¹ Yennu seek din baal Azalia wunba tie Obed bija na paak . ² K Azalia saan kpanbal Asa buol k yetɔ , kpanbal Asa gbiintil , Juda tieb nan Benjamin tieb kul . Kimongbennu be nannii , l tie k benannɔ ; l tie k nannii , i saa laawan , k l tie k nyiikɔ u saa nyiikiwan . ³ L din wei bonciann k Islael tieb k waa balmonii yennu , k bia mɔk manntieb nba sii wantib sennu na . ⁴ ŋaan yee nba k daamii tan baalb , b din tuu ŋmante k kpan ŋamm Islael tieb kimongbennu . Yennu k lau . ⁵ L yuo na sɔɔ din kaa k saafit saan sɔnu nan palmasil , kiman ŋmantil boncianu din be duo niib ni . ⁶ K buolu-yenn mukis buoleel , k doyenn mukis doled , kiman yennu e din baat nan daamii nan palbiil k tiemm . ⁷ ŋaan yimm ŋalin , yaabit i mɔnŋ man k daa te k nii baakit , kiman tunn nba k tuu i saan la l nyɔɔntan . ⁸ Yuo nba ku gbant masɔkinkal nba k Obed sɔkinna ; k Asa yaanbil pak , u din nyik tingbana nba kul be Juda yent ni nan benjamin yent ni ; nan tigbana nba kul be doi nba k u fat k l be Ephlaim jual paak nan u bia din ŋamm maa kimongbennu malunŋ binbintil k din be kimongbennu tamɔb kuul ni . ⁹ K niib kul dinnyii Juda nan Benjamin nan Ephlaim na Manasse nan Simeon nba din kɔɔ b ni . Islael niib bonciann din baal u bud yee nba k b din la kimongbennu u yennu b nanɔ . ¹⁰ K b kul lakin Jelusalem ŋmaali ŋantaa ni , Asa naan bina piik nan ŋanŋmu nie na . ¹¹ L daal nie k b jii bonkobit nba k b fat tɔb ni na , k mann malunŋ ; nei kobii ŋanlolee na pei tusaa ŋanlolee . ¹² B din sak nan b sii jiantil kimongbennu b yiijamm yennu nan b pal kul nan seik kul . ¹³ K daanɔ nba kul k jiantil kimongbennu nan Islael tieb yennu , b kpiiu . Waa lek tie bikii , subil tɔɔ , ko jua ko puo . ¹⁴ B din taan k yent nan kunkɔpaalil kimongbennu tie ŋaant daanɔ , k yiikin nan palpenn , k pebil naatuna . ¹⁵ Juda tieb kul kpaame nan molol nba k b lol nan b pal kul , b din leen kimongbennu nan palmasil k bia laawa , kimongbennu tuulb fɔɔn tinŋ nan kul po . ¹⁶ Kpanbal Asa din liat Maaka u yaa naa saakatuku ; kiman ŋɔɔe din kpeel cicepook Astalte . Asa din cɔɔ cicelpook manŋ . K juol muu , cedlon kpenu Baauk ni . ¹⁷ U din k bit Islaël tieb pat mann boa; ŋaan Asa din jii u pal k tul kimongbennu nan u manfool kul. ¹⁸ U din kɔɔn bona yennu ŋasaakak ni nan u baa nba din jii likilii nan salma k tul yennu. ¹⁹ Asa nba di naan, tɔɔb jii din ka. K saa tuu bina piintaa nan ŋanŋmu.