1 Suoas din mɔk bina ŋanlole e k tien kpanbal, k dia Selusaalenm bina piinna. U naa snn din yi Tsiibja, k nyi Biel sieba. 2 Suoas din tun lin nba ŋan Kaagbennu nunm ni,yuo nba k manntua Seuojada din be u manfuol ni na. 3 Seuojada kpaan puob banle k tul Suos, k mal bojai nan bonpoi. 4 Yuo nba gal Suoas la dudukt nan u saa ŋanm Kaagbennu ŋaak. 5 U tikl manntieb nan liefiitnba k yet'b a: Ii saa man Suuda duo ni kgaal likli Islaeltieb buol binn kul, k lin fit ŋanm Yennu ŋaak, i kakt man l paak. 6 Kpanbal yiin manntɔyudaanɔ seuojada k yet a: Biia paak a k ŋanm nyaant liefiinb nba be Suuda nan Seluusalenmtieb paak, k b baal nan lanpo nba k Kaagbennu tuontunnɔ muois din wann, k Islael niib nba tuu saa taanbianŋ nba, k ŋanm siala lanbounŋ na a? 7 k maa kangbatl Ataali nan u waas nyik Yennu ŋaak, ŋaan ŋmat k jiant Baal nan bonninant, Kaagbennu ŋaak ni. 8 L pkaak tien kpanbal, tkpaa lakl, k senn kaagbeennu k senn Kaagbennu tanmɔb buol, nan-yelpo. 9 puolpo k b ji muant yat nan Suuda nan Selusaalenm, a bin baal nan lanpo nba k Kaagbennu tuontunnɔ din wann Islaetieb paanpieunŋ ni, a bin tul Kaagbennu na. 10 L paak batnba nan duo ninŋ niib kul ji din mɔk palpienn, k ji baat baa bo saa pa bianŋ nba, k kpie lakl na ni. 11 Yuo nba j b ji tu jii lakl na k baal nan'n liefiitnba buol, a bin got lin nba be lenŋ, kpanbal sann ni na, l yuo bin nba goli Kpanbal ŋaak tuona paak, nan kpanbal kadadiala nan manntieb yudaanɔ likli ŋmant-tua,ji tuu nyinn l kul ; ŋaann b bia tuu jii lakl manŋ, k jiin l sinsetbuol, b tie nna e daakul, k laat likli bonciann. 12 Kpanbal Seuojada din tul bin nba goli Kaagbennu ŋaak tuona, k b tun tanjabltieb nan yɔkcuala nba saa ŋanm Kagbennu ŋaak kuutluula kuo kutŋanmtiebnba saa ŋanm Kaagbennu ŋaak. 13 Sua kul tun u tuonn fanu,k b ŋanm fanu nan laa luon bianŋ nba, k Yennunŋaak jen l bianŋ k mɔk fant. 14 yuo nba k b gbenn, k b jii likli nba tenn k baal nan'n kpanbal Seuojada buol; k b jii k tien Kaagbennu ŋaak bona, k l saa sonm nan tuona nan mujuonu malnt, nan kutsenni nan laka. Seuojada manfuol kul ni b mann mujuonu malnt, yuo kul Kagbennu ŋaak ni. 15 Seuojada din kpet bonciann e waa k tan kpo. U din kpenn k ji mɔk bina kobk nan bina piinta. 16 k b pii'u Dafiit duo ni ŋua nan kpanbala k maan u din boŋann k tul Islael, jii Yennu po k bia jiin u ŋaak po. 17 Seuojada kuun puolpo, Suuda batnba baal k gbaan kpanbal na nunm ni, k kpanbal ji gbiint'b. 18 L paak tien k b nyik Kaagbennu ŋaak, b baanba Yennu na, ŋaan ji ŋmat jiantl Astaltenba nan pata.Kaagbennu wutuol ji din duo Suuda nan Islaael paak, k maa b ji din tie l biit danm e. 19 L paak Kaagbennu tun b ni sɔkniinb, a bin jen nan'm u buol. ŋaan b k luon bin gbiint b wannu, k bia k sak'l. 20 Manntua Seuojada bija gbie nan Yennu siek. K ufiil set niib na buol k bia yet a: Yennu e piak na: Bia paak e k i yet yin cɔln Kaagbennu senni i? k pan yet cain k u mun bia saa nyik ni? 21 L k b ji lol lola nan'ɔ, k ji lubn'ɔ tana nan kpanbal nba wann na, Kaagbennu Yennu ŋaaluolu ni. 22 Kpanbal Suoas din tiat ŋanm nba Seuojada, Saakaali baanba din tun k tul'ɔ na k te k b kpii u bija. Saakaali kpenn ŋaan yet a: Kaagbennu la wa, ŋua e saa bu buut nan l sɔnu. 23 Bina nba waa na, k Siili sejenm fiil k kɔn Suoas, k baal k kua Suuda nan Selusalenm, k kppi duo niib batnba kul, k jii bmɔknt kul k saan nan'n k tul Daamaas kpanbal. 24 Siili sejenm din baal nan jab waan nna ŋaan k Kaagbennu te k nyann'b k kub'n b nuu ni. Nan baa lek din tie sejebul na, k aan b yet nyik Kaagbenu, B baanba Yennu na, Siili tieb din nyann'b k maan Suoas biit paak. 25 Yuo nba k b fɔkt nan'ɔ na, k ji bial na, k ji bial be falciaɔnŋ ni, l paak u tuontunna ji in lol u paak, k maan manntua Seuojada waas sɔn paak, k b ji kua k cek'ɔ u kaduo, k ji kpii'u. 26 Gotl, bin nb din lol u paak: SikiimeaatbibjaSaabad, Amoniit puo nan Siimlt bija Suosaaabad, muoabiit puo. 27 Lin nba u waas po, Sɔkniinba bonciann nba pak man nba, nan baa yonm Yennu ŋaak bianŋ nba, ŋann dia kpanbala kadaaɔk ninŋ e. U bija Amuoatia din gaal u yial.