¹ K kangbennu yet Muoiis nan Aalɔn Ejipt duo ni a : ² ŋmaalik nba na e si tie ii bin ninŋ ŋmaa sinsinn . ³ Jiin senni nba k n tul isael niib kul a: ŋmaalik na dapiik daal ŋaak kul saa lon piok ; ⁴ Lii tie kii k yab ŋaank ni k kan fit ŋman piok na nant k gbenn , yin taan nan i ŋaakpiat k janŋ nan niib na nba janŋ bianŋ nba , niluo n lon piok nba saa janŋ nan b diinu. ⁵ Li saa agann piok ŋanni ka waab nba k mɔk biit , ŋaan l kpaa talas wuui tie bonjak k mɔk biin. ⁶ I sii kuu kaka nan daa piik nan ŋanna l mŋaalik ni : L daal manŋ , isael buolu kul saa kpi bonkobit manŋ nyiok. K i saa jii sɔn na k kal kal ŋei ni na ⁷ tanmɔkpienii ŋei nba kii saa mŋan pei nant na . ⁸ Ii saa pul nant manŋ k ŋman nyiok na nan paanu nba k tien datinŋ nan mɔtont. ⁹ Ii daa yak kuo k mŋan kaat ŋaan yii pul yul nan biaana nan nuakin nante . ¹⁰ Ii kan tenn jekpel . Lii tie k sial tenn ka ka nan wonn ,yin jii juo muu. ¹¹ Ii di yien yien k kakt fil set: gbana ii be i siati ni , taasaat i taani , patu ii nuuni . Ii tien yuklgal tialu jaam k tien min kangbenu Yennu niipuok. ¹² n saa lin l daal manŋ nyiok Ejipt duo ni k kpi mat cincina kul duo na ni niib nan bonkobt, ŋaan bu k biil Ejipt tingbana . Mina tie kangbennu yennu . ¹³ Sɔn nba be tammoi paak na tan si tie dɔko k want yaa be ŋei nba ni , k mii la sɔn na n saa yukl gal kii kan la danŋ yuo nba kin daal Ejipt yab tuba. ¹⁴ Paanu nba k b tie datinŋ ne bakɔi ni , i tuo jii daal mang k di jaam k lin tiiali kangbennu nba tun linba k tuli. Jaam manŋ tie sennu e k tuli benn kul yimm nan i yaabuona. ¹⁵ Ii saa ŋman paanu nba k b ktien datinŋ na k tan tuu daa ŋanlole . Dasinsin daal ii sa nyinn dating i ŋeini ŋaan lii tie k sua ŋman paanu nba mɔk datinŋ da sinsinn nan daa ŋanlole daal , u ji k pukin Isael buolu ni . ¹⁶ Da sinsin nan daa ŋanlole daal i tuo saa taan k jiantin . L daa ŋanle daa tuun sial. ¹⁷ Ii tuo diman paanu nba k tien datinŋ na kii tian ii buuolu gninu Ejipt duo ni . Ii tian l daal po man lii tie sennu k tuli binn kul yim nan ii yaabuona . ¹⁸ Sinsin ŋmaalik daa pik nan ŋanna daajuok i sii ŋman paanu nba k tien datinŋ k tan tuu daa piinle nan dayen daal daajuok . ¹⁹ Daa ŋanlole noik ni b kan la datinŋ i ŋeini . Nulua kul nba ŋman paanu ²⁰ nba mɔk datinŋ ,waa tie samua koo i ninjai e u j k pukin Isael buolu ni. I ji kii ŋman paanu nba k mɔk datinŋ i ŋei ni koo sianin nba kul kii be . I sii ŋman paanu nba k tien datinŋ e. ²¹ K Muoiis yiin Isael yuudaam kul k pakib a bikul n lon pejak koo bujak kpi k di yukl gal tialu jaam . ²² yin bia jii dufatlaii k sikin ŋmanŋ nba sie nan bɔnkobt sɔn na k lia lia sɔn manŋ ŋei tanmokpiani nan tonmoi yula paak . Sua daa nyi u ŋaak ni ka ka nan sannyiɔninŋ. ²³ Kangbennu yennu i lin Ejipt a wun kpi Ejipt tieb na u sa la sɔn na i tanmokpiani ni nan i tanmoii yula paak k kan te kuun malaka n kua i ŋei ni k kpii. ²⁴ Yinm nan ii yaabuona si dia n sennu na fanu. ²⁵ Ii saa gbien malun ŋ na yuo nba kii baal tinpuonkak nab k kangbennu Yennu puoni na ni . ²⁶ Yuo nba kii waat boi linba na paak , yin betib a l tie yukl gal tialu jaanm e k ²⁷ dont kangbennu yennu yuo nba k u daan yukl gal Isael tieb ŋei ŋaan kpii Ejipt tieb na. ²⁸ k isael tieb set k tun linba k kangbennu yennu din yet Muoiis nan Aalɔn na. ²⁹ Tansuuni k kangbennu yennu kpii Ejipt tieb ma sinsinna kul nba tie Bonjai, laa jii bijakpela k tan tuu wunba be dansalik ninŋ nan bonkobt kul ni mat sinsinna. ³⁰ L nyiok manŋ k Faalaɔn nan Ejipt tieb ting kul nijaana fiil , k kumɔni ji mɔ l kul po , k maan ŋaan din be k kuun k kpo lenŋ. ³¹ Tansuuni k Faalaɔn yiin Muoiis nan Aalɔn k yet'b a: ³² nyin man t tinŋ ni yinm nan Isael buolu k jiant kaagbennu yennu nan yaa daan boi bianŋinba na . Jiin man i bonkob saakala nan ii bonkob bit kii saa nan yaa daan yet bianŋinba na ŋaan yii mei yennu n po. ³³ k Isael tieb bel Isael tieb k b nyii b tinŋ ni yian yian k maan b yet a b kul saa kpo waa . ³⁴ K Isael tieb na jii b paanu yon maatl nba daa k tien datinŋ na nan b tiat paka k buk b bɔpiat paak. ³⁵ Nna e k Isael tieb manŋ tun nan Muoiis nba wan'b bianŋ nba k b boi Ejipt tieb likli nan nan tiat . ³⁶ Yennu e din te k Ejipt tieb na tien Isael tieb baakl k tul'b linba ku l k b boi na po . L din tie nna e k Isael tieb na yaay nan Ejipt tieb na mɔkint. ³⁷ k Isael tieb nyii k saan Raames k saan sukɔt. Jab din sii tie nan tusa kobii ŋanluob nae k somm taatinŋ k puob nan waat k pukin lenŋ. ³⁸ K nibulciɔnŋ din weib k pukkin bonkobt saakat nan bonkob bit. ³⁹ Nan Ejipt tieb nba din bel'b na b din nyii k dia paanu nba daa k tien datinŋ k b nyii nann Ejipt na e k pul k ŋman k maan b din k bobin paanu nba mɔk datinŋ po . ⁴⁰ Isael buolu din tien bina kobi ŋanna nan binna piinta e Ejipt tinŋ ni. ⁴¹ Bina kobii ŋanna nan piinta , yukl gal taulu daal k Isael buolu kul din nyii Ejipt tinŋ ni . ⁴² K kangbennu yennu din guulib nyniok k tan yent sannyiok ni k nyinn Isael buolu Ejipt tinŋ ni . K nyiok manŋ tie yennu yal e k Isael tie nan b yaabuonan tuu sii nyuan. ⁴³ K kangbennu yennu yet Muoiis nan Aalɔon a : gotl Sennu k jiin yukl gal tialu jaamm po : ii mi k samua nba be a ŋaak ni na n di l jiet . ⁴⁴ Daabl nba kii daa'u nan likli'i saa pot u punn e waa k wun fit pukin yukl gal tialu jaanm na ni. ⁴⁵ ŋaan wunba be ŋaak na ni nan tuontunnɔ nba gaan ŋmaapaɔk k pukin lenŋ. ⁴⁶ Ii saa ŋman pejak na nant diuuk ni e. Ii kan nyi nan l nanbul nanyel po . Ii bia kan yiel bonkobuk na kpabl. ⁴⁷ Isael buolu kul ii di yukl gal tialu jaamm e. ⁴⁸ Lii tie k saamua be a ŋaak ni k uon wun di yukl gal tialu jaamm kangbennu sann po, bonjaii nba be u ŋaak ni na saa pot b punna e waa k fit k di jaamm manŋ lii naan na Isael tieb na . ŋaan wunba k pot u punne k pukin jaamm ni. ⁴⁹ Senn buolu yenn kua sii be yinm Isael tieb nan saam nba be nani na. ⁵⁰ Isael tieb kul tuo linba k kangbennu wann Muoiis nan Aalɔn na. ⁵¹ L daal e k yennu nyinn Isael buolu Ejipt tinŋ ni nan sajem nba tɔkin fannu bianŋin ba na.