¹ Tsinɛ mi xɔ dɔdashi yɛ lɔ, kúɖo núblanui kpɔkpɔ tsi mixɔ lɔ, miŋde ɖo la gbɔdjɔ ɔ. ² Bohun mí gbenu le nutsiwó kpɛnnɔn nu wó kúɖo nuɣlaɣlawó ŋtsi. Mi ŋde nɔnɔn agbe shigbe ayeme nu woatɔ nɛnɛn o, yí mi dé trɔ nɔn gbo Mawu nyɔn lɔ. Vɔ nɛ mi sɔ nyawo fia lɔ, mi biɔnɔn be ameshiame ŋtɔ wo djidjinya nɛ xonuxo ni le Mawu yio ŋmɛn. ³ Vɔ nɛ miɔn nyɔn nyui lɔ do avɔ tsɔntsɔn ɖo ŋmɛlɔ, etsɔn ŋmɛ ne ametsiwó le tsɔntsrɔn mɛ yiɔ. ⁴ Keŋlɔ, xixe ysɛ me yio Mawu lɔ yí tsɔn nu ŋmɛ nɛ djimaxɔsetɔwó, yí wó ŋde kpeŋtsi lakpɔ nyɔn nyui lɔ keŋkeŋ o, tsinyi Yesu yio ŋtsi kɔkɔɛ tsinɛ nyi Mawu yio foto. ⁵ Mi ŋdele mawunyɔn toɔ so miaɖeki ŋtsi o, vɔ be Kristo Yesu nyi axoétɔ, yí miɔntɔ mi nyi míá subɔlawó le Kristo yio lɔnlɔn mɛ. ⁶ Do Mawu ɖeka kpo yí to be: " kɛnklɛn ne to le viviti mɛ ", yí yíto le mia djiwó mɛ, yí na mi Mawu yio ŋtikɔkɔɛ le Yesu Kristo yio ŋmɛ. ⁷ Vɔ miɖo keshinɔnu xɔnwó le zeme, nɛ nushianu nɛ kɔ, be woásɔ ŋsɛn ganxɔn sɔna Mawu nɛ ŋgbé nyi agbetɔ. ⁸ Wó bɔ mi, ganke mi ŋde gban dje égodo o. Mi tsaka, ganke mi ŋde bú emɔn makpɔkpɔ, ⁹ yometsitsi va vɔ mi ŋde tsi akogo o, wó zinmi ɖo anyigban vɔ mi ŋde gban. ¹⁰ Mi kpɔtɔ lé Yesu yio ku ɖo mia ŋtsilanmɛ, be ne Yesu yio gbe nanyi ɖeɖefia le mia gbe mɛ. ¹¹ Miɔn tsi le agbe lɔ, wó sɔ mi sɔ doashi gashiagamɛ nɛ eku ɖo Yesu yio lɔnlɔn ŋtsi, be Yesu yio agbe nɛ ze le mia ŋtilan me. ¹² Le nuxɔn ŋtsi lɔ, eku le dɔwoawɔ le mia mɛ, yí agbe le dɔwoawɔ le mia mɛ. ¹³ Vɔ mia kpata mi ɖo xɔse xɔn shigbe letsi wó ŋlui ɖɛ nɛnɛn be : "ŋxɔɛse, yíŋtsi ŋle nuxo xoɔ." Miɔn tsan mi xɔɛse, yí tsi miɔnwó tsan mile nuxo xoɔ. ¹⁴ Mi nyi be amɛ tsinɛ fɔn axoétɔ Yesu ɖo ténu lɔ, la fɔn mí ɖo te, yí yíla kplɔmi sɔyiɖo yio ŋmɛn. ¹⁵ Nushianu le ne mía lɔnlɔn, nɛ yanyi kpɔɖonu be letsí amenuvévé lɔ gban kɔɖo amesugbɔdjilɔ, akpedadawó le gbɔsuwɔ sɔna Mawu yio ŋti kɔkɔɛ. ¹⁶ Eyɛ ŋtsi mi ŋde ɖo la gbɔdjɔ. Nɛ mia amɛ godotɔ gban tsan lɔ, amɛ émé émé tɔlɔ la nɔn ɖɔɖɔliɔ. ¹⁷ Nɛ gaxoxo viɖe lɔ, vévésésé vítúkuin xɔn la djra mi ɖo nɛ ŋti kɔkɔɛ mavɔ mavɔ tsi wúgan nuwó kpata. ¹⁸ Mi ŋde le nu tsiwó wó kpɔnɔn kpɔwɔ, vɔ lɔ nu makpɔmakpɔwó. Nukpɔkpɔwó le nɔn gaxoxo viɖe, yí enu makpɔmakpɔwó lé yi mavɔ.