¹ Enyɛn pɔlu, apostolo Yesu Kristo tɔ to Mawu yio edronyui, so agbe ŋgbédodo ti lé Yesu Kristo me. ² Nɔn Timothée, evinye lɔnlɔntɔ: yayra, dɔmenyui, kúɖó ŋtifafa, tsi so Mawu Etɔ kudó Yesu Kristo mia xoetɔ gbɔ lɔ ne nɔn djiwo. ³ ŋdo akpé nɔn Mawu, bé ŋlé susubɔ kudo djidjinyɔn kɔkɔɛ sigbe lé tsi mia tɔgbuiwo wɔɛ, ŋlé ŋku ɖowɔ djio kokoko le ezan kuɖo ŋkéké lé axin gbédodoɖa me. ⁴ ŋdji be ma trɔ kpɔ, ŋle ŋku ɖowɔ axowo ɖasiwo dji, ŋkpɔnɔn djidjɔ. ⁵ ŋkpɔ ŋkuɖodji nu ne axo xɔse ŋtɔŋtɔ, tsi le edɔ wɔ le mamawo Loís me tutugbɔn, gbɔxoé gbe le edɔ wawɔ le enɔwo Eunisi me, ye ŋkan ɖodji be, ele agbe le san me nene. ⁶ Enu xɔŋti ŋle ŋku ɖɔwodji nɔ be le Mawuwo nunana tsi ŋna to ashi dada ɖo dji wo, ⁷ Mawu ŋde nami vɔnvɔn gbɔngbɔn, vɔlɔ ŋsɛn, lɔnlɔn kuɖo ɖoɖó. ⁸ ŋgbé wɔ ŋkpɛn ne mi ne mi dja ɖe gbefan so axoétɔ ŋtio, vɔ mi lɔn aɖu aya kúɖoŋ ne enyɔnnyuilɔ akanɖo Mawu wo ŋsɛn lɔ dji, ⁹ tsi xɔ ne mi, kuɖo tsi yɔ mi ne yɔyɔkɔkoɛɖe, ŋde mia ŋtɔwo dɔ nyui wawa yó, vɔlɔ yiwo dɔwawa kuɖo yiwo menuveve tsi yinamí to Yesu Kristo keŋ gbɔ xoé nɔn nushianuwo gɔnmedjedje, ¹⁰ vɔ fifiɛlɔ, Mawu wo ɖeɖekpɔkpɔ tsiwa ɖeɖefia tó mia xɔnametɔ Yesu Kristo wo zezeme tsi ɖu eku dji yí yisɔ agbe mavɔ va to mawunyɔn nyuiɛme. ¹¹ To éyɛ dji ŋsɔ gbe ne mawunyɔntotɔ, apostolo, kuɖo nufiatɔ. ¹² To exɔn dji ŋle aya gbogbo xɔn ɖuwɔ: vɔlɔ énu ŋdé kpɛnŋwo; ɖoa ŋdjewshi ametsi dji ŋxɔse ɖoa, ŋkanɖodji be ŋsɛn tsi la teŋ lebene enu tsi yí sɔnaŋ kaka sɔyi ŋkeke kpɛtɛlɔwo nuwuwu. ¹³ Lé shigbe kpɔɖohuinyɔn vevetɔwo tsi ŋto nɔn, le xɔseme kuɖo le lɔnlɔn me tsile Yesu Kristo me. ¹⁴ Lebene nukplankplan tsi ahoétɔ sɔ nɔn lɔ, lebeni kúdo gbɔngbɔnkɔkɔɛ yio kpeɖeŋ, tsi le mewoa. ¹⁵ Tsɛ, wonyibe: le Asia nutoméa wo gbenu le gbɔnnyɛn, le ehasoso xɔnmelɔ mila kpɔ Ephygel kúɖo Hermogɛn. ¹⁶ Axoétɔlɔ ne woa dɔmenyui ne Onesofor xometɔwo; tsi ɖonɔn ŋsɛn edjiedji kúɖo tsi enu ŋdé kpɛnkpɔ so kaka gatsi me ŋle gakpame; ¹⁷ vɔlɔ gatime eva Romelɔ, edjiŋ kúɖo bibi yí wo kpɔŋ. ¹⁸ Axoétɔ ne ya ɖe mɔn ne yakpɔmɔn le yio dɔmenyɔnlɔ me le ŋkeke xɔn dji le kodjóɖoɖome; yí letsí ekpeɖo ŋtinye le Eféshi tsan tutu.