¹ K Islael tieb bia ŋann tien linba k manŋ Kagbennu pal, k Kagbennu jiib tien b datai Filistin tieb nuu ni, k tan janŋ bin piina. ² Ja sua n na din be Tsolea duo ni, k tie Dan ŋaak ni nilua, ku sann yii Manoa. U ŋaapuo din tie kanmatile, k k mal. ³ K Kagbennu malaka dɔkit puo na paak, k yetua: Gotl, a tie kanmatile, k bia ka biki, a sa suol puol, k sa mal bonjak. ⁴ Mɔtana suot a mɔnŋ k, da nyun daamunŋ nan daapalin, k bia daa dii jiet nba k ŋan. ⁵ Kimn a sa suol puol k tan sa mal bonjak. A daa te k baalik do u yul paak, kiman bik na si tie yennu yɔe u naa puol niewa, k ŋɔe tan sa piin k fat Islael tieb Filistieb nuu ni. ⁶ K puo na saan yet u sɔlua, yennu nilua baal n buol, k naan nan yennu malaka na, ninnaunŋ na mɔk jaŋmaa suolu. N k boii w be Siamba k u mun k wanin u sann. ⁷ Ŋan u yete m: a tan sa suol puol, k tan sa maal bonjak, k mɔtana a daa nyun daamunŋ nan daapalin, k bia daa di jiet nba k ŋan, kiman bik na si tie yennu nilua u na puol niewa mɔmɔk nan u kunn daal. ⁸ Manoa tien yenmiati k tul Kagbennu a: Ah! n Yomdanu, yennu nilua nba k a tumua na n ŋanm bal t buol; k wann tinm linba k t si tie k tien bik nba k b sa malua na. ⁹ K yennu gbint Manoa mialu, k yennu malaka bia bal puo na buol. U din kal kpaab n na ninŋe, k Manoa u sɔlua din k be u buol. ¹⁰ U din tin k saan yian k saa waa l labamann u sɔlua, k yet a: Gotl, jua nba daan baal nbuol dasial na bia dɔkit n paak. ¹¹ Manoa fiil, k wei u ŋaapuo, k saan jua na buol, k yetua a: fiina daan paak nan puo na a? k u jiina a: l tie min na. ¹² K Manoa yet a: mɔtana, li tie k a mɔmaan gbien, sennu lanni poe k t sa cɔln k tul bik na, k u sa tunn be? ¹³ K Kagbennu malaka na jiin Manoa: puo na n suol u mɔnŋ nan linba kul k n yetua na. ¹⁴ U kan lenm linba tie tïluana bonn kul, u kan nyun daamunŋ nan daapalin, u bia kan dii jiet nba kul k ŋan; u sa cɔln senni nba kul k n pakua na. ^{16 15} K Manoa yet Kagbennu malaka na a: cabin tinm k tin guala, k kpii pejaakpaml k tula. /v 16 K Kagbennu malaka jiin Manoa a: li tie k a gualin, n kan di a jiet, ŋaan li tie k a luon muu juonu malunŋ, a tien tul Kagbennu. Manoa din k ban nan l tie Kagbennu malaka e. ¹⁷ K Manoa jii yeet Kagbennu malaka a: a sann na tie be k tin tan fiit dont a yuonba k a maan na tan baal gbienu? ¹⁸ K Kagbennu malaka jiinua a: be te ki a boin n sann ni? L tie bakt naoŋo sanne. ¹⁹ K Manoa jii bu panŋ nan pini, k mann malunŋ k tul Kagbennu tanpiuk paak. U din tuun yal lituk tuonn yuonba k Manoa nan u ŋaapuo goli na. ²⁰ Muunyiuk na nba din nyi malunŋ binbintl na paak k do sanpaapo na, k Kagbennu malaka na din tɔkin duo malunŋ muunyiuk nba din nyi binbintl na paak do na. Ba tuun n na yuonba, k Manoa nan u ŋaapuo ba fabin k jii b nuuni k kpo tinŋ ni. ²¹ K Kagbennu malaka na ji ki ban dɔkit Manoa nan u ŋaapuo. ²² L yuoe k Manoa ji din bann nan Kagbennu malaka e. K u yet u ŋaapuo a: T saa kpoula, kima t la yennu wa. ²³ K u ŋaapuo jiina a: li tie k yennu bo luon k tin kpo, u bo kan gaal muujuonu, piini nba k t tulua nan t ni na, u bo kan te k tin la l kula, u bia bo kan te k tin gbat maan nba na buolu mɔtana. ²⁴ Puo na din mal bonjak, k pul u sann Samson. Bik na din kpatl, k Kagbennu yet yetŋanm u paak. ²⁵ K Kagbennu foŋanm jii din piin k tuun naanɔa wa din be Masane, Dan na, k l be Tsolea nan Estaol sinsuuk ni.