B lin Suuda k tikl liefiinba nan Suuda digangbenŋa niib nan islael maalu kul ni batnba; k b kul baal Selusaalenm. ³ K nibul na kul lol lola nan Yennu ŋaak kpanbal. ŋanne Seuojada yet'ba: gotl man kpanbal bija Saadia manŋ, nan Kaagbennu nba pak k jiin Daafiit waas po na. ⁴ gotl yaa tien bianŋ nba.Yuo nba k manntieb nan liefiitnba tuun tuonnfuondaal, niib na bɔkt taal munta yenn sii guu Yennu ŋaak na, ⁵ Niib bɔkliel sii guu kpanbal ŋaak, k bɔkliel mun sii guu Sesuod tanmɔb. ŋaan niib na kul ji sii sie Kaagbenu ŋaak na luoli ni. I daa te k sua kua Kaagbennuŋaak ni, l i kii tie manntieb nan liefiitnba nba tuun na e kaa. ŋanm tuu saa kua k maan b tie niŋanm e. ŋaan niib na kul saa cɔln k guu kaagbennu nan-yel po. ⁷ Liefiinba saa lint kpanbal na kul po, sua kul sii dia jatiat ni, wun nba yet k kua Yennnuŋaak na ni tie bin kpi'u e: I sii sie k naak kpanbal yuo nba k u nyi nan yuo nba k u kua. ⁸ Liefiitnba nan Suuda niib kul tuo wannu nba kmanntua Seuojada wann na. Sua kul nyinn jab bin nba bin nba tuu saa piin tuonn, nan bin nba tuu saa juont tuonn fuon daal, k maan manntua Seuojada k tuo bɔktu ii be i sinsuuk ni. ⁹ Manntua Seuojada jatiat kpana nan naagbankɔnŋa k tul saakab nan waas nba tie kpanbal maalu ni batnba na, k ji sii be Yennu ŋaak ni. ¹⁰ K b lint kpanbal na, sua kul dia jtiat u nuu ni, la nyii diitu bɔkl k saa ganŋ po bɔkl Yennu ŋaak na ni, k k fɔk nan malunŋ binbintl na. ¹¹ K b gann kpanbal bija k tul' ɔ danml nan mɔlol siala gounŋ, k ji tien'ɔ kpanbal, kSeuojada nan u waas muan kpan u paak, ŋaan ji yien a: pakn kpanbal man. ¹² Ataali nba gbat nibul nba tiin k yikn k tien kpanbal na kpankul k bia dont'ɔ na, k u baal niib na buol kaagbennu ŋaak na ni. ¹³ k ji goli . k la kpanbal na sie binbintl paak kunkuabuol; k batnba nan lonfaala k b kpia kpanbal; l yuo duo na niib kul ji be palpienn ni, k ji faa loni, yan-yinna yiin k naatuna pieb, k dontl yani yiin. Ataali pat pat u tiat k yien a: b kuat'n ma! b kuat'n ma! ¹⁴ L yuo na k manntua suojada te kunkɔnna batnba yabtn nba baal nan kobk na nakn k yet'b a: Nyint'ɔ i sinsuuk ni man k san nan'ɔ kpinŋ po. wun nba wei u puolpo, i kpi'u nan juk. k maan manntua na bo yet a: i daa kpi'u Kaagbennu ŋaak na ni. 5 K b jii'u saan nan'ɔ kpanbal ŋaak, k kua nan'ɔ taani tanmɔb ni: lenŋ e k b ji saa kpii'u. ¹⁶ Seuojada lol nan u mɔnŋ niib nan kpanbal mɔlol nba want nan b ji tie Kaagbennu ŋasaakab yab e. ¹⁷ Duo niib san baal ŋaak ni, k fuukt,k bet bet binbinta nan boninnant kul a, k kpii Baal manntua Maatan, binbintl na buol. ¹⁸ Seuojada tien Kaagbennu ŋaak ni tuonamanntieb, liefiitnba nba k Daafiit din bɔkt bɔkt, k tul'b a bii tuun Kaagbennu ŋaak ni, kii mann mujuonu na nuu ni, nan laadian Muois senni kadaaɔk ni a: b tan sii yiin yani nan kpinkpanmuk b sinsuuk ni, nan Daafiit nba din cab mɔb na. ¹⁹ K jii tanmɔguula k guu'm ŋaak, k lin fit k nilɔ nba k u binbienŋ k ŋaan daa fit kua. ²⁰ K jii batnba nba yabt baal nan kobk na, nan niib nba k b tien'm nibaakl nan bin nba mɔk duo niib na ni nan niib kul a, k b jii kpanbal na Kaagbennu ŋaak, k sik nan'ɔ kpanbal ŋaak ni. K tɔkn nan kpanbal na tanmɔjal na po, k ji saa kaan'ɔ kpnbal naan kok paak. ²¹ Duo na niib kul ji din mɔk kpinkpamuk o. K digbann na ji din mei. B din jii juk e k kpii Ataali.