn k faa tɔb nan ben samin yaabuonaa? k kaagbennu jiin: suuda naakuuk ni niibe saa do sinsinn. ¹⁹ Sinŋafaal, k islael waas paan sanjok k baal set guibea kpinŋ. ²⁰ Islael kunkɔnkɔnna ji bo naki e a bin kɔn nan bensamin yab na, k b ji set kuon kuon k ji guub guibea. ²¹ K bensamin yaabuona bo nyii guibea k duan Islael jab tutaa Piinle l daal. ²² Islael jab bo ŋanm Paan Pala, k bia bɔkt kuonn-kuonn k set sian nba k bi daan set cincinn daal na. ²³ k Islael waas ji duo kaagbennu tuann k bui kaa kaa nan daajuok ib din boyi kaa. gbennu a i n bia saa saan kɔn nan n ninja binsamin waasi? k kaagbennu jiina : Ii do man. ²⁴ fukl nunle daal k Islael waas som k naki bensamin yaabuona. ²⁵ l daal manŋ, k bensamin yaabuona nyii guebea kcetb k duan Islael waas ni, kunkɔnna tutaa Piik nan ŋannin. ²⁶ Islael waas kul nan l nibul kul din duo k baal betael; bji bo bekaagbennu tuanne k buii, k lol moii kaakaa nan daajuok, k bia tien muujuonu, nan nuPuok tulu malunŋ k tul kaagbennu. ²⁷ Islael waas bia bo ŋanm k boi kaagbennu, Siannba k yennu molel lakl bo be ne na, ²⁸ Kl bo tie fiine, Elesial bija, Aalon yaabuonn e bo sie l yuo yennu buol, kb maat i n bia saan kɔn nan n ninja, bensamin yaabuona na a mii, in suol n mɔnŋi? Kaagbennu jiin: Ii do man, k maan ŋonn n saa jiib k kubin ii nui ni. ²⁹ ŋanne k Islael bɔl k laa kɔn kɔnna k lint guibea. ³⁰ daa ŋantaa daal k Islael waas din duo a bin pikin bensamin yaabuo na, ba nakin guiboa k b set kuonn kuonn nan baa tu tie na ³¹ k bensamin yaabuona ji bo nyii k saa tuokb, ŋan yaan duo na. b bo cil k kpi Islael teeb nan laa tuu tie nae, betael nan guibea sɔnni Paak, b bo kpii Islael jab Piinta ³² bensamin yaabuona ji bo yiena : t yaan Paakbe na! ŋaan k Islael waas ne yienai ŋaant k t cial man, k bin belt k nyi doi ne ni sɔni Paak. ³³ Islael kɔnkɔnna kul ji be siet b set bua, k bo saan set Baal taa mal ; k Islael kɔnkɔnna kul ji be siet b set bua, k bo saan set Baal taa mal ; k Islael kɔnkɔnna nba bo laa ne ji laat k saan maale guibea. ³⁴ Sab tutaa Piik mba k b lukt Islael ni na ji bo pel guibea. k kɔnkɔnn mɔnn, ŋaan bensa min yaa buona bo k tamii nan tu on biiuk nba k b saa tun. ³⁵ Kaagbennu bote k Islael waas na paak bensamin yaabuona na, k ldaal Islael waas na bo kpi bensamin yaa buona ni. Kɔnkɔnna tuta Piinle nan ŋanŋmu, nan niib kobk. ³⁶ bensamin yaabuon din goli nan b Paak Islael jab nae, yuo nba k b din fulin k nyikt bensamin yial k duu baa din laa bin nba k guun guibea na paak. ³⁷ K niib nba din laa ne ji laat k kua guibea yiiama, k yent duo kul, k kpii duo kul nan juk banjayi. ³⁸ Islael jab din nak, nan bin nba din laa nae din saa don inunyubonŋ duo na ni. ³⁹ Islael jab din ŋmat funfula kɔnnui k bensamin yaabuona din taan kpiib nan jab piintaa, k ji din yieen a : t Paa kb nan sinsinn nae na. ⁴⁰ l yuo k munyubonŋ din cil do duo na ni. k bensamin yaabuona got b Puolpo; k la muu duo kul po, kl do san pa gbonŋ po. ⁴¹ K Islael jab na tunn b Paak; k bensamin yaabuona yan ŋmat, k maan ba nyuan bonbiil nba ji batb na paak. ⁴² b din tul Islael kɔnkɔnna kpin kpaale, k dial tɔkin tinkuonŋ sɔnu. ŋaan kb datayi na woyi b taaliat ni, kpi sɔnu na Paak, binba nui doyi ni na. ⁴³ b din paak binsamin tieb, k wei k dinm k saa nyann'b yuo nba kb yaa bin foyi, guibea tuann k be yendo po. ⁴⁴ kɔn kɔnna nba paal, busaa piik na ŋannii din kpo bensamin waas ni. ⁴⁵ binba din tul puol a bin cial k tɔkin tinkuonŋ po, k kua Ri mɔn jaul na, Islael kɔnkɔnna din kpii tuta ŋanmu sɔnu ni; ŋaan bia weib mɔmɔk nan guideom, k bia kpii tuta ŋanle. ⁴⁶ bensamin yaabuona nba din kpo l daal din tie kɔnkɔnna nba Paal, tuta Piinle nan tuta ŋanmu. ⁴⁷ Kɔnkɔnna kobiiŋanluob nba tul puol, k din cial tɔkin tinkuonŋ po, k saa kua rimon jual ni na, din kua lenŋ k janŋ ŋmaali ŋanna. ⁴⁸ Islael kɔnkɔnna din jen bensamin yaabuona buol k kpiib nan juk, la jii jab nba be duo ni nan l bonkobt, nan linba kul k b din la. b bia din juo digbana nba be kul muu.