¹ ŋsu ɖe tsi wó yɔnɔ bé Lazaro lɔ, djedɔ. Enyi Betanitɔwó le Maria ku Mata tsinyi dadalɔ, wó dume. ² Lazaro nyi Maria tsi siami hunwɛhunwɛ ɖó afɔ ŋtsi nɔ axuetɔ yí yisɔ yo táɖá sɔ tútui lɔ, yíó nɔvi. ³ Nɔvi nyɔnu eveɛwó dɔ ame ɖoɖa Yésu bé: " Axuétɔ , ametsi wolɔnɔkaka lɔ yí ke djedɔ. ⁴ Tsi Yésu se nyan tsɛ lɔ etó bé: " Edɔ tsɛ ŋde nyi eku dɔ yɔ boŋ nɛ mawu yóŋtsi kɔkɔɛ bé woasɔ do mawuviɛ ɖodji. ⁵ Yésu lɔn Mata tsinyi dadalɔ ku Lazaro ŋtɔ tsan. ⁶ Tsi Yésu se bé Lazaro djedɔ lɔ egbewa ŋkeke eve ɖódji le fitsi yí yile lɔ. ⁷ Le tsɛ yome lɔ, etó nɛ nukplaviɛwó bé, " Miá gbe trɔyi Yuda." ⁸ Nukplaviwó toni bé : " Nufiɔtɔ, Yudatɔwó le djidjiɔ xoxo bé yewa xokpéo yí wogbe dji bé yiatrɔ yi xɔn kea? ⁹ Yésu ɖo ŋtsi bé: " Nyi gaxoxo wuive yíle ŋkeke ɖekame lo? Ne ameɖe le zɔzɔn le kɛnklɛnme lɔ, ŋda klin nuo, ɖo ele nukpɔwɔ le ŋke lɔ yo kɛnklɛn me. ¹⁰ Vɔ nɛle zɔzɔnwɔ le vivitsime lɔ éla klin nu ɖo ŋtsi lɔ kɛnklɛn ŋde lemeo. ¹¹ Tsi nu nyɔxɔnwó vɔlɔ, esɔ kpí be: " Mia nɔnvi Lazaro ɖó alɔn dɔdɔn djidjin me, mayi nɛ mavɛ fui. ¹² Nukplaviawó tonin bé:" Axoétɔ né egɛnɖo alɔn djidjime lɔ elafɔn. ¹³ Yésu nuxo xowɔ nenele Lazaro yo ku ŋtsi,vɔ wɔwó xɔɛse bé ele tótókɔ bé Lazaro le alɔn dɔnkɔ. ¹⁴ Ke Yésu tó nɔnwó bé Lazaro ku. ¹⁵ ŋle djidjɔɛ kpɔwɔ le mia ŋtsi bé mi ŋde yio, bé nɛ mia xɔse. Fifiɛ lɔ mía yi. ¹⁶ Tóma, tsi wóyɔnɔ san bé Djydjime lɔ tonɔ nukplavi kpɛtɛ lɔ bé:" Miva míayi ku Yésune mia ku kui. ¹⁷ Etsi Yésu va lɔ enya xoxo bé Lazaro le yɔdome ŋkeke amenɛ ke. ¹⁸ Betani le kpeti wuiatɔn le Yeluzalɛŋ gbɔ. ¹⁹ Yudatɔ sugbɔwó va bé yewa fá akɔ nɔ Mata ku Maria ɖó wonɔvia ŋtsi. ²⁰ Gatsime Mata se bé Yésu gbɔnɔ lɔ, éyi gógui, vɔ Maria yɛ nɔ axome. ²¹ Mata tonɔ Yésu bé :" ²² Axoetɔ,ne ɖeyi wole fiɛ lɔ, nɔvinye ŋda kuo. Vɔ ŋnya bé nutsiwó kɛŋkɛŋ wo biɔ mawu lɔ élana wo. ²³ Yésu toni bé:" Nɔvio la trɔva agbeme". ²⁴ Mata toni bé :" ŋnya bé ala trɔ fɔn le amekuwó fɔnfɔn ŋkekea gbe." ²⁵ Yésu toni bé: "Enyeé nyi mekukuwó fɔnfɔn lɔ kudo agbe lɔ, ametsi laxɔ djinye se lɔ né eku tsan ela gbɔ agbe; ²⁶ amesiamɛ tsile agbe yí xɔ djinye se lɔ ŋda ku gbeɖeo. wo xɔɛsea?" ²⁷ Etoni bé: "Ɛ, axoetɔ, ŋxɔɛse bé ewo yí nyi kristo, mawuvi tsi va xixeame. ²⁸ Tsiyí tonyɔŋɔ vɔ lɔ, etrɔ yi yɔ Maria nɔviɛ va yo axadji. ²⁹ Etoni bé: " Nufiɔtɔ le fiɛ be yea kpɔo. Tsiyí Maria se nyɔxɔ lɔ, etsite kaba yi Yésu gbɔ. ³⁰ Fifiɛ lɔ Yésu ŋde kpɔ ɖó kɔxuiameo ɖó etɔte le fitsi Mata doguile lɔ. ³¹ Yudatɔ tsiwó va axoeame be yewoa va fá Maria, tsiwo kpɔɛ yíto le dudji le yiyiwɔ lɔ, wo kplɔɛdo, ɖó wosusui bé ele yɔdo lɔ gbɔ yiwɔ avɛ fanvi. ³² Maria yi Yésu gbɔ, ekpɔɛ yí dje anyi ɖó yó fɔnu to bé: " Axoetɔ, ne ɖe wole fiɛ lɔ nɔvinyɛ ŋda kuo." ³³ Tsi Yésu kpɔɛ yiíle avi fankɔ ku Yudatɔwó tsi woele gbɔ lɔ, etsi ŋzízime yí tsaka. ³⁴ Etonɔwó bé: " Fiŋde miɖiɖo?" Woɖo ŋtsi bé: " Axoetɔ, va na kpɔ. ³⁵ Yésu fanvi. ³⁶ Yí yudatɔwó to bé: " Mikpɔ letsi yí lɔn Lazaro ɖa. ³⁷ Vɔ ameɖewó le totowɔ bé: " ŋsu xɔn tsi hun ŋku nɔ ŋku gbangbantɔwó, na teŋ aɖe ŋsutsɛ le kume lo? ³⁸ Yésu, kpɔtɔ lé ŋzinzime vɛ ɖo yɔdo lɔ kpɔ edo ku kpe wó we. ³⁹ Yésu to bé: " Miɖe kpeɛ djó". Mata, Lazaro yo dada, to nɔ Yésu be: " Axoetɔ, fifiɛ yo ŋtsilan lɔ la tɔ gbelé vɔ, éku lɔ ewɔ ŋkeke ene vɔ. ⁴⁰ Yésu toni bé : " Nye de nu nɔwo bé ne woxɔ djinye lɔ olakpɔ yo ŋtsi kɔkɔɛ lo? ⁴¹ So xɔn dji lɔ, o ɖe kpe lɔ djó, Yesu kɔkɔ ŋme yidji yító bé: " Etɔnye ŋda nɔn ɖo woɖonɔn toŋ. ⁴² ŋnyan bé woɖonɔ tóŋ kokoko, vɔ lɔ ŋle nyatsɛ tókɔ ɖó ameha tsiwoé trɔdomi lɔ ŋtsi ne woanya bé ewoyí dɔŋ ɖoɖa. ⁴³ Tsiyí nu nyɔtsɛ vɔ lɔ, edo axua sɛnsinɖé bé: " Lazaroo tóvá!" ⁴⁴ Mekukuɔ tóvá; yiolɔ kudo afɔwó lé babla lé eɖo me, yí wosɔ nu tsɔn ŋmɛnin. Yésu tónɔn wóbé:" Mítu kalɔwó nín ne mia tatsí ne yadjó yí." ⁴⁵ Yudatɔ gbógbó tsiwoyi va Maria gbɔlɔwo xɔ Yesu djise gatsimɛ wokpɔ nu tsɛwó. ⁴⁶ Ameɖewó trɔyi Farizitɔwó gbɔ vayi tó nutsiwó Yésu walɔwó. ⁴⁷ Éxɔn ŋgbódomɛ lɔ vɔsatɔwó ku Farizitɔwó yikpá tobé : " ŋde mila wa? ŋsutsɛ le ŋdaŋdonu sugbɔwaɔ. ⁴⁸ Ne mitatsi yíle nɛnɛha dɔwó waɔ lɔ, dukɔ lɔ laxɔ djise; yí Romatɔwó lava gban miɔ gbedoxɔ ku miɔ dukɔn lɔ." ⁴⁹ Vɔlɔ ŋsu tsi wóyɔnɔn bé Kayifu, tsi nyi vɔsatɔgan le exuexɔnme to nɔwóbé: " Miŋde nyan ŋdeo. ⁵⁰ Miɖenyan bé edɔn miadji bé ame ɖeka neku wubé dukɔn lɔ keŋkeŋ natsrɔn? ⁵¹ Vɔ ŋde le nyɔn lɔ nuwɔ so yíŋtɔ wo djimɛo; tsi yínyi vɔsatɔwógan le exuéxɔnme lɔ, ele nyɔnuwɔ ɖɛ bé Yésu laku ɖó dukɔnwo ta; ⁵² ŋde nyi ɖo edu ŋtsi ɖeɖewo, vɔ lɔ Yésu labɔ mawuviwó yiwo kakan ɖo xixeɛ mɛ keŋkeŋ. ⁵³ So azan xɔndji lɔ, wole ɖoɖo wawɔ letsi wá wɔ ne woa wu Yésu. ⁵⁴ So xondji lɔ, Yésu ŋde gbe ɖenɔ yíɖókui fiɔnɔn le Yudatɔwó domeo, vɔlɔ édjóyi duɖe tsi woyɔnɔn be Efrayiŋ me tsi ŋde djidji le zogbe ŋtsio. Énɔ anyi ku yowó nukplaviɛwó. Yudatɔwó Pakizan ɖo. ⁵⁵ Amegbogbotɔwó yi Yeruzalɛŋ so edu vóvóvówo me bé yewa klɔ yoɖokui ŋtsi keŋgbɔxxue azan lɔ nava. ⁵⁶ Wole Yesu djiwɔ, yí gatsi wole gbedoxɔme lɔ, wolé nunuwɔ bé: " ŋde susuwɔ mile? bé alo ŋgbe va azan lɔ dɖuxue woa? ⁵⁷ avɔsatɔgan ku Farizitɔwó wona gbe bé ne ameɖe nyan fitsi Yésu le lɔ, wó nɛnan ne yewo anyan nɔ así nalin.