¹ Le nyawototo, le nyawototomɛlɔ, ŋle totokɔ nɔmi, ametsi ɖo lankpolɔmɛ, vɔ ŋde to agbolɔnu le ɖoɖo nyuitɔnulɔ, fianfi kudo gbevun yɔ. ² Vɔlɔ amétsi to agbolɔnu lɔ yinyin alɛn kplɔla nyuilɔ. ³ Yɛlɔ, alɛnwodjikpɔtɔlɔlɔ hun nɔ kpolɔ ni. Alɛnwo senon yo gbe. Wo nyi yitɔ. Eyɔnɔwo to wo ŋkɔdji yi ɖenɔwo to. ⁴ Nɛ ekplɔ etsiwo nyi yitɔwolɔ, ézɔnon le ŋkɔ nɔwó, yi alɛnwó kplɔnindó ɖóŋtsi wó djesi yógbe. ⁵ Wódé kplɔnon amédjró doó. Ké bohun wó sinon nin, ɖóŋtsi wo ŋdé djési amédjrólɔ wogbéo. ⁶ Yésu dóló tsɛ nɔwó, vɔ wó ŋdé se nyan tsi núwɔ yile dékpí gɔmɛó. ⁷ Yi Yésu tónɔwó ke bé: " Le nyawótótó, le nyawótótómɛlɔ, ŋle tótowɔ nɛmi, ényɛ nyi alɛnwó gbólɔ. ⁸ Ameyiwo kpátá dó ŋkɔ nun lɔ' wo nyi fianfitɔwó kudó adjoglásuwó vɔlɔ, alɛnwó ŋdé ɖotowó gbeó. ⁹ Enyɛ nyi agbolɔ. Amesiáme tsinɛ mɛnyɛ lɔ lákpɔ agbe; élá gɛnɖómɛ yi yilató, yi yilakpɔ gbewó láɖu. ¹⁰ Fia'nfilɔ' vánɔ'n be yává fiamɛ, awuamɛ kuɖó énugbegblé. Nyɛlɔ,ŋvá bé alɛnwó nɛ kpɔ agbe, yí woákpɔ le egbɔsusumɛ. ¹¹ Nyɛ nyi alɛnkplɔlá nyuitɔ. alɛnkplɔlá nyuitɔ sɔ yó agbe nanon ɖó alɛnwó ta. ¹² Dɔsɔvi, tsi ŋdé tɔ yinyi alɛnwólɔ, nɛkpɔ gbevun ( wataklɛ) lɔ, djónon gbé alɛnwó ɖɛ yí sinon djó. Gbevun lɔ lenɔ alɛnɖewó yí kankanon alɛn kpɛtɛwó. ¹³ Esínɔ ɖoŋtsi lɔ dɔsɔví yinyi, yi ŋdé sɔnɔ ɖé lemɛ nɔ alɛnwó. ¹⁴ Enyɛ nyi alɛnkplɔlá nyuilɔ. ŋdjesi amɛtsiwó nyi tɔnye yí wotsan djesiŋ. ¹⁵ Etɔ' lɔ' djesiŋ yi ŋdjesi tɔnye han; yí ŋsɔnɔ agbetsinyɛ nanon ɖe alɛnwó ta. ¹⁶ Ŋɖo alɛnvi bùwó tsiwó ŋde le alɛnkpó tsɛ mɛó. Ehían bé mákplɔwó vá, wáwó han, yí wo lase gbetsinyɛ. Yí alɛnhá lɔ lanon ɖeká kuɖo kplɔlá ɖeka. ¹⁷ ŋsɔnon agbetsinye nanon bénɛ mágbexɔɛ, yí ŋtsi etɔnye lɔnɔŋ ɖó. ¹⁸ ŋsɔ nanon le nyɛtɔ ɖokuinyesi, ameɖé ŋdé xɔnin lasinyɛó. ŋɖó ŋsɛn benɛ másɔnan, yí ŋɖó ŋsɛn bénɛ maxɔɛ. Etɔnye sɔ ɖoɖó tsɛ naŋ. ¹⁹ Mama gɛnɖó Yuɖatɔwó dome ke kuɖé énya tsɛwó ŋtsi. ²⁰ Amegeɖewó lewó domɛ to bé:" Gbongbonɖé lemɛ, tagbɔ gbléní. ŋde ŋtsi mile tóɖóewɔ?" ²¹ Amebuwóto bé:" Nya tsɛwó ŋdé nyi ametsinɛ gbɔgbonvon lemeɔ. Gbɔgbonvon la tɛŋ ahun ŋkunɛ ŋkugbangban? ²² Sóxondji lɔ gbedó kpékpé lé Yéruzalɛŋ vá ɖó. ²³ Enyi vivɔgáme yí Yésu le zonzonwɔ le Sálumon yo gbedóxɔmɛ. ²⁴ Ké Yudatɔwó trɔdui yí biɛ bé: " Gaŋdeme yí wo lásɔ mi do sukulu? Nɛ woényi kristo lɔ tuí némie". ²⁵ Yésu ɖó ŋtsinɔwó bé:" ŋtui nɛmi xóxó, vɔlɔ mígbé bé yéwó ŋda xɔ djinyɛ seó. Etɔnye yó dɔ tsi ŋle xɔxɔlɔ, le kunu ɖeɔ só ŋtsinyɛ. ²⁶ Vɔ ganké migbé bé yéwo ŋda xɔ djinyɛ seó ɖóŋtsi mi ŋdé nyi alɛn tsinyɛwóo. ²⁷ Alɛn tsinyewó senon gbe tsinye; ŋdjesiwó yí wo kplɔnoŋ dó. ²⁸ Nananwo agbemavɔ; yí wó ŋdá tsonwo kpɔo, yí ameɖe ŋda tɛŋ xɔwo le asinyeó. ²⁹ Etɔnyɛ tsinɛ sɔwó naŋ lɔ lolo wu amesiámɛ, yí ameɖekpi ŋdateŋ axɔwó le tɔnye sio. ³⁰ Nye kudó tɔnye lɔ, méɖéká minyi." ³¹ Yudatɔwó fɔ kpéwó ke bé yewó asɔwui. ³³ Yésu tónɔwó bé:" ŋsɔ nunyuí sugbɔwó só tɔnyegbɔ tsi ŋtsi mibé yewó axokpeŋ. ³² Yudatɔwó tóni bé: " ŋde nyi dɔnyui yi ŋtsi mibé miá xokpewo ɖó, vɔ kuɖo busunya ŋtsi yɔ; ɖó wotsi nyi agbetɔlɔ, wosɔ ɖokuiwo wɔ mawu. ³⁴ Yésu ɖó ŋtsi nɔwó bé : " wóŋ ŋlin ɖe miawo seawómɛ bé: " Mi nyi mawuwó"? ³⁵ Nɛ eyɔwo mawuwó ametsi mawu sɔ nyana (yi mawunyalɔ ŋda tɛŋ trɔó), ³⁶ ŋde ŋtsi mile totoɔ nɛ nyɛ, ametsinɛ etɔlɔ kɔ yi yidɔɛ ɖoɖa hiheame bé. Wole busunya tokɔ, noŋtsi ŋtobe mawuvi yí ŋnyi?" ³⁷ Nɛ nyede le etɔnye yó dowó wɔkɔlɔ ke miŋgbe xɔ djinyeo. ³⁸ Vɔ nɛ ŋdjo le wɛwɛwɔlɔ, nɛ mi ŋde djibe yewo axɔ djinyeo lɔ midjo xɔ dɔwódji sɛ; yí mi lanya yí mi lasegɔmɛ bé etɔnye le menyɛ yí nyehan ŋle etɔnye mɛ. ³⁹ Wodji bé yewa gbe djasiɖedji vɔlɔ esi le alɔme nɔwó. ⁴⁰ Yesu gbedjo ke yiɖe Yɔdan godó,afitsi yí Ejan dje sidódóta nɛ amewó le, yí ŋtsi. ⁴¹ Amɛgbógbóɖeó va egbɔ to bé : " Ejan ŋde wɔ ŋdaŋdónu ɖé kpikpió, vɔ nyasianyan tsi to so ŋsuyɛ ŋtsi lɔ lé yo tehoé. ⁴² Lé xɔn lɔ, amɛgbogboɖeaó xɔ Yésu djise.