¹⁵ Mɛtsiwóé le gbɔnyɛnwó dogbe nɔn o. Dogbe nɔn amɛtsi wóé lɔnɔn mi le xɔse mɛ. Amɛnuvévé nɛ nɔn anyi kú miɔnwó keŋkeŋ. Amen. ¹ Ðo ŋkúvi nɔn wó be woa bɔbɔ nɔn esewó, kúdo atsɛ kpakpawó, bé woa bɔbɔ nɔn wó, yí woa sɔgbe nɔn édɔ adoduiwó woawoa, ² bé wó ŋgbe bu súsú baȡa so amɛȡe ŋtio, woa gbe nu le enyɔnhɛnhɛnwó gbɔ, woa djakɔn anyi, yí woa bɔbɔ wóȡékiwó ȡoȡa amɛwó keŋkeŋ gbɔ. ³ Ðo miɔnwó tsan, miŋdé sɔ nɔn vévi nɔn amɛ sáa, amɛmabutɔwó, amɛ búbúwó, mitrɔ zhn amɛ xluexlue nɔn nu kpɔ djrowó kúdo edjrowó, nɔn agbe le dɔmɛ nyanyra mɛ kú ŋbia mɛ. Mi nyi mɛtsiwó gbɔ wó gbe nu le, yí mi le nɔn mian nɔnuiwó ȡo domɛ. ⁴ Vɔ gatsimɛ wó ȡé Mawu yió dɔmɛnyɔnyɔn, tsi nyi xɔnamɛtɔ, kú yió lɔnlɔn ná amɛwó, fia lɔ, ⁵ éva hlui migan, ŋdé kú ȡo djɔdjɔɛnyínyío dɔ tsi mi woa ŋtsio, vɔ sɔ kuȡó, yió ŋshishikúkú ŋtsi, to trɔtrɔ tsi so nyɔnyrɔn mɛ, kúȡo gbɔngbɔn kɔkɔɛ yió mɛ woawoa yéyé mɛ. ⁶ Mawu kɔ gbɔngbɔn kɔkɔɛ ȡo mian dji sugbɔ to Yesu Kristo mian hluin dji, ⁷ bé tsi wó sɔ djɔdjɔɛ nɔn mi to yió amɛnuvévé mɛ lɔ, mi trɔ zun agbe mavɔ yió dómenyitɔwó mi le mɔnkpɔkpɔ mɛ na. ⁸ Enyɔn tsɛ le mɛ tútútú. Yí ŋdji bé na ȡokpé enyɔn tsɛwó dji, bé mɛtsiwó xɔ Mawu dji sé lɔ, woa woa nɔn édɔ adoduiwó. Enu tsi wue nyɔn, yí dje nɔn amɛwó. ⁹ Mi gbe nu le ehanɔn yió nyɔn hɛnhɛn gbɔ, exo tutu so maman ŋti, adjré woawoawó, enyɔ hɛnhɛn so esewó ŋtsi, enu xɔnwó nyi enu gbalo kú enú maȡinu. ¹⁰ ŋgbe do ha kú amɛtsi yí do nɔn mamán nɛ wó gbe nyɔn ni ȡéka, évé o. ¹¹ Le nyanyán mɛ bé mɛtsi djo le emɔn djɔdjɔɛ dji yí yi kpɔtɔ le nuvɔn woawɔ lɔ éle yéȡéki wúwɔ. ¹² Nɛ ŋdɔ Artémas alo Tyshik ȡaȡao lɔ, ȡé bla kábá vá soŋ lé Nikopolis; ȡo xɔn ŋtsan bé manɔn le fafa game. ¹³ Ðebla kábá na dɔ zenas ȡo ȡaŋ, tsi nyi amɛgan le esewó mɛ, kúdo Apollos, sɔ bɔ ȡo amɛtsiwó kpata wó hian ŋtsi. ¹⁴ Miantɔwó ȡo la kplan edɔ nyui woawoa, bé wóa ȡo ehian kpatawó ŋtsi, bé wó ŋgbe nɔn anyi ekú masɛn masɛn o. ¹⁵ Mɛtsiwóé le gbɔnyɛnwó dogbe nɔn o. Dogbe nɔn amɛtsi wóé lɔnɔn mi le xɔse mɛ. Amɛnuvévé nɛ nɔn anyi kú miɔnwó keŋkeŋ. Amen.