DCS-Mirror-parfait-ayanou_dic_luk_text

Luc 5

¹ Nè yèlè bhlo yalèa, yokou tètè lè wa bha JESUS yokou. ² Ô ni bho gnougôlè soh gnin ah èh boubiha. Gôfiawan o bhabho klizô nèwa wolè bha wa drôzia. ³ Ô glabha Simon ô gnougôlo bhlonè nè ô né yô gba wa bialè bhô piê, ô gbê bhô gnougôlo né nè ôtvha bha gré. ⁴ Dè ô lèpè lo bho, ô nè Simon gba: mli gnouwan glé fihon sè pagho nadéda sè fioh. ⁵ Simon nè ô gba:« tchagnon, anô déboa bhô lobhè a nè bèni. Ma nalèpèwèlèanin,éyè dédawan pah. ⁶ Ô no ya déa yôlô. ⁷ Wa la wonwan kola wa yokou lè gnougôlèwan sè wa ka wa clalè, wa yi nèwa yè bhô gnougôlè shô nè èh plalè bhôgli. ⁸ Ma Simon Pierri, ni layè yokou ni ô bhi JESUS déli zô nè ô nè gba : "bhilè hon bhô ma sa hon gôfiangnon ô élé." ⁹ Noukho sra yô né wako la bhô da yokou ya zi ô fiahla za. ¹⁰ Zacques ni Zébédée youwri Zean aya Simon ô bobè lè wan bhô. ZESUS nè Simon gba:wa non no bhô mô na éyé mon gnôkpôfia la yalèa ko no. ¹¹ Ni,wa talèwa babhô gnè, wagalèyô. ¹² Ô ko bhô trokè doubhlo nè gnonkpô lio gouzalo bha layè bha. Dô ni la JESUS yokou, ô bhli doko zô nè ô fayô bhoubhié ké nè yokou:« Glègnon; éh kawa yo bhéhon.» ¹³ JESUS glô sôh nè, ô to lè yô nè ô nè gba:« Eh wa wabhô. Nè gouzolo wlo ô nè. ¹⁴ JESUS nè loho gba ô solou gnôkpô. Ô nè yô gba: mlè sè palia nè yi pèliwan, sè pah kônésiô na glolianè za sè Moïsi zila, éh yi wa dalofoê bhlo lélé». ¹⁵ wa lopé bho ô wèlè kô ya kô, yalè vrou ka nè wlô. ¹⁶ Mo ô mlê lè bhô yropôlianè sè ô ka bhoubhié. ¹⁷ Yélé bhô, ô tcha bha pharisienwan ne djréma tchawan gbè bha doko, wa wlè bhô dia bhô nè Galiléwan, Judée hiwan aya Jérusalèm lè wan, glégnon ô tétés ko bha da sè ô ka bho yabhia. ¹⁸ Yalè yèbha nè wa bhè lé gnonkpô bhô ô glalèla doko gbataclé, wabhô té bha gba waka yô plalia sè wa yô clé ko zo. ¹⁹ Wa yi dè wa ya gla bhô wannéko nè wa wralè gogihanè wa cliô zô ô gataya, yalèa nè dè JESUS déli. ²⁰ Ô nilo wa pôtêtê ah yokou, ô nè gba :« na gnègniah kiô.» Pharisienwan ya Ziéwan bhô lépé li:« nè no éh lé, nè éh lépé kpakplé wêlé?» ²¹ éh nô yi gnégni va éh nè LAGÔ bhlo gbé mon? ²² Ma JESUS yi bhô wa gougoulia, ô wlé wa yi:« éh nè né a gbassané?» ²³ éh nè né tô, sa ka yé lopé:« na gnégniah kiô mon» « sè bhô ko sè môwon?». ²⁴ Nè éh za né, ayi bhé sa gba youah kalè dodo ako djoli sè kagnè a gna gnégniah ka, «éh nèmon gba, bhô ko,zékô na koussiah sè mlè sréné.» ²⁵ Gané,gnonkpô bhô wa glékoko, nè ô zé kô ô kopé bè ô mlè sréné ô lii fiabhô LAGÔ wounou. ²⁶ Wa bhô noukpou srawa nè wanè gba: A ni zéka noukpo sra wêlé yokou! ²⁷ Dalè li prèlamé, ô wro zô, nè ô niwa gavra ô dra bhô têgnon bhlo yokou wa la yô Lévi, ô gbê bhô î lobé na bhôné. Î nè yô gba :«galèhon» ²⁸ Lévi talè éh bhônè ô bhô ko nè ô galè yô. ²⁹ Lévi no JESUS za ô sréané djaka kada, gôva ô dra bhatèwan vrou nè yalè ô moi wa ya moi ko la trôbléklé. ³⁰ Pharisienwan nè Ziéwan kodé wouwouléané nè wa nè ô galèwan gba:« éh nénè aya gôvra ô dra bhatéwan aya gnégninowan liliko?» ³¹ JESUS zé kô lépé wèléah nè ô nè wa gba:« éh nè wa yalo wa mlè dotêné, ma gougôwan» ³² « yi gnégninowan laka sè wa ka tchô, ma éh nè kognon koulawan». ³³ Wa nè gba:«Jean ô galèwan tié bha gbogbé né wa boubhié bhô, nè Pharisienwan lé bhô bê nê wa mlabha.» ³⁴ JESUS nè wa gba: ayé mi nou nè ayé sélika gnon ô wowan gbogbètiè dè sélika gnon ô ya moi koloda? ³⁵ Yéle ́bho yi gni nè wa gnoutôh wa yé wa mon kô sa, né wa yi dè yéléko gbogbé tié. ³⁶ Ô solé ko wa gnadra bhlo: gnonkpô yra ôgnokié lélé sè ô ka êh glaka glah. Ô ka sa no, ô yi kotou lélou yra, nèéh léloua ô péliô aya gôgôbhô loua za yokou mlè lè. ³⁷ Gnonkpô zo non lélou gôgobha gnidéné, nê mon lélou bhété gnioléah, ô bhlé dabhô kô nè bhô tiowô tio. ³⁸ Ezani, zo non lélou gnioli léliné. ³⁹ Nè gnonkpô liô mla la gôgôbha non, ô sè éh lélou, ô nè gba:" gôgôbha lou ô na né."