¹ Eflayi mm jab tikl lieb, k fil san tamobdiitupo, k yet sefte n: Bia paak ke a san k kɔn nan ammɔnn waas ŋan kk pakt k t baal k tan na po? T luon k t juo a ŋaak nan fin kul muu. ² Seefte jinm ma: T k mɔk gabatu boncian, min nan n niib, k jin ammɔn waas poi yuo nba k n yiinni, i k two k faatin bii niini. ³ A monŋ la nan a k bal a tan sommin; n yiit n man fuol salke, k yeet tuok ammɔnn waas. K kaagbennu nyiann'b k tuul min. Bia paak e tien diina kiibia tuok k kɔn nan ni mii a i faan tab'bi? ⁴ Seefte tikl Galaat jab Kul, k kɔn nan Eflayimm. Galaat jab paak Eflayimm k man Eflayimm tieb yee na: yin m tie nan taa tinn'ɔ e flayimm buol! Galaat fuo Eflayimm sinsuuk nie, k bia fuo Manaasee sinsuuk ni! ⁵ Gallat san k ji guu Eflayimm suuldain bɔkl po. yuo nba Eflayimm nilɔ tin k yee na : ŋannt k man gal! Galaat niib boi'ɔ : A k tie Eflayimm nilɔ kaa? K u jii na : Aai. ⁶ K b yet'ɔ biak: Hei mɔnnii, yeti schibooleet. K u yet'a sibooleet, k man u jii kan fit pak fannu. ŋanni tien K Galaat jab suol'ɔ, k kɔt'ɔ suuldain bɔkl po manŋ. L yuo na k Eflayimm jab kpakin taab ni tuuta piina nan ŋanle. ⁷ Seefte tien balbuul'ɔ Islaael k sa janŋ binna ŋanlob; Galaat nilɔ seefte na kpo, k b piiu Galaat duo-yen ni ⁸ u puol po, Ibtsan nba nyi Betlehen m na tien balbuulɔ Islaael tinŋ ni. ⁹ K u ji mɔk waas piinta, k kuan buolgannu bonpoi piinta, k biakpan buolgannu bonpoi piinta k tul u waas. K tien balbuulɔ binna ŋanlole. ¹⁰ K ibtsan kpo, kb piiu Betlehenm. ¹¹ U puol pogk Elonn nba nyi Sabuulonn na tien balbuulɔ Islaael. U tien balbuulɔ Islaael k saa janŋ binna piik; ¹² k Elonn nba nyi sabulonn na kpo, k b piiu Ajalonn, Sabulonn duo ni. ¹³ U puol po, Abdonn, Illeel bik, wuu nbatie Pilatho niit na, tien balbuulɔ Islaael. ¹⁴ K u ji mɔk waas piinna nan Yaabuonna piinta, k b jakt boni pimlole. U tien balbuulɔ Islaael k sa janŋ binna ŋanniin; ¹⁵ K Abdonn, Illeel bik, wuu nba tie Pilathoniit, kpo, k b piiu Pilathon, Eflayimm duo ni, amalesiitnba juol paak.