¹ Kaagbenu yennu wann moyis u yiko k yaa: ² nyikn bin nba mal cincinn kul bin nba saa mal cincinn Isael tieb ni, li tie bonjak nan bonkobuk ni, tie n yal e. ³ Moyis yet u niib a: i tian man i yul ni daal nba k i bo nyii Ejibt, duo nba k bo tie doaba, ŋaan k Kaagbenu fat'i nan panŋ. I daa ŋman paanu nba k b tien nan datinŋ. ⁴ Dinna nba na, dikala ŋmaalk, k i saa nyi Ejibt. ⁵ Yenni nbak Kaagbenu saa te yin kua kaana tieb duo ni, itit tieb, amoltieb, Efeetieb nan ye buusi tieb, k bo puo'm yeni nba, k u maat i yaajaanm a u saa teb ting nba gbie nan naabiin nan siaat, l yuo i tuu tiat k mann malunŋ l ŋmaalk ni. ⁶ L daa ŋanlole daal, i sii di paani nba k b tien nan datinŋ, ŋaan daa ŋanlole puol po i saa tien jaam kii dont Kaagbenu yennu sann. ⁷ B sii di paanu nba k b tien nan daatinŋ k tan janŋ daa ŋanlole. Daa ŋanlole manŋ, b kan la i buol paana nba tien nan datinŋ ŋann i kaa datinŋ ting kul ni. ⁸ L daal manŋ, i saa wann i waat jaanm manŋ niin k yaa: l kul a ni tie k tiatl lin nba k Kaagbenu yenu tun k tul'n yuo nba k n bo nyii Ejibt. ⁹ L jaam sii tie lin nba tie dɔk i nii ninŋ k tie bia dɔk, i yugbia paak, k lin fit. K Kaagbenu yennu sennu ii tie bon nba k i kan mi tanm l po. K maan ŋua e nyinn i Ejipt nan panŋ. ¹⁰ I sii mann l malunŋ binn n tuu binn kul. Yuo nba k i senn. ¹¹ Yuo nba k Kaagbenu Yennu saa kuan' i kaana tieb duo ninŋ, nan waa ponŋ tuot puon'i, yinm nan yaajanm, nan u saa tul i. ¹² I saa tul'ɔ bija k nba k u mal cincinn nan i bonkobt nba k b mal'b cincinn tie u yal e. ¹³ Lin nba nyuan bani po, b waa cincinna, i saa fit ŋmat k daa'b nan pebik; lii tie ki k luon yin ŋmat daa'u, yin kɔnn u tulu. ŋaan i saa fit ŋmat daa bijab-cincinna i waat ni. ¹⁴ Yuo nba k i waat saa boi buboit k yaa: lin nba na want be ee? I saa jiin'm: Kaagbenu Yennu yiko nyinn't Ejibt taa bo tie daaba. ¹⁵ Nan Faalaaɔn nba yet wun nyik't tin nyi na k Kaagbenu kpii waat nba mal cincinna Ejibt. Waat nba mal cincinn bijabi nan bonkobt. L paak e tien k t mann malunŋ k tien Kaagbenu nan bonkob-cincinna nba mal ŋaan nyikt t waat nba mal cincinn. ¹⁶ Malunŋ sii tie dɔk k be i niipant ni k bia sii tie dɔk k be i yugbia paak, k maan Kaagbenu panŋ paak e k u nyinn't Ejibt. ¹⁷ Yuo nba Faalaaɔn cab Isael tieb, yannu k tuo cien'm sanjok nba tɔki Philiti tieb duo na ni. ŋaan k ŋann e tuok, k maan u din yet'a: li tie k t cet kɔnn, b saa fit k nyik sɔnu manŋ ŋaan k tunn Ejibt. ¹⁸ B saa fit k yet a t tɔkn paanpieunŋ, muat mɔkl k po. Isael tieb siet Ejibt k bobn fanu. ¹⁹ K Moise jii Joseph Kpaaba, k maan u bo maat Isael tieb a: Yennu kan nyik wun som't, i mun jii n Kpaaba. ²⁰ K Isael tieb saan Sokkoth k kal Etam k kpian plalaan paanpieunŋ. ²¹ Kaagbenu Yennu bo sonm nan'm be b liik sanpagbounŋ nba naan nan wunn na k want'b sonu, k nyiaɔk sanpagbounŋ nba naan nan muu na k yentl'b, l paak k b fit k sonm yennu nan nyiaɔk. ²² K sanpagbounŋ nba nan wunn na nan sanpagbounŋ tie nan muu be nan'm.