¹ Ay bulos, ay ya Almasihu Yesu diya no Irikoy miila do. In da timotiyos iri nya-izo, iri go ga Irikoy marga fo kaŋ go korint kwaara, da hannantey kulu mo kaŋ go akaya laabo kulu ra. ² Gomni nda laakal kanay ma bara aran banda kaŋ yaŋ ga fun iri Baabo Irikoy da Rabbi Yesu Almasihu do. ³ Iri m'iri Rabbi Yesu Almasihu Irikoyo kaŋ ti a baabo saabu. Nga ga ti baabo kan to da suuji, bine-gaabandiyaŋ kulu Irikoyo mo no. ⁴ A go g'iri biney gaabandi iri kankami kulu ra, hal iri ma du ka borey biney gaabandi kaŋ yaŋ go kankami dumi kulu ra. Iri m'a te mo da bine-gaabandiyaŋ kan iri bumbey du Irikoy do. ⁵ zama mate kaŋ cine Almasihu gruzuga go ga baa ka tonton iri gaa, yaadin mo no iri ga du bine-gaabi nda baayaŋ Almasihu do. ⁶ D'iri go kankami ra, ago araŋ bine-gaabandiyaŋ da faaba se no. Wala d'iri go ga du bine-gaabandiyaŋ, woodin mo do zama araŋ ma du bine-gaabi se no, kaŋ g'araŋ gaa araŋ ma suuru nda gurzuga din kaŋ iri mo go ga maa. ⁷ Beeja kaŋ iri gonda araŋ boŋ tabbat, za kaŋ iri ga bay mate kaŋ cime in d'araŋ go gurzugay ra care banda, yaadin mo no in d'araŋ du bine-gaabi care banda. ⁸ Zama iri si ba araŋ ma jaŋ ka bay,nya-izey , kankami kaŋ du iri aziya ra. I n'iri jarandi gumo-gumo,hal a bisa iri gaabo, hal iri na laakal kaa baa iri fundey gaa. ⁹ haciika, iri bumbey biney ra iri maa i na buuyaŋ ciiti dumbu iri se, hal iri ma si naanay iri boŋ gaa, amma iri ma de irikoy gaa, nga kaŋ ga buukoy tunandi. ¹⁰ A n'iri kaa kambe buuyaŋ laalo wo dumi gaa, a g'iri kaa kambe mo. iri ma beeje sinji a do a ga ye k'iri kaa kambe hala ho, ¹² zama iri darza haro neeya: iri bine lasaalo seeda ga ti iri n'iri goray te ndunnya ra, (sanku binde araŋ do haray), da hananyaŋ da cimi kaŋ fun irikoy do. ¹³ zama iri si ga hantum araŋ se kala haŋ kaŋ araŋ ga him ka caw da haŋ kaŋ araŋ ga faham d'a mo. ¹⁴ Ay go ga beeje daŋ, da mate kaŋ araŋfaham d'iri kayna-kayna,araŋ ga faham gumo-gumo, kaŋ iri no ga ti araŋ darza haro, danga mate kaŋ araŋ no ga ti iri waney rabbi yesu zaaro ra. ¹⁵ Naanyaŋo din bon, ay miila ay ma kaa araŋ do waato zama araŋ ma du gomni hinkanta. ¹⁶ Ay miila ay ma kaa araŋ do ka gana ka gana ka bisa masidoniya laabu. D'ay fun masidoniya mo, ay ma ye ka kaa araŋ do, hal araŋ m'ay gaakasinay da hindoonay kaŋ ga kond'ay yahudiya laabu. ¹⁷ To Waato kaŋ ay go ga woodin miila, ay na bine hinka-hinka cabe no ? Wala hayey kan aygo ga miila ay ma te, auy n'i miila danga ndunnya boroyaŋ no hal i ma kaa ka gar oho-oho da ha a-ha a go ay do. ¹⁸ Amma sanda mate kan Irikoy ya naanaykoy no, iri sanno manti oho da ha a no araŋ se. ¹⁹ Zama Irikoy Izo, Almasihu Yesu kaŋ boŋ iri da sila da timotiyos waazu araŋ game ra a manti oho da ha'a. Amma nga wo oho no go a do. ²⁰ Woodin sabbay se a do mo no iri ga ne ((amin)) Irikoy darza se. ²¹ Nga mo kaŋ goono g'iri tabbatandi araŋ banda Almasihu ra, nga kaŋ n'iri suuban mo, ga ti Irikoy. ²² A n'iri kawaatimandi mo k'iri no nga biya iri biney ra a ma ciya daymi kayandiyaŋ. ²³ Amma Irikoy ga te ay seeda, ay ze d'ay fundo ay mana kaa korint jina zama ay ma du ka jalla araŋ gaa se. ²⁴ Manti sanda iri gonda koytaray araŋ cimbeero boŋ no. Amma iri ya araŋ goykasinyaŋ no araŋ farha se, zama cimbeeri ra no aran go ga kay.