¹ Asa nba dii naan bina piintaa na ŋanloob nie. Islaël kpanbal Baescha saan lek juda tieb k piin maa Ramas duo a wun gɔɔl Asa tieb juda kpanbal, binda kɔɔ nan binda nyii. ² Asa nyiinn likilii nan Salma nan mɔɔkiit kimongbennu nŋasaakak ni; nan kpanbal ŋaank. k tun toomii Benn Hadad. Sylvie kpanbal nba kɔɔn Damas. ³ K paakɔɔ ŋaant k tii mɔk lol nam leeb nan bianŋinba tii baanba din be na; guotil n teena likilii nan Salma. Mɔtana, potil fin nan Islaël kpanbal Baescha mɔtaauk nam Islaël kpanbal, wun nyinn u kunkɔnkɔnna nan n buol. ⁴ Ben hadad gbiint kpanbal Asa dudukit mannŋ, k tun u kunkɔnkɔnna Saakab nan b kunkɔnkɔnna a bin Saan lek Islaël digbana b din nyann Ijjon, Dan, Abel, Maïm, k biil Nephthali doo ni kpaafia jeet. ⁵ Yue nba Baescha gbat linba tun, k u nyik k ji k ŋamii maa Rama doo. ⁶ Kpanbal Asa taan jab nba kul be Juda tinŋ ni k te b saa jii tana nan taabii nba k Baesha tuu dia k ŋamii maa Rama doo; k b jiil k saa ŋamm maa Gueba nan Mispa doi. ⁷ I yuo manŋne k sɔkinii Hanani saan kpanbal Asa buol wunba tie juda kpanbal k k yetɔ a, kiman faa deen Sylvie kpanbal paak, ŋaan k deen kimongbennu yennu na paak teen k kpanbal Sylvie kunkɔnkɔnna na Ciaal a nuu ni. ⁸ Ethiopiens tieb na Libyens tieb k buonbin kunkɔnkɔnna na taantolit nan taanjakila bonciann, kaa? ŋaan yaa maa kimongbennu paak nae teen ku te k i nyannib a nuu ni ⁹ Kiman kimongbennu i godii tiingboonŋ nan kul, k fiit sɔmm binba pala be nanɔ; a tun jatiiwa, kiman laa nyii mɔtana k saa i sii tun be tɔbii nie. ¹⁰ K mɔmaan na donn Asa wutuol, k sol yennu sɔkinii na k kɔɔnɔ dansaalik, kiman u wutuol doo u paak, l yuo nae k Asa piin k mukisil niib na siab. ¹¹ Tuona nba kul din tun naan piinu k saa tuu i joontu i kul sɔb be Islaël nan juda kpanbala balkpelii gbonŋn ni. ¹² Asa nba din dii naa, i bina piintaa na ŋanyia nie, k yialu sool u taa k u wɔb, k dii waahala k ji yial; ŋaan u di k boi yennu sommil po, ŋaan saa tebila buol. ¹³ K Asa dɔɔl gɔɔn nan u baaba na; k kpeun k mɔk u naan bina piinna na yenn. ¹⁴ B din piiu, kaauk nba k b din gbiil k i be kpanbal David duo ni na b din paanɔ gaado paak, k tie tulqqlii k ŋamm u gbanat k piiu k juo bonnunubit k i tie u baakil.