¹ Ni Jésus yraléa cloué ni sabbat zéli,or galéwan sabha djê wa tayé koli ni wa li ba yê . ² Pharisien bhlo bhlo lia néagba: énèni a nê li wa nou la sabbat zéli? ⁴ Jésus né wa gba: Ani zèni li Davidi nou la dè honwoun bhla bho,omon ya or tia wan? ³ Esso or plalè paloua zo ni or koziè conexiô flabi ko ni oya o tia wan dénié yé,flabi gnokpo talèla éni perliwan? ⁵ Or néwa gba:to or you ninè sabbat zéli ⁶ Igada sabbat zéli,Jésus plaliéa paloua zo cé or ka tcha.Gnokpô koa da or lio cloua so kplala. ⁷ Ziéwan ya pharisien wan wlé bha sa Jésus ka sabbat yabia cé wa ka la nou cé wa kayio gbo wli pa. ⁸ Ma or yibha wa gougoulia ni, or néa gnokpô so kplala gba:bhoco cé yrougou da nédé.or bhoco ni or yrougoua. ⁹ Jésus né wa gba:É yra agné hounou sa waka minou cé wayé gnégni ama na nou sabbat zelu,wa sa gnokpô guéhiri ma or cou? ¹⁰ or biéa or yi wa ko,or néa gnokpô gba: tra na so.or tra bho ni or gnabha. ¹¹ Plêko sia wa nilia yokou cé wakala Jésus nou. ¹² Dalè zéli gnéli dè jésus mléa tréa wli bhoubhié ka,ni or kosé cébo ko ni or bhoubhia lago. ¹³ Dè zéli zéla,or la bha or galéwan ni or kosé kougbasso ko,wa lia or la la apotro wan. ¹⁴ Simon or gnêla pierré,André,ô nowlé jacqué,jean,barthélémi, ¹⁵ Matthié,Thomas,Jaqué Alphée youwli,Simon wala lago, ¹⁶ Judas Jacqué youwli, ni Judas Iscarioto or wloulè la yio goko. ¹⁷ Ô lio ya moa clouia ,or gnrougoa oya yali vlougba ya or galéwan aya judée douwan vlou,Jérusalêmou,tyré aya Sidon. ¹⁸ Wa yibha yô noukoui pouka aya wa goui bhla la ka yabhou ni.Wa toutou ougo bhia cloé yabha. ¹⁹ Yalia bhoa bhatè gba wakoyo talè,sa têti gadi wlê bho ni é yaba wa. ²⁰ Or pa or galéwa yi ko ni or bé wa gba:Ako poupouéni gnazéouan gné ma lago or gnêbhê li dou li agna nou. ²¹ Ako djaka ni agné lia wonwoun bhla la zika ,ayé zélia lo,Ako djaka ni agné lia woué la, ayé zélia glagnon si. ²² Djaka gnéli agné waka agné wa zô la,ni wa ka bho pa,wa agné yokou pa na hinin to or you za. ²³ A ko djaka né dalè zéli ma awlé,agna drou flouli kobo lago dou ni.sassako wa towan né bha prophèti wan. ²⁴ Ma mouzié gnéli agné drakalé wa gné.Abhèli agna gnasili. ²⁵ Mouzié agné lola wonwoun yé agné bhla ka yi.Mouzoué gnéli agné sié la ayé wi kéyi da koui bhla la agné. ²⁷ Ma énéa agné gba agné pou la houn noukoui,awama agna zobholè gbawan,ano na wa né la agné wa, ²⁸ apalégnou wa kpéléla agné,abhoubhié lia nè la agné. ²⁹ Yokpô so noukoui pa ,agné attra yo so noukoui.Gnokpô ka na kotou kokozé,gnê yo na gloui lélou ko. ³⁰ Agné wouan yraléla agné,ni na sa gnokpô na bê ko. ³¹ Cé awala gba wa noula agné a nou sa ahounwan. ³² Aka lia wala agné wa,édèbê ayé da nili? Gnégni nouwan wamlé lia wala wa. ³³ Aka na nou wa nè la agné na idébè ayé bho nili? Gnégni nouwan noumlê sa. ³⁴ Ni aka nougbè lia a gblia la tcha agné ni,idébè anili bho? Gnégni nouwan noumlé sa bhloa. ³⁶ Ma awama agna zobholè gbawan,anou na,agblia cé wana tcha agné ni.saza agna drouflouli yé zoumolé,ni wa yé agné lago or you la,sa or nani kaza ormô abholè wan ya gbégnégni wan. ³⁵ Anama pléko xa ato nani plêko. ³⁹ Ni or solé wa gbakassé ni:yifo gnon yé yifo gnon kolé béli? waza soko ni bhlii? ⁴⁰ Galégnon ni or tchagnon ko zi ma yio kana tchio oyé or tchagnon sako ko. ⁴¹ Énè ni éwlé sié kola éyro yini ni éni lié ko la mo yrini yokou? ⁴² essa éyé éyro noubga: nowli ko bè yini xa ni nanè ko mo bho la?abholognon sabho fian nani kola mo yrini,cé éka na énowlé lié bho sa ⁴³ Sou nanou ni kô ô tréla toutou yobhi ni toutou sou ô nèla yobhi nani. ⁴⁴ Sou sou yio ô yobhi za.Wa sa kpobhio djêssou,ni wa sa trobbhio mangosssou ni. ⁴⁶ Enéni a la houn lago lago ni anou xa égbalagné? ⁴⁷ Gnonkpô yili la lo ,o noué la na wêli,or nowouai la yi ko,éyé agné palia lio ya mo wlolè la. ⁴⁸ Or ya gnokpô lio sra la sré wlolè.Or bhli kpagné ni or zo bho na tchenia.Gnou gadou yi ni or clouli sréa ko,ni a ni ko tchô sa asrio ka na za.