¹ Ewo évinnyɛn ku axo ŋsɛn:" le Mawuo menuvévé tsi le Yesu Kristo me." ² Yí nɛn nu tsiwo, yí wó se yíŋɖegbefan le ɖasefo gbogboɖewo ŋkumɛlɔ, sɔ do asimɛ nɛn amɛn kɔkɔɛ kankanɖodjimɛn tsiwoŋtɔwo wolakpŋtsi apkla amɛnbuwo tsan . ³ Shigbebe sɔdja Yesu Kristo tɔ, sɔ ayaɖuɖu tɔwo kúɖom. ⁴ Sɔdja ɖékpíkpí ŋdé subɔnɔn le ahomɛ tsi yí la le ŋkuɖowɔ yewodɔwó, yi la nyan kpɔkpɔ nɛn yio xoétɔ. ⁵ Nɛn nɛn ké eduxutɔ ɖekpikpi ŋda shidu tsiŋda waɖo esewo djiwo. ⁶ Agbledetɔ tsí kpenɔnŋku ɖo edɔ veveoŋti lɔ yí la nyi ametsi laxɔ enuɖeɖe yetɔwo djeŋkɔ. ⁷ Butame kpɔ nyui ɖe nɛn nu tsiwo ŋtonɔnlɔ, ɖolɔ xɔnanmɛtɔ ela kpeɖoŋtio ne na segɔnmɛ. ⁸ Doŋkuvi Yesu Kristo tsi tó le Davidi yio djidjime me, tsi yí fɔn le amkukuwo dome, to mawunyɔn tsiwo nuwɔ ŋle me. ⁹ Yí ŋtsi ŋle ayaɖuwo, nyi blablatɔ shigbe nubaɖa woatɔ, vɔlɔ Mawuo nyɔnlɔ ŋde nyi blablatɔ. ¹⁰ ŋto enuwo keŋkeŋ me ɖo amɛ tsantsanwo ta, ne wotsan wo ne ɖo djiɖuɖu tsi yí le Yesu mɛ kúɖo amenuvévé Mawu tɔ. ¹¹ Mikpɔ enyɔn matrɔ matrɔ: "nɛn mi ku kuilɔ, mia nɔ agbe tsan kui. ¹² Nɛn mi hɛn mia ɖeki sinsinɖelɔ, mia ɖufiɔ kudui. Nɛn mi gbe lɔ etsan la gbe mi. ¹³ Nɛn mi nyi nutexoé woatɔlɔ, yɛ kpɔtɔ nyi ŋtexoé woatɔ, ɖo ŋdateŋ shite ɖo yeŋtɔ ɖoki ŋtsio." ¹⁴ Yidji nanɔn ŋkuviɖowɔ nutsɛ wo dji nɔnwo. Mitɔgbewo le Mawu ŋkume be woŋgbe woadjre ɖo ŋɖe tsio, dɔwo ŋɖekpikpiwo, yinenewolɔ ela gble to ne me tsiwo sea. ¹⁵ Do ŋsɛn ɖokio nɛn na nɔn kɔkɔɛ le Mawuo ŋkume, shigbe be dɔwoatɔ tsi énuŋdakpɛnwowoa, vɔ na ɖenɔn gbefan nyɔnnyuiɛ nyuiɖe. ¹⁶ Gbenu le enyɔn maɖotawo gbɔ tsi yí laɖemi djole Mawu gbɔ. ¹⁷ Wo nyɔnwo anɔn djíyiɔ shigbe abi djɔmakui nɛnnɛn, Himene kudo Filet wo nyi ameɖewo le amɛxɔnmɛ. ¹⁸ Amɛnɖéwo djidji le nyawo gbɔ, wo soɛ be amekuku fɔnfɔn evamɛ vayi vɔ, eva gblé xɔse na amɛ ɖeo. ¹⁹ Fifiɛlɔ gɔnmeɖokpe sɛnŋsɛnŋ tsi Mawu ɖolɔ élé, tsi ɖo hlɛnhlɛn tsɛ wo: " axoétɔ djéshi yétɔwo" yí "ameshiame tsi hunme be yi djeshi axoétɔ ɖo la trɔ le nuvɔn yome." ²⁰ Le gatɔo xome lɔ ŋde ɖokponúnú sikatɔ kuɖo egatɔwo kpoé leo, vɔlɔ atsi kuɖo ekɔ tɔ tsan le. Eɖowo nyi nɔn zanzan le gaxoxotɔxɛwo mɛ, eɖeo lɔ o. ²¹ Nɛn mɛnɖe kɔ yéɖéki djo le nuvɔn gbɔ lɔ, ela nyi nu zanzan, kɔkɔɛ shigbe dokponùnù tsi ŋtsi bubule, tsi la nyan zanzan nɛn mebuwo, nɛn dɔ nyuiwo woawoa. ²² Si ɖekadjɛmɛn nu djodjrowo, yídjí na zɔn djɔdjɔɛ, xɔse, lɔnlɔn, ŋti fafa, kuɖo ametsiwo ɖo edji kɔkɔɛ yɔnɔn Mawu. ²³ Vɔ ɖashi lanwo susuɖeɖe kuɖo gɔnmɛmase na wo djidji, ɖolɔ ela hɛn nɔn adjre woawoa va. ²⁴ Axoetɔ subɔla ŋde ɖo la woana djre o. Vɔlɔ la nyi mɛnɖe tsi la ɖo lɔnlɔn nɛn amesiame, lateŋnyi enu kplan tɔ, djigbɔnɖɛtɔ. ²⁵ La kplan nu metsio gbenɔn yio nyɔnwo gbɔ le yeɖeki sɔhemɛ. Mawu lava nawó gaxoxo ɖe tsiwo lava trɔ wó susu, yí wola djeshi nyɔntexoɛ. ²⁶ Yí wo la trɔva ŋgɔnmesésé nyuiɛ gbɔ, yí wó la kpeŋti a tole abosanŋwo gamɔn tsi le wómɛn tsi léwo ku tsi sɔwo do yio lɔnlɔnnu te.